នៅពេលនេះ កាលបរិច្ឆេតនៃការបង្ហាញវត្តមាន realme 10 Pro Series ទីផ្សារសកល និងឥណ្ឌា គឺមានការបញ្ជាក់ច្បាស់លាស់ហើយ បន្ទាប់ពីស្មាតហ្វូននេះបានសម្ពោធជាផ្លូវការណ៌នៅប្រទេសេចិនកាលពីថ្ងៃទី 17 ខែធ្នូកន្លងទៅ។ បើតាមការទម្លាយនៅថ្ងៃនេះ គឺបង្ហាញថា ស្មាតហ្វូន realme 10 Pro series នឹងប្រកាសចេញនៅលើទីផ្សារសកលនៅថ្ងៃទី 8 ធ្នូខាងមុខនេះ ហើយក៏បានបង្ហាញវត្តមាននេះ គឺចំពេលតែមួយជាមួយនិងទីផ្សារប្រទេសឥណ្ឌាតែម្តង។
ប្រភពខាងលើនេះបន្តថា ចាប់ពីថ្ងៃនេះទៅ ស្មាតហ្វូន realme 10 Pro 5G និង realme 10 Pro+ 5G គឺអាចរកជាវបានសម្រាប់ទីផ្សារសកលហើយ។ សូមបញ្ជាក់ថា ស្មាតហ្វូន realme 10 Pro គឺដំណើរការនៅលើបន្ទះឈីប Snapdragon 695 ខណៈដែលស្មាតហ្វូន realme 10 Pro+ គឺដំណើរការនៅលើបន្ទះឈីប Dimensity 1080 SoC ហើយស្មាតហ្វូនដែលបង្ហាញខ្លួននៅលើទីផ្សារសកលនេះ ក៏មានការប្រើប្រាស់បន្ទះឈីបដូចគ្នាជាមួយស្មាតហ្វូនដែលបង្ហាញខ្លួននៅប្រទេសចិនដែរ។ ខាងក្រោមននេះ គឺជាលក្ខណៈសម្បត្តិរបស់ស្មាតហ្វូន realme 10 Pro Series 5G។
realme 10 Pro 5G
realme 10 Pro ត្រូវបានក្រុមហ៊ុនបំពាក់មកជាមួយនូវអេក្រង់ទំហំ 6.72-អ៊ីងប្រភេទកញ្ចក់ IPS LCD កម្រិត FHD+ មានល្បឿនរត់បាន 120Hz។ ស្មាតហ្វូននេះប្រើប្រាស់នៅប្រព័ន្ធស្កែនម្រាមដៃ side-facing fingerprint scanner និងប្រើប្រាស់បន្ទះឈីប Snapdragon 695 ហើយនិងមានរ៉េមទំហំ 12GB LPDDR4x រួមជាមួយអង្គចងចាំទំហំ 256GB UFS 2.2។ Realme 10 Pro មានកាមេរ៉ាគោលទំហំ 108-Megapixel និងគ្រាប់ទីពីរទំហំ 2-Megapixel (macro) ខណៈដែលកាមេរ៉ាមុខមានទំហំ 16-Megapixel selfie។ ស្មាតហ្វូននេះមានថ្មទំហំ 5,000mAh គាំទ្រដោយកម្លាំងសាក 33W fast charging។
realme 10 Pro+ 5G
realme 10 Pro+ 5G មានអេក្រង់ទំហំ 6.7-អ៊ីងប្រភេទកញ្ចក់ AMOLED និងមានគែមអេក្រង់កោងថែមទៀតផង។ អេក្រង់នេះ បង្ហាញចេញបានកម្រិត FHD+ និងមាមល្បឿន 120Hz refresh rate។ ស្មាតហ្វូនបំពាក់នូវបន្ទះឈីប Dimensity 1080 និងមានរ៉េមទំហំ 12GB LPDDR4x ហើយនិងមានអង្គចងចាំទំហំ 256GB UFS 2.2។ សម្រាប់កាមេរ៉ាមុខមានទំហំ 16-Megapixel។ ស្មាតហ្វូនថ្មីនេះ ក៏មានការប្រើប្រាស់កាមេរ៉ាគោលទំហំ 108-Megapixel និងគ្រាប់ទីពីរមានទំហំ 8-Megapixel ultra-wide ហើយនិងគ្រាប់ទីបីមានទំហំ 2-Megapixel macro។ ស្មាតហ្វូននេះមានថ្មទំហំ 5,000mAh គាំទ្រដោយកម្លាំងសាក 67W fast charging។
សូមជំរាបផងដែរថា នៅលើទីផ្សារប្រទេសចិន ស្មាតហ្វូនស៊េរីថ្មី realme 10 Pro series នេះ គឺរត់ជាមួយនិងស្បែកកម្មវិធី Realme UI 4.0 ផ្អែកនៅលើប្រព័ន្ធប្រតិបត្តិការ Android 13 OS។ ដូច្នេះសម្រាប់ការបង្ហាញវត្តមាននៅលើទីផ្សារសកលនេះ ស្មាតហ្វូននេះក៏អាចនឹងប្រើប្រាស់នូវ Software ដូចគ្នានេះដែរ។
