នៅក្នុងព្រឹត្តិការណ៍នៃការសម្ភោធន៍ស្មាតហ្វូន Honor Magic Vs នេះ ក្រុមហ៊ុននេះបានប្រកាសបង្ហាញនូវស្មាតហ្វូនចំនួន 3 ម៉ូឌែល។ វាគឺជាផ្នែកមួយនៃស្មាតហ្វូនត្រកូល Honor 80 ផងដែរ។ វាមានវត្តមាននៃស្មាតហ្វូន Honor 80 SE, Honor 80 និ ងHonor 80 Pro។
ស្មាតហ្វូន Honor 80 SE មើលទៅមានរូបរាងខុសប្លែកពីស្មាតហ្វូន Honor 80 និង Honor 80 Pro ។ យ៉ាងណាមិញ ស្មាតហ្វូននេះមានអេក្រង់ OLED កោង និងរូបរាងប្រណិតមែនទែន។ ស្មាតហ្វូននេះ មានអេក្រង់ 6.67-អ៊ីង curved OLED បង្ហាញរូបភាពបានជាមួយនឹងកម្រិតភាពច្បាស់ 2400x1080 pixels (FHD+) និងកម្រិតល្បឿន 120Hz refresh rate។ អេក្រង់នេះ គាំទ្រដោយកម្រិតចាក់ពណ៌ 10-bit មានរន្ធនៅចំកណ្តាលអេក្រង់ បង្ហាញចេញបាននៅលើខ្នាត 20:9 aspect ratio និងមានការទ្រទ្រង់ជាមួយកម្រិត 1920Hz PWM dimming។
ស្មាតហ្វូននេះមានបន្ទះឈីប MediaTek Dimensity 900 និងប្រើប្រាស់នូវស្បែកមុខកម្មវិធី MagicOS 7.0 ផ្អែកនៅលើប្រព័ន្ធប្រតិបត្តិការ Android 12 ចេញពីប្រអប់តែម្តង។ ស្មាតហ្វូននេះ មានកាមេរ៉ាក្រោយចំនួន 3 គ្រាប់ ដោយកាមេរ៉េគោល មានទំហំ 64MP គ្រាប់ទីពីរមានទំហំ 5MP ultra-wide និងគ្រាប់ទីបីមានទំហំ 2MP macro។ ស្មាតហ្វូននេះ មានកាមេរ៉ាខាងមុខទំហំ 32MP ។
សម្រាប់មុខងារភ្ជាប់នៅលើស្មាតហ្វូននេះ គឺមានដូចជា Dual SIM, 5G, WiFi 5, Bluetooth 5.1, GNSS និងរន្ធ USB 2.0 (Type-C)។ ស្មាតហ្វូននេះ មាន Mono speaker និងប្រព័ន្ធស្កេនក្រយ៉ៅដៃក្រោមអេក្រង់ផងដែរ។ ស្មាតហ្វូន Honor 80 SE នេះ មានថាមពលថ្មទំហំ 4,600mAh និងមានការគាំទ្រជាមួយកម្លាំងសាក 66W wired fast charging។ ស្មាតហ្វូននេះមានវិមាត្រ 161.3x73.4x7.7mm និងទម្ងន់ 175g។
សម្រាប់តម្លៃរបស់ស្មាតហ្វូន Honor 80 SE នៅក្នុងប្រទេសចិន គឺ 8GB+256GB – ¥2,399 ($335) និង 12GB+256GB – ¥2,699 ($377)។ ស្មាតហ្វូននេះមានពណ៌ Moonlight Crystal, Iceland Fantasy, Cherry Pink Coral និង Bright Black ។ ស្មាតហ្វូននេះចាប់ផ្តើម pre-order ពីថ្ងៃនេះ។ វានឹងដាក់លក់នៅថ្ងៃទី 9 ខែធ្នូនេះ៕
