នៅពេលនេះ មហិច្ឆិតារបស់ក្រុមហ៊ុន Xiaomi ដែលប្រឡូកចូលទៅក្នុងទីផ្សារនៃរថយន្តអគ្គិសនី ត្រូវបានគេមើលឃើញថា ហាក់ដូចជា ទទួលបាននូវផ្លែផ្កាយ៉ាងត្រចះត្រចង់។ រថយន្តអគ្គិសនីម៉ូដែលដំបូងបំផុត SU7 EV របស់ក្រុមហ៊ុនបច្ចេកវិទ្យាយក្សរបស់ចិននេះ គឺទទួលបាននូវភាពជោគជ័យដ៏ខ្លាំងក្លានៅលើទីផ្សារ ហើយក្រុមហ៊ុននេះ ក៏ប្រកាសបង្កើនទៅលើសមត្ថភាពនៃការផលិតរថយន្តនេះអោយកាន់តែច្រើន នៅលើទីផ្សារថែមទៀតផង។
យោងតាមតាមការបញ្ជាក់នៅក្នុងរបាយការណ៍ជាច្រើននោះ បានអោយដឹងថា ក្រុមហ៊ុន Xiaomi បានជូនដំណឹងទៅកាន់អ្នកផ្គត់ផ្គង់ជាច្រើនរបស់ខ្លួនក្នុងការបង្កើនទៅលើការផលិតទៅលើរថយន្តអគ្គិសនីនេះអោយបានច្រើនជាង 10,000 គ្រឿង នៅក្នុងមួយខែដែលផ្តោតទៅលើរថយន្តប្រណិត SUV។ ការសម្រេចចិត្តនេះ នៅក្នុងការបង្កើនទៅលើការផលិតនេះ គឺដោយសារតែការលក់ទៅលើរថយន្តអគ្គសីនេះមានការពេញនិយមខ្លាំងក្លា។
សម្រាប់គម្រោងនៃការផលិតដំបូងនេះគឺមានចំនួនត្រឹមតែ 3,000 គ្រឿងប៉ុណ្ណោះ នៅក្នុងមួយខែនៅក្នុងខែមីនា ដែលមានការកើនឡើងដល់ទៅ 6,000 គ្រឿងនៅក្នុងមួយខែ នៅចុងឆ្នាំ 2024 នេះ។ យ៉ាងណាមិញ តម្រូវការកើនឡើងខ្ពស់ទៅលើរថយន្តអគ្គិសនីទៅលើរថយន្ត SUV នៅក្នុងប្រទេសចិន គឺមិនគ្រប់គ្រាន់នោះទេ។ ប្រសិនបើក្រុមហ៊ុន Xiaomi នៅតែបន្តកើនឡើងទៅលើការគាំទ្រនោះ ការដឹកជញ្ជូនទៅលើរថយន្តនេះអាចនឹងមានការពន្យារពេលផងដែរ។
ក្រុមហ៊ុន Xiaomi Motors ក៏បញ្ជាក់ថា ក្រុមហ៊ុនមានគោលដៅក្នុងការបង្កើនទៅលើទំហំនៃការផលិត និងបង្កើនល្បឿនទៅលើការដឹកជញ្ជូន។ ការចែកចាយទៅលើរថយន្តម៉ូដែល SUV នេះ គឺចន្លោះពី 19 សប្តាហ៍ទៅ 32 សប្តាហ៍ដែលមានរយៈពេលដល់ទៅ 7 ខែ។ ភាពជោគជ័យនៃរថយន្តអគ្គិសនី EV របស់ក្រុមហ៊ុន Xiaomi នេះ គឺបានធ្វើអោយក្រុមហ៊ុននេះ មានការកើនឡើងស្តុកហ៊ុននៅហុងកុងដល់ទៅ 15% កាលពីពេលមុននេះ ដែលមានចំនួនត្រឹមតែ 10.17% ប៉ុណ្ណោះ។
សូមជំរាបថា ការលក់ទៅលើរថយន្ត SUV នេះ គឺបានកើនឡើងដល់ចំនួន 88,898 គ្រឿង ដោយការលក់ដំបូងប្រើប្រាស់ពេលត្រឹមតែ 24 ម៉ោងប៉ុណ្ណោះ។ បើតាមរបាយការណ៍មួយចំនួន បានបង្ហោះនៅលើ Weibo ថា ការកម្ម៉ង់ទិញមានចំនួន 1,800 ទៅ 2,000 ក្នុងមួយហាងផងដែរ។ ការលក់ដ៏ខ្លាំងក្លានៃរថយន្តអគ្គិសនី Xiaomi SU7 នេះ បង្ហាញអំពីភាពជោគជ័យដ៏ខ្លាំងក្លានៃការបណ្តាក់ទុនរបស់ក្រុមហ៊ុននេះ៕
