no-alternative title
no-alternative title
no-alternative title

HMD Atlas ស្មាតហ្វូនស៊េរីថ្មីនឹងប្រើបន្ទះឈីប Snapdragon 4 Gen 2 និងមានថ្មទំហំ 5,500mAh

ក្រុមហ៊ុនផលិតស្មាតហ្វូនហ្វាំងឡង់ HMD Global ដែលជាមេរបស់ Nokia បច្ចុប្បន្ន ត្រូវបានគេរាយការណ៍ថា បាននឹងកំពុងរៀបចំធ្វើការផលិតស្មាតហ្វូនកម្រិតថវិកាស៊េរីថ្មីសម្រាប់ទីផ្សារអាមេរិក ក្រោយពីការប្រកាសចេញម៉ូដែល HMD Vibe កាលពីដើមឆ្នាំនេះ។

 

រូបភាពពាណិជ្ជកម្ម
no-alternative title

បើតាមការប្រភពទម្លាយចេញពីគណនី X ដែលមានឈ្មោះថា @smashx_60 បានធ្វើការចែករំលែកគុណសម្បត្តិនៃស្មាតហ្វូនស៊េរីថ្មីរបស់ HMD ដែលនឹងមកដល់ក្នុងពេលខាងមុខនេះ។ ប្រភពណដដែលបានបញ្ជាក់ថាស្មាតហ្វូនស៊េរីថ្មីដែលនឹងមកដល់នាពេលខាងមុខនេះ គឺមានឈ្មោះថា HMD Atlas ដែលជាជំនាន់បន្ទាប់ពី Nokia G400 ដែលបានប្រកាសចេញកាលពីឆ្នាំ 2022។

 

បើតាមរូបភាពដែលបានទម្លាយចេញមកនេះ បានបង្ហាញថា HMD Atlas គឺមានការឌីស្សាញជាមួយនឹងផ្ទៃមុខក្រោយរាបស្មើ (Flat Design) ដោយនៅលើខ្នងខាងក្រោយមានរំលេចជាមួយកញ្ចប់លែនកាមេរ៉ារាងចតុកោងស្ថិតនៅជិតគែមនៃកែងខាងឆ្វេង និងអក្សរ HMD នៅកណ្តាល។ នៅផ្នែកខាងមុខមានការឌីស្សាញជាមួយផ្ទៃកញ្ចក់រាបស្មើគែមស្តើងជាមួយលែនទំលុះថ្ងាសអេក្រង់មួយគ្រាប់។

 

ស្មាតហ្វូននេះ គឺអាចនឹងមានពណ៌បៃតង ឬ Olive Green Shade ដូចរូបភាពដែលបានបែកធ្លាយមកនេះ។ HMD Atlas នឹងមានអេក្រង់់ទំហំ 6.64-inch ជាប្រភេទ IPS LCD Display កម្រិត Full-HD+ ជាមួយល្បឿន 120Hz refresh rate។ ហើយស្មាតហ្វូនកម្រិតថវិកាស៊េរីថ្មីនេះ ក៏នឹងប្រើបន្ទះឈីប Snapdragon 4 Gen 2 ជាមួយរ៉េមទំហំ 8GB និងម៉េមូរីផ្ទុកទំហំ 128GB ផងដែរ។ 

 

HMD Atlas នឹងមានដំឡើងនូវប្រព័ន្ធកាមេរ៉ាក្រោយ 2 គ្រាប់ទំហំ 48MP (f1/1.8) ជា Primary Sensor និង Ultra-wide ទំហំ 5MP រួមនឹងកាមេរ៉ាសែលហ្វីទំហំ 16MP។ ស្មាតហ្វូនស៊េរីថ្មីនេះក៏នឹងមានភ្ជាប់ដោយថ្មទំហំ 5,500mAh ជាមួយបច្ចេកវិទ្យាសាកភ្លើងល្បឿនលឿន Quick Charge 4.0, គាំទ្រប្រព័ន្ធសេវា 5G, Wi-Fi 5, Bluetooth 5.1, NFC, ហើយអាចដាក់បន្ថែមទំហំម៉េមូរីក្រៅជាមួយ microSD, រន្ធដោតកាសខ្នាត 3.5mm និងមានទ្រនាប់ស្កែនក្រយ៉ៅម្រាមដៃដោះសោរសុវត្ថិភាពស្ថិតនៅលើគែមខាងស្តាំភ្ជាប់ជាមួយប៊ូតុង Power ទៀតផង។ HMD Atlas នឹងមានទំហំវិមាត្ររួម 163 x 75 x 8.75mm ជាមួយទម្ងន់ 210 ក្រាម។ បើតាមតម្លៃបឋមនៃស្មាតហ្វូនស៊េរីថ្មីនេះអាចនឹងមានតម្លៃខ្ទង់ប្រហែល $239.99៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍