បែកធ្លាយព័ត៌មានមួយចំនួនរបស់ iQOO 11 Series ខណៈដែលការបង្ហាញខ្លួន នឹងធ្វើឡើងនៅថ្ងៃទី 2 ខែធ្នូនេះ

កាលពីពេលម្សិលមិញនេះ ក្រុមហ៊ុន  vivo បានក្លាយជាក្រុមហ៊ុនដំបូងបំផុតដែលប្រកាសជាផ្លូវការនូវស្មាតហ្វូនរបស់ខ្លួនដែលមានបន្ទះឈីប Snapdragon 8 Gen 2 ដែលស្មាតហ្វូនថ្មីនេះ គឺជាស្មាតហ្វូនមួយនៅក្នុងចំនោមស្មាតហ្វូនជាច្រើនដែលនឹងប្រើប្រាស់នូវបន្ទះឈីប 8 Gen 2 មុនដាច់ឆ្នាំនេះ។ បើមើលទៅបញ្ជីដែលបង្ហាញដោយក្រុមហ៊ុន Qualcomm នោះ គេក៏ឃើញមានវត្តមានរបស់ម៉ាកយីហោ iQOO ផងដែរ។ 

យោងតាមព័ត៌មានកន្លងមក គឺបានបញ្ជាក់ថា ស្មាតហ្វូន iQOO 11 Series ក៏គ្រោងនឹងបង្ហាញខ្លួននៅថ្ងៃទី 2 ខែធ្នូនេះផងដែរ។ ថ្មីៗនេះ មានលេចធ្លាយនូវរូបភាព Poster នៅលើវេបសាយដែលមានការបញ្ជាក់ព័ត៌មានជាច្រើនអំពីវត្តមានស្មាតហ្វូនម៉ូដែល iQOO 11។ ស្មាតហ្វូននេះមានតួខ្លួនពណ៌សជាមួយនឹងឆ្នូតដែលអាចសម្គាល់បានថានេះគឺជាស្មាតហ្វូន iQOO ។ យើងក៏បានឃើញនូវការបែកធ្លាយជាច្រើនអំពីស្មាតហ្វូន  iQOO 11 series នេះផងដែរ។

ស្មាតហ្វូន  iQOO 11 នេះ នឹងមានការបំពាក់នូវអេក្រង់ទំហំ 6.78 អ៊ីង AMOLED panel (Samsung E6) ជាមួយនឹងកម្រិតភាពច្បាស់ QHD+ និង 144Hz refresh rate ។ស្មាតហ្វូននេះមានកាមេរ៉ាគោលទំហំ 50MP main និង 13MP ultra-wide ជាមួយនឹង 8MP macro។ ស្មាតហ្វូននេះត្រូវបានគេបញ្ជាក់ថា គឺនឹងមានការប្រើប្រាស់នូវបន្ទះឈីបជំនាន់ថ្មី Snapdragon 8 Gen 2 និងមានថាមពលថ្មទំហំ 5,000mAh ដែលគាំទ្រជាមួយនឹងកម្លាំងសាក 120W ខណៈពេលដែលស្មាតហ្វូន  iQOO 11 Pro មាន 200W ជាមួយនឹងថាមពលថ្មទំហំ 4,700mAh ៕