no-alternative title
no-alternative title
no-alternative title

NIO Onvo L60 រថយន្តអគ្គិសនីជំនាន់ថ្មី សាកភ្លើងមួយពេញម្តង អាចបើកបានចំងាយផ្លូវដល់ 1,000 គីឡូម៉ែត្រ

នៅទីបំផុតក្រុមហ៊ុនផលិតរថយន្ត Onvo ដែលជាបុត្រសម័្ពន្ធរបស់ Nio បានធ្វើការប្រកាសចេញរថយន្តអគ្គីសនីស៊េរីថ្មីដំបូងរបស់ខ្លួនជាផ្លូវការណ៍ហើយដោយមានឈ្មោះថា Onvo L60។ Onvo L60 គឺជារថយន្តអគ្គិសនីប្រភេទ Mid-side SUV ដែលផលិតឡើងយ៉ាងពិសេសដើម្បីធ្វើការប្រជែងជាមួយ Tesla Model Y និងមានតម្លៃខ្ទង់ $30,434 នៅទីផ្សារប្រទេសចិន ដែលតម្លៃនេះ គឺធូរថ្លៃជាង Tesla Model Y ប្រមាណជា $4,152។ រថយន្តស៊េរីថ្មី Onvo L60 នឹងត្រូវធ្វើការនាំចេញនៅក្នុងខែកញ្ញា ឆ្នាំ 2024 នេះ សម្រាប់ទីផ្សារប្រទេសចិន។

 

រូបភាពពាណិជ្ជកម្ម
no-alternative title

NIO Onvo L60 អាចនឹងត្រូវធ្វើការប្តូរឈ្មោះថ្មីទៅជា Ledao សម្រាប់ការចេញលក់នៅទីផ្សារសកល។ រថយន្តអគ្គិសនីថ្មីនេះ គាំទ្រនូវប្រព័ន្ធសាកភ្លើង 900V architecture ជាមួយកម្រិតប្រើប្រាស់ថាមពល 12.1kWh ក្នុងរយះចំងាយផ្លូវ 100km។ រថយន្ត Mid-side SUV ស៊េរីថ្មីនេះមានប្រវែងបណ្តោយ 4,828mm X ទទឹង 1,921mm X កម្ពស់ 1,624mm និងគម្លាតរវាងកង់មុខទៅកង់ក្រោយ 2,890mm។ Onvo L60 មានជម្រើសប្រើកញ្ចប់អាគុយចំនួនពីរ គឺ 60kWh និង 90kWh ដែលការសាកភ្លើងមួយពេញម្តងអាចបើកបរបានចំងាយផ្លូវ 555km និង 730km។

ដោយឡែក Onvo L60 ក៏នឹងមានផ្តល់នូវជម្រើសមួយម៉ូដែលទៀតដែលនឹងបំពាក់កញ្ចប់អាគុយទំហំ 150kWh ដោយសាកមួយពេញម្តងអាចបើកបរបានចំងាយផ្លូវដល់ 1,000km ជាមួយបច្ចេកវិទ្យា battery swapping tech របស់ Nio។ នៅផ្នែកខាងក្នុងរបស់ Onvo L60 មានបំពាក់នូវបច្ចេកវិទ្យាអេក្រង់កម្សាន្តនៅកណ្តាលទំហំធំដល់ 17.2-inch គាំទ្រដំណើរការដោយឈីប Nvidia Orin X chip រួមជាមួយបច្ចេកវិទ្យាបាញ់លើកញ្ចក់ខាងមុខ Head-up display ដែលអាចបង្ហាញបានទំហំ 13-inch។ រថយន្តអគ្គិសនីថ្មីនេះ មិនមានអេក្រង់ Instrument Panel នៅខាងក្រោយដៃចង្កូតនោះទេ។

យ៉ាងណាមិញសម្រាប់គុណសម្បត្តិផ្សេងៗទៀតរបស់់ Onvo L60 មិនទាន់ត្រូវបានក្រុមហ៊ុនបញ្ជាក់លម្អិតនៅឡើយទេក្នុងពេលនេះ។ សម្រាប់អតិថិជនក្នុងប្រទេសចិនអាចធ្វើការកក់ទុកមុនសម្រាប់រថយន្តអគ្គិសនីម៉ូដែលថ្មីនេះជាមួយការតម្លៃកក់ប្រមាណ $287 ដុល្លារតែប៉ុណ្ណោះ។ ស្លាកយីហោរថយន្ត Onvo របស់ Nio នឹងត្រូវប្រកាសចេញលក់នៅទីផ្សារសកលនៅមុនដំណាច់ឆ្នាំ 2024 ដោយទីផ្សារដំបូងគេដែលម៉ាករថយន្តថ្មីនេះត្រូវចូលទៅអាចជាទីផ្សារអឺរ៉ុប៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍