ជឿជាក់ថា កាលពីខែមករាកន្លងទៅនេះ គ្រប់គ្នាប្រាកដជាបានជ្រាបរួមហើយពីការបង្ហាញវត្តមានរបស់ស្មាតហ្វូនជំនាន់ថ្មីរបស់ក្រុមហ៊ុន Redmi ដែលមានឈ្មោះថា Redmi Note 12 Turbo ឬ Redmi Note 12T។ ស្មាតហ្វូននេះក៏ត្រូវបានគេទម្លាយនូវព័ត៌មានថ្មីមួយចំនួនកាលពីសប្តាហ៌មុននេះដែរ។ នៅធ្ងៃនេះ មានរបាយការណ៌ថ្មីមួយទៀត បានទម្លាយថា ស្មាតហ្វូនជំនាន់ថ្មីនេះ នឹងមានការប្រកាសចេញជាផ្លូវការណ៌នៅក្នុងពេលឆាប់ៗនេះហើយ។

យោងតាមការដកស្រង់ព័ត៌មានពី Xiaomiui គឺបានបង្ហាញថា Software សម្រាប់ស្មាតហ្វូនជំនាន់ថ្មី Redmi Note 12 Turbo គឺមានការផលិតចេញរួចរាល់ហើយ។ ស្មាតហ្វូននេះ នឹងរត់ជាមួយស្បែកមុខកម្មវិធី MIUI 14 ផ្អែកលើ Android 13។ សម្រាប់ការអាចប់ដែតចុងក្រោយបានបង្ហាញថា ស្មាតហ្វូននេះ គឺប្រើប្រាស់ firmware version V14.0.2.0.TMRCNXM។ ស្មាតហ្វូនថ្មីដែលគេបញ្ជាក់ចេញនៅថ្ងៃនេះ គឺនឹងមានការប្រកាសចេញនៅលើទីផ្សារប្រទេសចិន។

ក្រុមហ៊ុន Redmi ទំនងជាអាចនឹងមានការទម្លាយចេញនូវព័ត៌មានថ្មីៗរបស់ស្មាតហ្វូននេះនៅប៉ុន្មានថ្ងៃខាងមុខនេះហើយ។ ស្មាតហ្វូន Redmi Note 12 Turbo មានឈ្មោះថា ‘marble’។ ឈ្មោះមួយនេះត្រូបបានគេរំពឹងថា នឹងមានការបង្ហាញវត្តមាននៅលើទីផ្សារក្រៅប្រទេសចិនជាមួយនិងម៉ាកថ្មីគឺ Poco F5 ប៉ុន្តែមិនទាន់ច្បាស់ទេថា នឹងអាចធ្វើឡើងនៅពេល ខណៈដែល Software សម្រាប់ស្មាតហ្វូន Poco នៅមិនទាន់មានការបញ្ចេញនៅឡើយ។ បើតាមប្រភពមួយ គឺបានទម្លាយថា ស្មាតហ្វូន Poco F5 នឹង 3 ម៉ូដែលសម្រាប់ទីផ្សារសកល ដែលមានដូចជា  Global, EEA និង India។

ជាមួយគ្នានេះបើតាមរបាយការណ៌ផ្សេងទៀតបាននិយាយថា ស្មាតហ្វូននេះ អាចជា Poco F5 Pro។ ស្មាតហ្វូននេះអាចម៉ូដែលមួយដែល rebranded ចេញពី Redmi K60 ដែលមានការបំពាក់នូវបន្ទះឈីប Qualcomm Snapdragon 8 Plus Gen1 ថែមទៀតផង។ ជាមួយនិងការទម្លាយនៅថ្ងៃនេះ មានការព្យាករណ៌ថា Remdi Note 12 Turbo (Poco F5)នឹងមានវត្តមានជាមួយនិងបន្ទះឈីប Snapdragon 7 series ប៉ុន្តែមិនទាន់ដឹងថាជា Gen 2 ឬ plus ឬក៏ជា Gen1 នោះទេ។ ស្មាតហ្វូននេះ នឹងមានអេក្រង់ទំហំ 6.67-អ៊ីង 120Hz OLED មានកាមេរ៉ា 3 គ្រាប់ គឺទំហំ 50MP+8MP+2MP និងមានការប្រើប្រាស់ ប្រព័ន្ធស្កែនម្រាមដៃនៅលើអេក្រង់ និងថ្ម 5,500mAh កម្លាំង 67W charging។