Nio ET7 បំពាក់ថាមពលអាគុយថ្មី semi-solid ទំហំ 150kWh សាកមួយពេញម្តងអាចបើកបរបានចំងាយផ្លូវជាង 1,000 គីឡូម៉ែត្រ

ក្រុមហ៊ុនផលិតរថយន្តអគ្គិសនី Nio ទើបតែសម្រេចបានជោគជ័យជាមួយការធ្វើតេស្តនូវរថយន្តប្រភេទ Sedan ជំនាន់ថ្មីម៉ូដែល ET7 ដែលបំពាក់កញ្ចប់អាគុយអគ្គិសនីថ្មីប្រភេទ semi-solid battery pack  ទំហំ 150kWh ដែលមានសមត្ថភាពកាន់ភ្លើងនៅពេលសាកមួយពេញម្តងអាចបើកបរបានចំងាយផ្លូវជាង 1,000 គីឡូម៉ែត្រ។  

 

រូបភាពពាណិជ្ជកម្ម
no-alternative title

Nio បានធ្វើតេស្តក្នុងការបើកបរសាកល្បងជាមួយរថយន្តអគ្គិសនីថ្មីរបស់ខ្លួន ET7 ដោយធ្វើដំណើរឆ្លងកាត់ពីទីក្រុង Kunming និង Zhanjiang បានក្នុងរយះចំងាយផ្លូវ 1,070 គីឡូម៉ែត្រ ទើបថាមពលអាគុយរថយន្តអស់ ហើយបើគិតពីរយះពេលក្នុងការបើកបរ គឺប្រមាណជាង 15 ម៉ោងជាមួយល្បឿនអតិបរមា 83.7km/h។ ចំពោះការធ្វើតេស្តរថយន្ត Nio ET7 ពីរផ្សេងទៀត ដោយចាប់ផ្តើមពីទីក្រុងប៉េកាំងទៅ Hefei និង Shanghai ទៅ Xiamen គឺអាចបើកបានចំងាយចម្ងាយ 1,062 គីឡូម៉ែត្រ និង 1,046 គីឡូម៉ែត្រ មុនពេលថ្មរបស់ពួកគេអស់។

 

ចំពោះកញ្ចប់់អាគុយអគ្គិសនីថ្មី semi-solid battery ទំហំ 150kWh គឺផ្តល់នូវអនុភាពថាមពលប្រសើរជាងកញ្ចប់ថ្ម Lithium-ion បច្ចុប្បន្ន ហើយសម្រាប់កញ្ចប់ក្នុងការវ៉ិចខ្ចប់ គឺមានទំហំដូចគ្នា ប៉ុន្តែ វាផ្តល់ថាមពលឲ្យរថយន្តអគ្គិសនីអាចធ្វើដំណើរបានចំងាយផ្លូវវែងជាង។ សម្រាប់ការឌីស្សាញរថយន្ត Nio ET7 គឺមានរាងបែប aerodynamic ដែលធ្វើឲ្យរថយន្តកាត់បន្ថយកំលាំងកកិតជាមួយខ្យល់បានយ៉ាងល្អ និងជួយសម្រួលដល់ការសន្សំសំចៃថាមពលអាគុយបានប្រសើរផងដែរ ដោយចំងាយផ្លូវ 100km ប្រើថាមពលអាគុយអស់ប្រមាណ 13kWh ប៉ុណ្ណោះ។

សម្រាប់រថយន្តអគ្គិសនីដែលនឹងបំបែកកំនត់ត្រាល្បឿនអាចនឹងបង្ហាញខ្លួនក្នុងឆ្នាំ 2024 នេះ ជាមួយកញ្ចប់អាគុយថ្មីហៅថា Superstar battery។ ក្រុមហ៊ុន Nio ត្រូវបានគេរាយការណ៍ថា នឹងធ្វើការបញ្ជាក់លម្អិតពីបច្ចេកវិទ្យារថយន្តអគ្គិសនីថ្មី និងតម្លៃរបស់វានៅថ្ងៃទី 25 ខែមេសា នៅសប្តាហ៍ក្រោយនេះ ចំនែកការទទួលការបញ្ជាទិញមុន និងការនាំចេញអាចនឹងត្រូវធ្វើឡើងនាពេលឆាប់ៗខាងមុខនេះ។ រថយន្ត Sedan របស់ចិនមួយនេះ នឹងក្លាយជាសំពាធដ៏ធំទៅលើរថយន្តក្រុមហ៊ុនដៃគូដូចជា Tesla និង Lucid Motors នៅពេលអនាគតដ៏ខ្លីខាងមុខនេះ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍