realme GT Neo 6 SE ឌីស្សាញជាមួយនិងពណ៌ទឹកប្រាក់ ពិតជាទាក់ទាញខ្លាំងមែនទែន

កាលពីម្សិលមិញនេះ ក្រុមហ៊ុន realme បានបញ្ចេញនូវរូបភាពផ្សព្វផ្សាយមួយដែលមានការបង្ហាញនូវផ្នែកខាងមុខរបស់ស្មាតហ្វូនជំនាន់ថ្មី realme GT Neo 6 SE ស្របពេលដែលកាលពីប៉ុន្មានថ្ងៃមុននេះ អ្នកទម្លាយនៅប្រទេសចិនមួយរូប ក៏បានទម្លាយនូវពណ៌បៃតងរបស់ស្មាតហ្វូនថ្មីនេះផងដែរ។ នៅថ្ងៃនេះ ក្រុមហ៊ុនបានបញ្ចេញនូវរូបភាពផ្លូវការនៃការឌីស្សាញ ស្មាតហ្វូននេះហើយ។

រូបភាពខាងលើនេះ គឺមានកាតបង្ហាញយ៉ាងច្បាស់ពីរូបរាងផ្នែកខាងក្រោយរបស់ស្មាតហ្វូន GT Neo 6 SE នេះ ជាមួយនិង ជម្រើសពណ៌ Liquid Silver Knight ដែលមើលទៅពិតជាមានភាពទាក់ទាញខ្លាំងមែនទែន។ រូបភាពនេះ គឺបញ្ជាក់ពីប្រព័ន្ធ កាមេរ៉ាក្រោយរបស់ GT Neo 6 SE បានយ៉ាងច្បាស់ ដែលមើលទៅដូចជាពណ៌លោហៈអញ្ចឹង។ នៅលើម៉ូឌុលកាមេរ៉ាពីគ្រាប់ និងមានការតម្លើងនូវ dual-LED flash។ 

សូមជំរាបថា រូបភាពដែលបានទម្លាយកាលពីម្សិលមិញនេះ ក៏មានការបង្ហាញពីផ្នែកខាងមុខរបស់ស្មាតហ្វូន realme GT Neo 6 SE នេះផងដែរ ដោយនៅលើអេក្រង់នេះ គឺមានការឌីស្សាញរន្ធមួយគ្រាប់ ខណៈដែលគែមអេក្រង់ជុំវិញ គឺមានរាងកោង បន្តិច។ យោងតាមការបញ្ជាក់ពីក្រុមហ៊ុននេះ បានអោយដឹងថា GT Neo 6 SE នឹងមានការប្រើប្រាស់នូវអេក្រង់ 8T LTPO BOE OLED panel គាំទ្រនូវកម្រិតពន្លឺ 6,000nits peak brightness ល្បឿន 120Hz refresh rate ហើយនិងបច្ចេកវិទ្យា 2160Hz PWM dimming។ 

គួរបញ្ជាក់ថា កន្លងមកមានរបាយការណ៌បញ្ជាក់ថា ស្មាតហ្វូន realme GT Neo 6 SE មានអេក្រង់ទំហំ 6.78-អ៊ីង OLED screen បង្ហាញចេញបានកម្រិត 1.5K resolution ដំណើរការនៅលើបន្ទះឈីប Snapdragon 7+ Gen 3 រ៉េមទំហំ 16GB អង្គចងចាំទំហំ 1TB។ ស្មាតហ្វូននេះមានថ្មទំហំ 5,500mAh គាំទ្រដោយកម្លាំងសាក 100W fast charging។ ស្មាតហ្វូននេះ បំពាក់នូវកាមេរ៉ាគោលទំហំ 50-Megapixel Sony ទ្រទ្រង់នូវមុខងារ OIS។ ស្មាតហ្វូននេះរត់នៅលើស្បែក realme UI 5 ផ្អែកលើ Android 14។