Huawei និង Samsung នឹងមានការប្រកួតប្រជែងគ្នាម្តងទៀត ទៅលើស្មាតហ្វូនអេក្រង់បត់ម្លៃធូថ្លៃ នាត្រីមាសទី 2 ខាងមុខនេះ

យោងតាមការទម្លាយនូវព័ត៌មានថ្មីៗនេះ បានបញ្ជាក់អោយដឹងថា ក្រុមហ៊ុន បច្ចេកវិទ្យាយក្សរបស់ចិន Huawei មានគម្រោងនៅក្នុងប្រកាសចេញនូវស្មាតហ្វូនអេក្រង់បត់បានជំនាន់ថ្មីរបស់ខ្លួននៅត្រីមាសទី 2 ឆ្នាំ 2024 ខាងមុខនេះហើយ ដែលម៉ូដែល ថ្មីនេះ ត្រូវបានគេបញ្ជាក់ថា នឹងមានការប្រកួតប្រជែងជាមួយនិងក្រុមហ៊ុន Samsung ថែមទៀតផង។ សូមជំរាបថា សេចក្តី រាយការណ៌កន្លងមក បានបញ្ជាក់ហើយថា ក្រុមហ៊ុនទាំងពីរ នឹងមានការបញ្ចេញនូវស្មាតហ្វូនអេក្រង់បត់បានដែលមានតម្លៃ ធូថ្លៃនៅឆ្នាំនេះចុងឆ្នាំនេះផងដែរ។ 

ព័ត៌មានខាងលើនេះ បានបន្តថា វត្តមានរបស់ស្មាតហ្វូនអេក្រង់បត់បានជំនាន់ថ្មី ដែលមានតម្លៃធូថ្លៃនេះ គឺនឹងក្លាយជាទីលាន ប្រកួតប្រជែងថ្មីមួយទៀតសម្រាប់ក្រុមហ៊ុនទាំងពីរ។ មួយវិញដោយសារតម្លៃរបស់ស្មាតហ្វូនអេក្រង់បត់មានតម្លៃខ្ពស់ឡើងៗ នោះ មានសេចក្តីរាយការណ៌ថា ស្មាតហ្វូនអេក្រង់បត់បានរបស់ក្រុមហ៊ុន Samsung និងក្រុមហ៊ុន Huawei ដែលគ្រោងនឹង ចេញលក់នៅលើទីផ្សារនោះ គឺអាចជាស្មាតហ្វូនអេក្រងបត់បែបផ្តេកដូចជាសៀវភៅ មិនដូចជាប្រភេទបញ្ឈរដូចគ្រំនោះទេ។

ប្រភពខាងលើនេះបន្តថា ក្រុមហ៊ុនបច្ចេកវិទ្យាយក្សចិនមួយនេះ នឹងបន្តប្រើប្រាស់នូវអេក្រង់ទំហំដូចជំនាន់មុនៗដដែល សម្រាប់ស្មាតហ្វូនជំនាន់ថ្មីរបស់ខ្លួននេះ។ ជាមួយគ្នានេះ ក្រុមហ៊ុន Huawei ក៏បានធ្វើការងារទៅលើបន្ទះឈីបជំនាន់ថ្មី Kirin និងឈីបសម្រាប់ប្រើប្រាស់នៅលើម៉ាស៊ីនកុំព្យូទ័រផងដែរ។ មួយវិញទៀត ទាក់ទងនឹងឈីបនេះ ក៏មានការបញ្ជាក់ថា បន្ទះ ឈីបថ្មីៗនេះ ក៏នឹងមានការបំពាក់នៅលើស្មាតហ្វូនអេក្រង់បត់ជំនានថ្មីៗនាពេលខាងមុខនេះដូចគ្នា ក៏ប៉ុន្តែមិនទាន់ ក្រុមហ៊ុន Huawei នៅមិនទាន់មានការបញ្ជាក់ផ្លូវការណាមួយនោះទេពីរឿងនេះ។