ថ្មីៗនេះ ក្រុមហ៊ុន Honor បានប្រកាសចេញនូវស្មាតហ្វូនបត់បានជំនាន់ទីពីររបស់ខ្លួនម៉ូដែល Honor Magic Vs ហើយ ដោយព្រឹត្តិការណ៌នេះ គឺបានធ្វើឡើងនៅក្នុងប្រទេសចិន ហផយក៏មាបវត្តមានរបស់ស្មាតហ្វូនជំនាន់ថ្មី Honor 80 series មកជាមួយផងដែរ។ ខាងក្រោមនេះ គឺជាលក្ខណៈសម្បត្តិរបស់ Magic Vs។
ដោយសារតែកន្លងមក មានស្មាតហ្វូនបត់បានជាច្រើនតែងតែមានបញ្ហាជាមួយនិងគន្លឺះបត់ចុះឡើងនោះ ក្រុមហ៊ុន Honor បានសម្រេចប្រើប្រាស់នូវគំនិតថ្មីប្លែកពីគេ ដោយនៅលើ Magic Vs នេះត្រូវបានក្រុមហ៊ុនធ្វើការឌីស្សាញជាមួយនិងគន្លឺះថ្មីមានទម្ងប់ស្រាលឈ្មោះថា Gearless Hinge។ គន្លឺះនេះគឺមានតែមួយប៉ុណ្ណោះ ក្រុមវិស្វករបានធ្វើការឌីស្សាញគន្លឺះនេះចាប់ពី 92 កម្រិតមកត្រឹម 4 កម្រិតប៉ុណ្ណោះ។
ជាមួយនិងការប្រើប្រាស់នូវគន្លឺះនេះ ក្រុមហ៊ុន Honor បានបញ្ជាក់ថា ខ្លួបបានធ្វើតេស្តរួចហើយ គឺបានប្រើប្រាស់បានរហូតដល់ទៅ 400,000 ដង ដូច្នេះប្រសិនបើមួយថ្ងៃយផងបត់ 100 ដងនោះស្មាតហ្វូនបត់បាននេះអាចប្រើប្រាស់បានច្រើនជាង 10 ឆ្នាំឯណោះ។ ស្មាតហ្វូនបត់បាននេះ គឺមានកម្រ៉ាស់ប្រហែលជា 12.9mm និងមានទម្ងន់ប្រហែលជា 261g។ ហើយស្មាតហ្វូននេះ គឺមានជម្រើសខ្នងកញ្ចក់ និងស្បែក។
Honor Magic Vs ត្រូវបានក្រុមហ៊ុនបំពាក់មកជាមួយនូវកញ្ចក់អេក្រង់ខាងក្នុងជាប្រភេទ OLED មានទំហំ 7.9 អ៊ីង អាចបង្ហាញចេញបានទំហំ 2272x1984pixels និងមានកម្រិត 381 PPI។ អេក្រង់នេះរត់បានជាមួយល្បឿន 90Hz refresh rate និងមានកម្រិតពន្លឺ 800 nits។ សម្រាប់អេក្រង់ខាងក្រៅ គឺមានទំហំ 6.45 អ៊ីងបង្ហាញចេញបាននៅលើខ្នាត 20:9 aspect ratio មានទំហំ 90% ធៀបនឹងតួខ្លួន។ អេក្រង់នេះជាប្រភេទកញ្ចក់ OLED គាំទ្រដោយ resolution ទំហំ 2560x1080 pixels និងមានកម្រិត 431 PPI។
អេក្រង់ខាងក្រៅនេះរត់បានល្បឿន 120Hz refresh rate និងគាំទ្រដោយពន្លឺកម្រិត 1200nits។ អេក្រង់ទាំងពីរនេះ គឺមានទ្រទ្រង់ជាមួយនិងមុខងារ 10-bit color depth និង 100% DCI-P3 color gamut ហើយថែទាំងមានអាចទ្រទ្រង់បានជាមួយនិងកម្រិត 1920Hz PWM dimming ថែមទៀតផង។ បន្ថែមពីនេះ ស្មាតហ្វូនបត់បាននេះ ក៏មានការទ្រទ្រង់ជាមួយនិង stylus ផងដែរ ដូចគ្នាជាមួយ Galaxy Z Fold 3 និង Galaxy Z fold 4 គឺមិនមានរន្ធសម្រាប់បិកនោះទេ។ ប៊ិកនេះឈ្មោះថា Magic-Pen។ ស្មាតហ្វូនបត់បាន Honor Magic Vs មានកាមេរ៉ាក្រោយចំនួន 3 គ្រាប់ ដោយកាមេរ៉ាគោលមានទំហំ 54MP Sony IMX800 និងគ្រាប់ទីពីរមានទំហំ 50MP ultra-wide មានមុខងារ Autofocus សម្រាប់ឡែន Macro ហើយនិងគ្រាប់ទីបីមានទំហំ 8MP snapper ហ៊្សូមបាន 3x telephoto lens។ ស្មាតហ្វូននេះមានកាមេរ៉ាមុខទំហំ 16MP សម្រាប់អេក្រង់ខាងក្រៅ ខណៈដែលខាងក្នុងមិនមានកាមេរ៉ាទេ។
ស្មាតហ្វូនបត់បានជំនាន់ថ្មីនេះ គឺប្រើប្រាស់នូវបន្ទះឈីបជំនាន់ថ្មី Snapdragon Plus Gen 1 និងមានមកជាមួយនូវ Dual TEE (Trusted Execution Environment) ប្រព័ន្ធសុវត្ថិភាពដែលធ្វើការអភិវឌ្ឍរួមគ្នាជាមួយ Qualcomm សម្រាប់ការពារស្មាតហ្វូននេះផងដែរ។ Honor Magic Vs រត់នៅលើប្រព័ន្ធប្រតិបត្តិការ Android 12-ផ្អែកជាមូយ MagicOS 7.0 ចេញពីប្រអប់តេម្តង។ សម្រាប់មុខងារផ្សេងៗទៀតមានដូចជា Dual SIM, 5G, WiFi 6, Bluetooth 5.2, GNSS, NFC និង USB 3.1 Gen1 (Type-C)។ ស្មាតហ្វូននេះប្រើប្រព័ន្ធស្កែនម្រាមដៃនៅចំហៀងតួ ហើយនិងមាន IMAX Enhanced-certified dual stereo speakers រួមជាមួយមុខងារ DTS: X Ultra and 3 microphones ផងដែរ។ ស្មាតហ្វូននេះមានថ្មទំហំ 5,000mAh និងមានការគាំទ្រដោយ 66W (wired)។
Honor Magic Vs ចេញលក់នៅប្រទេសចិនជាមួយតម្លៃ:
សម្រាប់ម៉ូដែលស្តង់ដារទំហំ 8GB+256GB មានតម្លៃ ¥7,499 ($1,048) និងទំហំ 12GB+256GB មានតម្លៃ ¥7,999 ($1,118) ខណៈដែលទំហំ 12GB+512GB មានតម្លៃ ¥8,999 ($1,257)។ ចំពោះម៉ូដែល Ultimate មានទំហំ 16GB+512GB មានតម្លៃ ¥10,888 ($1,521)។ Honor Magic Vs បង្ហាញវត្តមានជាមួយពណ៌ Cyan, Black, ឬ Orange color ខណៈដែល Honor Magic Vs Ultimate មានពណ៌ខ្មៅ និងពណ៌មាស។ ស្មាតហ្វូននេះ នឹងចេញលក់ជាផ្លូវការនៅថ្ងៃទី 30 ខែវិច្ឆិកា។
