រថយន្ត BYD Dolphin 2024 បង្ហាញវត្តមានជាផ្លូវការជាមួយនិងតម្លៃត្រឹម 13,865 តែប៉ុណ្ណោះ

យោងតាមការបញ្ជាក់ថា រថយន្ត BYD Dolphin Honor Edition hatchback គឺចាប់ផ្តើមដាក់លក់នៅលើទីផ្សារប្រទេសចិនហើយ។ រថយន្តអគ្គិសនីជំនាន់ថ្មីមានទំហំតូចនេះ គឺមានការប្រើប្រាស់នូវម៉ូទ័រ 70kW e-motor និងមានសមត្ថភាពអាចរត់បានជាមួយនិងចំងាយ 420km ហើតនិងមានតម្លៃទាបបំផុត។ ជាមួយនិងព័ត៌មាននេះ ក្រុមហ៊ុននេះ ក៏បានបញ្ចេញនូវម៉ូដែលថ្មីដែលមានថាមពលអាគុយតូចជាងនេះ ដែលរត់បាន 302km ផងដែរ។ រថយន្តអគ្គិសនីម៉ូដែល Dolphin ដែលមានដាក់លក់នៅលើទីផ្សារជាមួយតម្លៃចាប់ពី 99,800 យ៉ន់ ដែលប្រហែលជា 13,865 ដុល្លារប៉ុណ្ណោះ។ 

តម្លៃនេះ គឺទាបជាងជំនាន់មុន 4.7% ប្រៀបធៀបជាមួយនិងជំនាន់មុន។ BYD Dolphin ត្រូវបានគេចាត់ទុកថា គឺជាម៉ូដែលមួយដែលមានការពេញនិយម និងមានកេរ្ត៍ឈ្មោះល្អបំផុតនៅក្នុងការប្រកួតប្រជែងនៅលើទីផ្សារ។ ជាមួយនិងការបង្ហាញវត្តមាននៅលើទីផ្សារចិនពេលនេះ គឺមានការឌីស្សាញផ្នែកខាងក្រៅដូចគ្នានឹងម៉ូដែលមុនៗអញ្ចឹង។ សម្រាប់ភាពខុសគ្នាទៅលើពណ៌ និង rim design ប៉ុណ្ណោះ។ រថយន្តនេះ គឺមានទំហំ 4125/1770/1570mm និងមានប្រវែងគម្លាតកង់ 2700 mm។

និយាយពីការឌីស្សាញនៅខាងក្នុងរបស់រថយន្តអគ្គិសនីជំនាន់ថ្មី Dolphin នេះ គឺមានការយកលំនាំតាមជំនាន់មុនៗដែរ ដោយមានការបន្ថែមចំណុចមួយចំនួនប៉ុណ្ណោះ។ នៅក្នុងរថយន្តនេះ ផ្នែកខាងមុខ នឹងមានកៅអីអង្គុយមានទំហំធំទូលាយ និងមានការតម្លើងនូវបច្ចេកវិទ្យាសាក 50W wireless phone charging pad ហើយនិងមានរន្ធ type-C charging port។ សម្រាប់លក្ខណៈពិសេសនៅលើរថយន្តនេះ គឺមានការភ្ជាប់មកជាមួយនូវប្រព័ន្ធ ETC system រួចជាស្រេច ដែលអនុញាតិអោយអ្នកប្រើប្រាស់អាចធ្វើការបង់ប្រាក់នៅលើផ្លូវល្បឿនលឿនបានទៀតផង។ The Dolphin Honor Edition ក៏មានការតម្លងើងអេក្រង់ទំហំ 12.8-អ៊ីង និងមួយទៀតមានទំហំ 5-អ៊ីង។