បន្ទាប់ពីការប្រកាសចេញនៅលើទីផ្សារប្រទេសចិនរួចមក នៅពេលនេះ OPPO A3 Pro 5G ត្រូវាបានគេរាយការណ៌ថា នឹងមានការបង្ហាញវត្តមាននៅលើទីផ្សារសកលនាពេលឆាប់ៗនេះហើយ។ ខណៈដែលក្រុមហ៊ុននេះមិនទាន់ប្រកាសចេញជាផ្លូវការនោះ ស្មាតហ្វូននេះ ត្រូវបានគេមើលឃើញមានការឆ្លងកាត់ការចុះបញ្ជីនៅលើស្ថាប័នជាច្រើនរួចហើយ។ នៅលើបញ្ជីនេះ បានបង្ហាញថា មានលេខម៉ូដែល “CPH2639” ហើយនិងបានបង្ហាញខ្លួនៅលើបញ្ជី SDPPI របស់ប្រទេសឥណ្ឌូនេស៊ី ហើយនិងមានការបញ្ជាក់ពី Eurofins ផងដែរ។
នៅលើបញ្ជីនេះ មានការបង្ហាញថា ស្មាតហ្វូននេះ នឹងមានការគាំទ្រនូវកម្លាំងសាក 10W, 20W និង 45W fast charging។ នៅលើបញ្ជី Eurofins ក៏មានការបញ្ជាក់ថា ស្មាតហ្វូននេះ មានថ្មទំហំ 4970mAh ខណៈដែលក្ខណៈសម្បត្តិទូទៅគឺដូចគ្នាជាមួយនិងម៉ូដែលលក់នៅលើទីផ្សារប្រទេសចិនដែរ។ ប្រភពខាងលើនេះបន្តថា នៅប៉ុន្មានថ្ងៃទៀតនេះ នឹងមានការលេចធ្លាយនូវព័ត៌មានជាច្រើនទៀតជាក់ជាមិនខាន។
សូមជំរាបថា ស្មាតហ្វូន A3 Pro 5G ដែលលក់នៅលើទីផ្សារប្រទេសចិន គឺមានអេក្រង់ទំហំ 6.7-អ៊ីង កញ្ចក់ AMOLED screen បង្ហាញចេញបានកម្រិត FHD+ resolution ល្បឿន refresh rate 120Hz និងមានកម្រិតពន្លឺ brightness peak 950 nits។ នៅលើស្មាតហ្វូននេះក៏មានការប្រើប្រាស់នូវប្រព័ន្ធស្កែនម្រាមដៃនៅលើអេក្រង់ រួមជាមួយនិងស្បែកមុខកម្មវិធី ColorOS 14 ដែលផ្អែកលើ Android 14 ផងដែរ។
ស្មាតហ្វូននេះដំណើរការនៅលើបន្ទះឈីប Dimensity 7050 នឹងមានរ៉េមទំហំ 8GB ឬ 12GB LPDDR4x RAM ហើយនិងមានការគាំទ្រដោយមុខងារចែករ៉េមទំហំ 12GB virtual RAM ថែមទៀតផង។ សម្រាប់អង្គចងចាំវិញ គឺមានទំហំ 256GB ឬ 512GB UFS 3.1 storage។ A3 Pro 5G មានការបំពាក់មកជាមួយនូវកាមេរ៉ាភ្លោះ ដោយកាមេរ៉ាគោលទំហំ 64-Megapixel និងមួយគ្រាប់ទៀតមានទំហំ 2-megapixel depth ខណៈដែលកាមេរ៉ាមុខមានទំហំ 8-megapixel។ នៅលើស្មាតហ្វូននេះ គឺមានការទ្រទ្រង់នូវស៊ីមការ 2 និងមាន 5G ហើយនិង Wi-Fi 6, Bluetooth 5.3, GPS រួមនិងរន្ធ USB-C។
