ថ្មីៗនេះមានការលេចធ្លាយនូវរបាយការណ៌ថ្មីថា ក្រុមហ៊ុន Samsung នឹងមានរៀនចំសម្ពោធស្មាតហ្វូន Galaxy S23 series នៅលើទីផ្សារសកលនាដើមខែកុម្ភៈខាងមុខនេះហើយ។ ព្រឹត្តិការណ៌នេះ ត្រូវបានគេបញ្ជាក់ថា គឺជាព្រឹត្តិការណ៌ដំបូងបំផុតដែលមានអ្នកចូលរួមគិតចាបើតាំងពីមានការរីករាលដាលនៃមេរោកកូវីដ។ កន្លងមក មានព័ត៌មានជាច្រើនរបស់ស្មាតហ្វូន Galaxy S23 series ត្រូវបានគេទម្លាយចេញ ប៉ុន្តែចំណុចដែលចាប់អារម្មណ៌ជាងគេនោះ គឺប្រើប្រាស់នូវកាមេរ៉ាទំហំ 200-Megapixel ហើយនិងការបំពាក់នូវបន្ទះឈីបជំនាន់ថ្មី Snapdragon 8 Gen 2។
នៅពេលនេះ មុនការមកដល់នៃព្រឹត្តិការណ៌នេះ កំពូលស្មាតហ្វូនជំនាន់ថ្មី Galaxy S23 និង S23 Plus ត្រូវបានគេឃើញថា បានឆ្លងកាត់បញ្ជី FCC certification database រួចរាល់ហើយ ដោយស្មាតហ្វូន Galaxy S23 គឺមានលេខកូដ SM-S911B, ខណៈដែល S23 Plus មានលេខម៉ូដែល SM-S916B។ យោងតាមបញ្ជីនេ គឺមានបង្ហាញទៀតថា ស្មាតហ្វូនទាំងពីរនេះ នឹងប្រើប្រាស់កម្លាំងសាក 25W fast charging ដូចគ្នា។ Galaxy S23 នឹងមានការប្រើប្រាស់ថ្ម ដែលមានលេខ EB-BS912ABY និងមានទំហំ 3785mAh ដែលប្រហែលជាត្រូវប្រើផ្លូវការក្នុងទំហំ 3900mAh។ សម្រាប់ EB-BS916ABY របស់ Galaxy S23 Plus វិញ គឺមានទំហំ 4565mAh ត្រូវគេរំពឹងថា នឹងមានទំហំ 4700mAh។ បន្ថែមពីនេះនៅលើបញ្ជី FCC ក៏មានការបង្ហាញថា ស្មាតហ្វូននេះនឹងប្រើឈីប Qualcomm SoC ផងដែរ គឺអាចជា Snapdragon 8 Gen 2។
ជាមួយគ្នានេះក្នុងការបែកធ្លាយនេះ គេមើលមិនឃើញថា ស្មាតហ្វូននេះមានភាពខុសគ្នាពីជំនាន់មុននោះទេ គឺស្ទោះរតែដូចគ្នាដដែល។ ស្មាតហ្វូន Galaxy S23 Plus នឹងមានការប្រើអេក្រង់ទំហំ 6.6-អ៊ីងខណៈដែលម៉ូដែលស្តង់ដារមានទំហំ 6.1-អ៊ីង កម្រិត Full HD+ និងមានល្បឿន 120Hz refresh rate។ Galaxy S23 Plus នឹងបង្ហាញខ្លួនជាមួយនកាមេរ៉ាគោលទំហំ 50MP និងគ្រាប់ទីពីរមានទំហំ 12MP ultra-wide ហើយនិងគ្រាប់ទីបីមានទំហំ 10MP telephoto ។ សម្រាប់កាមេរ៉ាមុខ គឺនឹងមានទំហំ 32MP។ ទៅលើកម្លាំងម៉ាស៊ីន Galaxy S23 Plus មានអង្គចងចាំទំហំ 256GB និងមានរ៉េម 8GB/12GB ហើយនិងរត់នៅលើ Android 13 ផ្អែកជាមួយស្បែកកម្មវិធី One UI 5.0។
