Find X6 Flagship ដែលជាស្មាតហ្វូនស៊េរីថ្មីថ្នាក់ប្រណិតរបស់ក្រុមហ៊ុន OPPO ត្រូវបានគេរំពឹងថា នឹងបង្ហាញខ្លួនឆាប់ៗនេះហើយ ដូច្នេះនៅក្នុងរយៈពេលប៉ុន្មានខែខាងមុខនេះ យើងនឹងឃើញនូវស្មាតហ្វូនជាច្រើនម៉ូដែលនៅក្នុងត្រកូលស្មាតហ្វូន Find X6 Series នេះនៅលើទីផ្សារជាក់ជាមិនខាន។ នៅពេលនេះ ស្មាតហ្វូនមួយ នៅក្នុងចំណោមស្មាតហ្វូនទាំងនេះ អាចនឹងមានបន្ទះឈីប MediaTek Dimesnity។

សូមជំរានថា កាលពីពេលមុននេះ ស្មាតហ្វូន OPPO Find X6 Pro Dimensity Edition នេះ បានបង្ហាញខ្លួននៅលើ CMIIT រួចរាល់ហើយ។ ហើយនៅពេលនេះ ស្មាតហ្វូននេះ ក៏បន្តបង្ហាញខ្លួននៅលើបញ្ជីរបស់ TENAA ដែលថែមទាំងមានការបញ្ជាក់ពីថាមពលថ្មរបស់ស្មាតហ្វូននេះផងដែរ។ យោងតាមបញ្ជីខាងលើនេះ បង្ហាញថា ស្មាតហ្វូន OPPO ដែលមានលេខកូដ PHS110 នេះ គឺមានការបំពាក់នូវថាមពលថ្មទំហំ 4880mAh។ ស្មាតហ្វូននេះ នឹងមានកាមេរ៉ា 3 គ្រាប់នៅខាងក្រោយ។ តាមព័ត៌មានបែកធ្លាយនេះ បានបន្តថា បង្ហាញថា ស្មាតហ្វូន Find X6 Pro Dimensity Edition នេះនឹងមានបន្ទះឈីប  Dimensity 9200 រួមជាមួយនឹង  LPDDR5x RAM និង UFS 4.0។

គួរបញ្ជាក់ថា កាលពីពេលមុននេះ ក៏មានការទម្លាយព័ត៌មានជាច្រើនរបស់ស្មាតហ្វូន Find X6 Pro នេះ នេះផងដែរ។ ស្មាតហ្វូននេះ នឹងមានអេក្រង់ 6.8-អ៊ីង ឬ 6.9-អ៊ីង AMOLED ជាមួយនឹងកម្រិតអេក្រង់ Quad HD+ resolution ល្បឿនអេក្រង់ 120Hz refresh rate និងមានការតម្លើងនូវប្រព័ន្ធស្កេនក្រយ៉ៅដៃក្រោមអេក្រង់មកជាមួយថែមទៀតផង។

ស្មាតហ្វូន OPPO Find X6 Pro មានកាមេរ៉ាខាងមុខទំហំ 32-Megapixel និងកាមេរ៉ាខាងក្រោយទំហំ 50-megapixel (Sony IMX890 with OIS) + 50-megapixel (Sony IMX890, ultra-wide) + 50-megapixel (Sony IMX890 ឬIMX766 telephoto ជាមួយនឹង OIS)។ ស្មាតហ្វូននេះមានថាមពលថ្មទំហំ 5,000mAh ជាមួយនឹង 100W wired និង  50W wireless charging និង ColorOS 13 ផ្អែកនៅលើ  Android 13។ ស្មាតហ្វូន X6 series នឹងបង្ហាញខ្លួននៅក្នុងត្រីមាសទី 1 ឆ្នាំ 2023 នេះ៕