បន្ទាប់ពីមានការទម្លាយព័ត៌មានជាច្រើនទៅលើ realme C55 រួចមកនៅពេលនេះ realme បានប្រកាសចេញនូវព័ត៌មានកាលបរិច្ឆេតនៃការសម្ពោធស្មាតហ្វូននេះនៅប្រទេសឥណ្ឌូនេស៊ីនាថ្ងៃទី 7 ខែមីនានេះ វេលាម៉ោង 1pm (GMT+7) នាទីក្រុងចាការ៉ាតា។ realme Indonesia ក៏នឹងមានការលក់ flash sale សម្រាប់ស្មាតហ្វូន Realme C55 នៅថ្ងៃទី 8 មីនាផងដែរ។ នៅក្នុងសេក្តីប្រកាសនេះ realme បានបញ្ជាក់ថា realme C55 គឺនឹងមាន 2 ពណ៌ គឺ Sunshower ឬក៏ Rainy Night។

ស្មាតហ្វូននេះ នឹងមានជម្រើសរ៉េម 6GB LPDDR4X RAM និងអង្គចងចាំទំហំ 128GB eMMC និង 8GB LPDDR4X RAM និងអង្គចងចាំ 256GB eMMC storage ខណៈដែលតម្លៃរបស់ស្មាតហ្វូន Realme C55 នឹងបង្ហាញចេញនៅក្នុងពេលប្រកាសចេញជាផ្លូវការណ៌។ សម្រាប់លក្ខណៈសម្បត្តិរបស់ realme C55 គឺមានដូចជា កាមេរ៉ាទំហំ 64MP និងថ្មទំហំធំ 5000mAh គាំទ្រដោយកម្លាំងសាក 33W SuperVOOC fast charging, និងរូបរាងមានកម្រ៉ាស់ស្តើង 7.89mm ព្រមទាំងមាន NFC។

ស្មាតហ្វូននេះត្រូវបានក្រុមហ៊ុនតម្លើងនូវប្រព័ន្ធស្កែនម្រាមដៃនៅចំហៀង ខណៈដែលខ្នងក្រោយ គឺប្រើប្រាស់ polycarbonate ជាមួយនិងគែមជ្រុង។ ស្មាតហ្វូននេះមានអេក្រង់កម្រិត 90Hz FHD+ LCD display និងមានរន្ធនៅចំកណ្តាលអេក្រង់។ realme C55 នឹងមានការប្រើប្រាស់បន្ទះឈីប MediaTek Helio G88 SoC និងប្រើរន្ធ USB-C port សម្រាប់ការសាកថ្ម។ ផ ស្មាតហ្វូននេះនៅតែប្រើរន្ធ 3.5mm audio jack ដដែល។សម្រាប់កាមេរ៉ាមុខ ស្មាតហ្វូននេះមានកាមេរ៉ាទំហំ 8MP និងរត់នៅលើស្បែកមុខកម្មវិធី realme UI 4.0 ផ្អែកលើប្រព័ន្ធប្រតិបត្តិការ Android 13។