Samsung ឡើងឈរលើកំពូលតារាងនៅក្នុងត្រីមាសទី 1 ឆ្នាំ 2024 បន្ទាប់ពីការនាំចេញទៅលើ iPhone មានការធ្លាក់ចុះ

ការនាំចេញ iPhone របស់ក្រុមហ៊ុន Apple នៅក្នុងត្រីមាសទី 1 ឆ្នាំ 2024 នេះ ត្រូវគេរាយការណ៌ថា មានការថយចុះជិតដល់ទៅ 10% ដោយសារតែកំណើននៃការនាំចេញខ្លាំងក្លារបស់ក្រុមហ៊ុនផ្គត់ផ្គង់ជាច្រើនរបស់ចិន នេះបើយោងតាមទិន្នន័យដែលចេញពីស្ថាប័នទិន្នន័យអន្តរជាតិ (IDC)។ បើមើលទៅលើ ការបញ្ជាក់ចេញពីរបាយការណ៍IDC នេះ បានបង្ហាញថា ការនាំចេញរបស់ក្រុមហ៊ុន Apple មានការធ្លាក់ចុះ 9.6% ដែលមាបចំនួនត្រឹមចំនួន 50.1 លានគ្រឿងប៉ុណ្ណោះ នៅក្នុងត្រីមាសទី 1នេះ។ ប្រៀបធៀបជាមួយនឹងត្រីមាសទី 1 ឆ្នាំមុននេះ គឺមានចំនួន 55.4 លានគ្រឿង។ 

 

រូបភាពពាណិជ្ជកម្ម
no-alternative title

ប្រភពខាងលើនេះ បន្តថា នៅក្នុងរបាយការណ៍នេះ គឺក្រុមហ៊ុន Apple បានរងនូវការធ្លាក់ចុះប្រចាំឆ្នាំដ៏ធំបំផុតនៅក្នុងចំណោមក្រុមហ៊ុនម៉ាកយីហោស្មាតហ្វូនកំពូល Top 5។ ក្រុមហ៊ុន Samsung បានដណ្តើមនូវចំណាត់ថ្នាក់របស់ខ្លួនជាអ្នកនាំមុខគេនៅលើទីផ្សារវិញ បន្ទាប់ពីក្រុមហ៊ុនបច្ចេកវិទ្យាកូរ៉េខាងត្បូងមួយនេះ បានបាត់បង់ទៅកាន់ក្រុមហ៊ុន Apple កាលពីឆ្នាំមុននេះ ដែលមានចំនែកទីផ្សារចំនួន 20.8% ជាមួយនឹងការនាំចេញស្មាតហ្វូនចំនួន 60.1 លានគ្រៀងដែលស្ទើរតែដូចគ្នាទៅនឹងឆ្នាំមុនេះ។ 

គួរបញ្ជាក់ថា នៅក្នុងឆ្នាំ 2023 កន្លងទៅលើនេះ ចំណែកទីផ្សាររបស់ក្រុមហ៊ុន Apple គឺមានចំនួន 22.5% នៅក្នុងរយៈពេលដូចគ្នាផងដែ។ ហើយបន្ទាប់ពីវ៉ាដាច់ក្រុមហ៊ុន Samsungក្លាយខ្លួនជាក្រុមហ៊ុនផលិតស្មាតហ្វូនកំពូលជាលើកដំបូងបំផុតនោះ ក្រុមហ៊ុន Apple ក៏រងនូវការធ្លាក់ចុះទៅលើចំនែកទីផ្សាររបស់ខ្លួនពី 20.7% ទៅ 17.3% ផងដែរ។ ក្រុមហ៊ុន Apple ក៏មានចំនែកទីផ្សារធ្លាក់ចុះទៅលើស្មាតហ្វូន flagship របស់ចិន គិតចាប់តាំងពីក្រុមហ៊ុននេះ បញ្ចេញនូវស្មាតហ្វូន iPhone 15 series របស់ខ្លួននៅក្នុងខែកញ្ញាកាលពីឆ្នាំមុន។ សូមជំរាបថា ការធ្លាក់ចុះរបស់ក្រុមហ៊ុន Apple ទៅលើការនាំចេញនេះ គឺស្របពេលដែលការនាំចេញជាសកលទៅលើស្មាតហ្វូនមានការកើនឡើង 7.8% ចំនួន 289.4 លានគ្រឿង បើប្រៀបធៀបទៅនឹងឆ្នាំមុននេះ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍