ជារៀងរាល់ឆ្នាំ ក្រុមហ៊ុន Samsung តែងតែរៀបចំនូវព្រឹត្តិការណ៍ Galaxy Unpacked ចំនួន 2 លើក ដោយព្រឹត្តិការណ៍លើកទី 1 គឺនៅក្នុងខែមករា ឬខែកុម្ភៈ ដែលមានការបង្ហាញនូវវត្តមានរបស់ស្មាតហ្វូន Flagship នៃត្រកូល Galaxy S-series។ ហើយនឹងព្រឹត្តិការណ៍លើកទី 2 គឺធ្វើឡើងនៅក្នុងខែសីហា ដែលមានការបង្ហាញវត្តមានស្មាតហ្វូនអេក្រង់បត់បាន Galaxy Z foldables, ស្មាតវ៉ច Galaxy Watch series និងថេប្លេត flagship Galaxy Tab S។ នៅថ្ងៃនេះ មានរបាយការណ៍ថ្មីមួយ បានផ្តើមទម្លាយចេញនវវេលានៃព្រឹត្តិការណ៍ Unpacked នៅក្នុងឆ្នាំនេះហើយ។
SamMobile បានរាយការណ៍ថា ព្រឹត្តិការណ៍ Galaxy Unpacked ជំនាន់ថ្មីនេះ នឹងកើតឡើងនៅដើមខែកក្កដានេះ។ កាលពីឆ្នាំមុននេះ ព្រឹត្តិការណ៍នេះ បានរៀបចំឡើងនៅក្នុងសប្តាហ៍ចុងក្រោយនៅក្នុងខែដដែល។ នៅក្នុងឆ្នាំនេះ មានការព្យាករណ៌ថា អាចនឹងមានការបង្ហាញនូវព្រឹត្តិការណ៍នេះ នៅសប្តាហ៍ទី 2 នៅក្នុងខែកក្កដានេះ។ ព្រឹត្តិការណ៍ទី 2 នៅក្នុងឆ្នាំនេះ គឺអាចនឹងធ្វើឡើងនៅថ្ងៃទី 1 ខែកក្កដានេះ ហើយជាធម្មតា គឺនៅថ្ងៃពុធសម្រាប់ព្រឹត្តិការណ៍ Samsung Galaxy Unpacked នេះ។
ប្រសិនបើរបាយការណ៍នេះ គឺជាការពិតនោះ ព្រឹត្តិការណ៌នេះ អាចនឹងជាលើកទី 2 ដែលក្រុមហ៊ុន Samsung នឹងដំណើររការនូវព្រឹត្តិការណ៍ Unpacked នៅក្នុងឆ្នាំនេះ។ បន្ថែមពីនេះ ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងនេះក៏ក្លាយជាអ្នកឧបត្ថម្ភធំរបស់ព្រឹត្តិការណ៍ Olympics 2024 ដែលនឹងចាប់ផ្តើមនៅថ្ងៃទី 26 ខែកក្កដានេះ។ ព្រឹត្តិការណ៍នេះ ក៏នឹងរៀបចំនៅទីក្រុងប៉ារីស នៃប្រទេសបារាំងផងដែរ។
ព្រឹត្តិការណ៍ Samsung Galaxy Unpacked អាចនឹងមានការបង្ហាញនូវ Galaxy Ring និងស្មាតហ្វូន Galaxy ផងដែរ។ ព្រឹត្តិការណ៍ Galaxy Unpacked នេះអាចនឹងមានវត្តមាននៃ Galaxy Ring, Galaxy Z foldables ជំនាន់ទី 6, ស្មាតវ៉ច Galaxy Watch Series 7, Galaxy Tab S10 និងកាសស្តាប់ Galaxy Buds 3 ជាដើម៕
