ក្រុមហ៊ុន realme បានបង្ហាញចេញនូវស្មាតហ្វូនស៊េរីថ្មីរបស់ខ្លួន realme 12+ 5G និង realme 12 Pro+ 5G នៅក្នុងប្រទេសឥណ្ឌូនេស៊ី។ ស្មាតហ្វូន realme 12+ 5G ជំនាន់ថ្មីនេះ មានការឌីស្សាញគែម bezels ពណ៌មាស ដែលជាម៉ូដែលមានការសហការជាមួយនឹងអ្នកឌីស្សាញ Ollivier Savéo ដែលមើលទៅពិតជាមានភាពប្រណិតបំផុតពីព្រោះថា ផ្នែកខាងក្រោយរបស់ស្មាតហ្វូននេះជាប្រភេទ Vegan Leather។
.jpg)
ស្មាតហ្វូន realme 12+ 5G នេះ មានអេក្រង់ទំហំ 6.67-អ៊ីង E4 AMOLED គាំទ្រជាមួយនឹងកម្រិតភាពច្បាស់ FHD+ resolution ល្បឿន 120Hz refresh rate និងមានពន្លឺអេក្រង់ 2000nits។ ស្មាតហ្វូននេះ មានបន្ទះឈីប MediaTek Dimensity 7050 SoC រ៉េមទំហំ 8GB និងម៉េមូរីទំហំ 256GB ហើយក៏ដំណើរការនូវប្រព័ន្ធប្រតិបត្តិការ realme UI 5.0 ផ្អែកនៅលើប្រព័ន្ធប្រតិបត្តិការ Android 14 ថែមទៀតផង។
បើមើលទៅលើកាមេរ៉ានោះ ស្មាតហ្វូនជំនាន់ថ្មីនេះ មានកាមេរ៉ា 3 គ្រាប់ ដែលមានទំហំ 50MP គាំទ្រជាមួយនិងមុខងារ OIS, គ្រាប់ទីពីរមានទំហំ 8MP ultra-wide ខណៈដែលគ្រាប់ទីបីមានទំហំ 2MP macro ជាមួយនឹងកាមេរ៉ាខាងមុខទំហំ 16MP។ ស្មាតហ្វូនថ្មីនេះ មានថាមពលថ្មទំហំ 5000mAh ជាមួយនឹងបច្ចេកវិទ្យាសាកថ្មលឿន 67W SuperVOOC charging។ ស្មាតហ្វូននេះ មាន 2 ពណ៌គឺ Pioneer Green និង Navigator Beige ។
ស្មាតហ្វូន realme 12 Pro+ នេះវិញ មានអេក្រង់ទំហំ 6.7-អ៊ីង AMOLED បង្ហាញចេញជាមួយនឹងកម្រិតភាពច្បាស់ FHD+ resolution និងមានល្បឿន 120Hz refresh rate។ ស្មាតហ្វូនថ្មីនេះ មានបន្ទះឈីប Snapdragon 7s Gen 2, LPDDR4x RAM, UFS 3.1 Storage និងថាមពលថ្មទំហំ 5,000mAh ជាមួយនឹងបច្ចេកវិទ្យាសាកថ្មលឿន67W fast charging ។
បើមើលទៅលើប្រព័ន្ធសុវត្ថិភាពនោះ ស្មាតហ្វូននេះ មានប្រព័ន្ធស្កេនក្រយ៉ៅដៃក្រោមអេក្រង់ និងដំណើរការនូវ realme UI 5 ជាមួយនឹង Android 14។ ស្មាតហ្វូននេះ ទទួលបាននូវការ upgrade OS ដល់ទៅ 2 ឆ្នាំ និងការអាប់ដេតសុវត្ថិភាពដល់ទៅ 3 ឆ្នាំ។ ស្មាតហ្វូននេះមានកាមេរ៉ាខាងក្រោយទំហំ 50-Megapixel Sony IMX890 main ជាមួយនឹងមុខងារ OIS, 8-Megapixel ultra-wide និង 64-Megapixel Periscope Telephoto ជាមួយការគាំទ្របាន 3x optical zoom។ ស្មាតហ្វូននេះមានកាមេរ៉ាខាងមុខទំហំ 32-megapixel ។
ស្មាតហ្វូន realme 12+ 5G ដែលមានទំហំ 8GB/ 256GB មានតម្លៃ Rp 3,999,000 ($254) ។ សម្រាប់ស្មាតហ្វូន realme 12 Pro+ 5G នេះមាន 2 ទំហំគឺ 8GB/256GB នេះមានតម្លៃ Rp 5,599,000 ($356) និង 12GB/512GB version មានតម្លៃ Rp 6,599,000 ($419) ។ ការលក់ flash sale ស្មាតហ្វូននេះគឺចាប់ផ្តើមនៅថ្ងៃទី 3 ខែមីនាខាងមុខនេះ ហើយការលក់ជាផ្លូវការគឺនៅថ្ងៃទី 8 មីនា៕
