កាលពីប៉ុន្មានថ្ងៃមុននេះ មានសេចក្តីរាយការណ៌ថា ស្មាតហ្វូនជំនាន់ថ្មី Sony Xperia 1 VI នឹងមានការផ្លាស់ប្តូរនូវកម្រិតនៃការបង្ហាញចេញនៅលើអេក្រង់ខុសគ្នាជាពីជំនាន់មុៗ។ ម៉ូដែលថ្មីនេះ ត្រូវបានគេរាយការណ៌ថា នឹងមានការប្រើប្រាស់នូវកម្រិត Aspect ratio នៅលើអេក្រង់ កម្រិត 21:9 វិញ។ ស្មាតហ្វូនជំនាន់់ថ្មីរបស់ក្រុមហ៊ុនបច្ចេកវិទ្យាជប៉ុនមួយនេះ ក៏នឹងមានការឌីស្សាញអេក្រង់មានទទឹងធំជាងជំនាន់មុនផងដែរ។ ការផ្លាស់ប្តូរខ្នាតអេក្រង់នេះ ត្រូវបានគេបញ្ជាក់ថា នឹងធ្វើអោយក្រុមហ៊ុននេះ បោះបង់នូវកម្រិត 4K របស់ខ្លួននាពេកន្លងមកផងដែរ។
ទាក់ទងនឹងស្មាតហ្វូនថ្មីនេះដែរ នៅពេលនេះ មានលេចចេញនូវព័ត៌មានថ្មីមួយទៀតហើយ ដោយមានការបញ្ជាក់ថា ស្មាតហ្វូននេះ នឹងមានការប្រើប្រាស់នូវប្រព័ន្ធកាមេរ៉ាដូចជំនាន់មុនអញ្ចឹងដែរ។ យោងតាមការបង្ហោះនៅបណ្តាញ Weibo នាពេលថ្មីនេះ បានបញ្ជាក់ថា ស្មាតហ្វូនជំនាន់ថ្មី Xperia 1 VI គឺនឹងបន្តប្រើប្រាស់ម៉ូឌុលកាមេរ៉ាដូចជំនាន់មុន ហើយក៏មានការបំពាក់នូវសិនស័រដូចមុនទៀតផង។
ដូច្នេះ ផ្អែកលើការបែកធ្លាយថ្មីនេះ យើងអាចដឹងបានថា Sony Xperia 1 VI នឹងមានកាមេរ៉ាគោលដែលប្រើប្រាស់នូវឡែន 24mm និងមានកាមេរ៉ាទំហំ 48MP ដែលគាំទ្រនូវ f/1.9 aperture និងសិនស័រកម្រិត1/1.35" type sensor ហើយនិងមានគ្រាប់ទីពីរប្រើប្រាស់នូវឡែនទំហំ 16mm កាមេរ៉ាទំហំ 12MP កម្រិត f/2.2 ប្រភេទ ultrawide with ដែលមានការគាំទ្រដោយសិនស័រ 1/2.5" sensor ផងដែរ។ សម្រាប់គ្រាប់ទីបីវិញ គឺមានទំហំ 12MP ជាតេឡេហ្វូតូ Telephoto ដែលមានការប្រើប្រាស់នូវឡែនទំហំ 85mm កម្រិត f/2.3 និងឡែនទំហំ 125mm កម្រិត f/2.8 ព្រមទាំងមានការគាំទ្រដោយសិនស័រ 1/3.5 អ៊ីង សម្រាប់មុខងារហ៊្សូមទៀតផង។
