ក្រុមហ៊ុន Huawei ទើបតែប្រកាសថា ខ្លួននឹងរៀបចំនូវព្រឹត្តិការណ៍សន្នីសីទមួយក្នុងការប្រកាសបង្ហាញនូវផលិតផលថ្មីរបស់ខ្លួននៅថ្ងៃទី 18 ខែឧសភាខាងមុខនេះ ដែលក្រុមហ៊ុននេះ នឹងបង្ហាញនូវថេប្លេតថ្មីជាច្រើនដែលមានឈ្មោះហៅថា “Huawei MatePad New Series”។ ក្រុមហ៊ុននេះ ក៏ទម្លាយព័ត៌មានរបស់ថេប្លេតនេះ ដែលផ្តោតទៅលើផលិតភាពការងារនៅក្នុងការិយាល័យ។

តាមការទម្លាយចេញពី IT Home នេះ ក្រុមហ៊ុន Huawei មានគម្រោងក្នុងការប្រកាសបង្ហាញនូវផលិតផលថ្មីៗជាច្រើននៅក្នុងព្រឹត្តិការណ៍នេះដែលរួមមាន Huawei MatePad Air series, Huawei Watch 4 series និង Huawei Matebook E 2023 ។ សម្រាប់ MatePad New Series នេះត្រូវគេរំពឹងថាជា MatePad Air ។ វាក៏នឹងមានម៉ូឌែលជាច្រើនទៀតដូចជា DBY2-W00, DBY2Z-AL00 និង DBY2-AL00 ដែលមាន 2x 4G LTE versions និង 1x Wi-Fi-only version ។ ថេប្លេតនេះនឹងមានបន្ទះឈីប Qualcomm Snapdragon 888 chip, ថាមពលថ្ម 8200mAh និងបច្ចេកវិទ្យា 40W fast charging ផងដែរ។

ថេប្លេតនេះ ក៏មានអេក្រង់ទំហំ 10 អ៊ីង-11 អ៊ីង ហើយតម្លៃរបស់ថេប្លេតនេះ គឺងមានថម្លៃ 3,000 យ៉ន់ ដែលខ្ពស់ជាងតម្លៃរបស់ថេប្លេត MatePad 11 2023 ប៉ុន្តែមានតម្លៃទាបជាង MatePad Pro 11 ដែលមានតម្លៃចាប់ពី 3,499 យ៉ន់។ ជាមួយនឹងវត្តមានរបស់ថេប្លេត MatePad Series នេះ ក្រុមហ៊ុននេះក៏មានក្តីសង្ឃឹមក្នុងការទទួលបាននូវភាពជោគជ័យនៅក្នុងទីផ្សារថេប្លេតផងដែរ។ គួរបញ្ជាក់ថា បច្ចុប្បន្ន ក្រុមហ៊ុននេះ ក៏ប្រឈមមុខទៅនឹងបញ្ហាជាច្រើនដោយសារតែការរឹតបន្តឹងដោយរដ្ឋាភិបាលរបស់សហរដ្ឋអាមេរិកថែមទៀត ប៉ុន្តែក្រុមហ៊ុននេះ ក៏មានក្តីសង្ឃឹមក្នុងការក្លាយជាក្រុមហ៊ុនផ្គត់ផ្គង់ថេប្លេតកំពូលរបស់ពិភពលោកថែមទៀត៕