Redmi Note 13 Pro+ គឺជាស្មាតហ្វូនថ្មីមួយ ដែលត្រូវបានក្រុមហ៊ុននេះ ប្រកាសដាក់លក់នៅលើទីផ្សារជាច្រើនរួចមកហើយ ដោយសារតែម៉ូដែលនេះ មានការគាំទ្រខ្លាំងនោះ បានធ្វើអោយអោយក្រុមហ៊ុននេះសម្រេចបញ្ចេញនូវជម្រើសពណ៌ថ្មី Mystic Silver សម្រាប់ស្មាតហ្វូន Redmi Note 13 Pro+ នេះថែមទៀតហើយ។ ជាមួយនិងការបង្ហាញវត្តមានរបស់ស្មាតហ្វូនដែលមានពណ៌ថ្មីនេះ គឺមានដាក់លក់នៅលើទីផ្សារប្រទេសមួយចំនួនប៉ុណ្ណោះ។ ពេលនេះ ស្មាតហ្វូននេះ មានលក់នៅលើទីផ្សារទីក្រុងកុងហើយ។
Redmi Note 13 Pro+ គឺជាម៉ូដែលថ្មីមួយ ដែលមានសមត្ថភាពខ្ពស់បំផុត ប្រៀបធៀបជាមួយនិងស្មាតហ្វូនដែលស្ថិតនៅក្នុងប្រភេទស្មាតហ្វូនថ្នាក់កណ្តាល។ ស្មាតហ្វូននេះដំណើរការនៅលើបន្ទះឈីប MediaTek Dimensity 7200 Ultra និងមានថ្មទំហំ 5000mAh ហើយថែមទាំងមានការឌីស្សាញជាមួយនិងជម្រើសពណ៌ជាច្រើនថែមទៀតផង។ សូមជំរាបថា កន្លងមក ក្រុមហ៊ុននេះ បានប្រកាសចេញស្មាតហ្វូននេះ ជាមួយនិងជម្រើសពណ៌ Midnight Black, Moonlight White និង Aurora Purple ហើយនៅពេលនេះ ស្មាតហ្វូននេះមានពណ៌ថ្មី Mystic Silver ថ្មីមួយទៀត ដែលមានការឌីស្សាញជាមួយពណ៌ប្រផេះ និងមានឡូហ្កូថ្មីនៅលើខ្នងក្រោយថែមទៀតផង។
Redmi Note 13 Pro+ បង្ហាញខ្លួនជាមួយនិងទំហំរ៉េម និងអង្គចងចាំ ដូចជំនាន់មុនៗដែរ។ សម្រាប់ស្មាតហ្វូនពណ៌ថ្មី Mystic Silver ដែលមានទំហំ 12GB+512GB ត្រូវបានក្រុមហ៊ុននេះប្រកាសដាក់លក់ក្នុងទីក្រុងហុងកុងជាមួយតម្លៃ 2999 HKD ដែលប្រហែលជា 383 ដុល្លារ។
