យោងតាមការបែកធ្លាយថ្មីៗនេះ ដោយអ្នកទម្លាយ Yogesh Brar បានបង្ហាញថា Xiaomi 14 Ultra គឺមានការបំពាក់នូវលក្ខណៈសម្បត្តិខ្ពស់ៗបំផុត។ ប្រភពខាងលើនេះ បន្តថា ស្មាតហ្វូន Xiaomi 14 Ultra នឹងមានអេក្រង់ទំហំ 6.73-អ៊ីង បង្ហាញចេញកម្រិត QHD+ និងមានល្បឿន 120Hz OLED ហើយនិងមានការគាំទ្រនូវបច្ចេកវិទ្យាអេក្រង់ LTPO display ថែមទៀតផង។
ស្មាតហ្វូននេះ ក៏នឹងមានការប្រើប្រាស់នូវកាមេរ៉ារបស់ Leica ហើយនិងមានការការទ្រទ្រង់នួវបច្ចេវិទ្យា សាក 90W fast charging។ ជាមួយនិងកាមេរ៉ានេះ ការផលិតរូបភាព គឺនឹងទទួលបាននូវគុណភាព ខ្ពស់ជាង ជំនាន់មុន។ មានការ ទម្លាយថា នៅលើស្មាតហ្វូនជំនាន់ថ្មីនេះ គឺនឹងមានកាមេរ៉ាទំហំ 50MP ចំនួន 4 គ្រាប់ មានការគាំទ្រដោយសិនស័រ 1-អ៊ីង ហើយនិងមានការទ្រទ្រង់ដោយប្រព័ន្ធកាមេរ៉ារបស់ ក្រុមហ៊ុន Leica ដែលប្រើឡែនមានពន្លឺខ្ពស់ជាងមុន។
គួរបញ្ជាក់ផងដែរថា នៅលើកាមរ៉ាគោលដែលប្រើប្រាស់សម្រាប់ស្មាតហ្វូន Xiaomi 14 Ultra នឹងមាន ឡែន Sony LYT-900 sensor ទ្រទ្រង់ជាមួយនិង variable aperture ដែលមានមានកម្រិតចាប់ពី f/1.6 ខណៈដែលឡែន periscope 5x telephoto នឹងមានការប្រើប្រាស់នូវ f/2.5 aperture ជំនួសអោយម៉ូដែលមុន f/3.0។ បន្ថែមពីនេះ ក៏មានការបញ្ជាក់ថា ស្មាតហ្វូន Xiaomi 14 Ultra នឹងមានការប្រើប្រាស់ថ្មីទំហំ 5,300mAh ផងដែរ។
