ស្មាតហ្វូនជំនាន់ថ្មីរបស់ក្រុមហ៊ុន Xiaomi ម៉ូដែល Xiaomi 15 series ត្រូវបានគេរាយការណ៌ថា នឹងបង្ហាញវត្តមាននជាផ្លូវការនៅលើទីផ្សារប្រទេសចិននាខែតុលាខាងមុខនេះហើយ។ យោងតាមការទម្លាយរបស់ Digital Chat Sation ដែលជាប្រភពជឿជាក់បាននោះ ថ្មីៗនេះ បានបញ្ចេញនូវព័ត៌មានរបស់ស្មាតហ្វូនជំនាន់ថ្មី Xiaomi 15 និង 15 Pro នៅអនឡាញហើយ។ នៅថ្ងៃនេះមានការចែកចាយនូវព័ត៌មានលក្ខណៈសម្បត្តិទូទៅរបស់ស្មាតហ្វូនម៉ួដែលស្តងដារ Xiaomi 15 ថែមទៀតហើយ។
បើមើលទៅលើការបង្ហោះនៅលើ Weibo របស់ Digital Chat Sation បានអយោយដឹងថា ស្មាតហ្វូនជំនាន់ថ្មី Xiaomi 15 នឹងមានការបំពាក់នូវបន្ទះឈីប Snapdragon 8 Gen 4 ហើយនិងមានអេក្រង់រាបស្មើរ និងមានការគាំទ្រដោយកញ្ចក់ OLED LTPO កម្រិត 1.5K resolution ប៉ុន្តែមិនមានការបញ្ជាក់ទំហំអេក្រង់នៅឡើយ។ បើតាមការទម្លាយកន្លងមក ធ្លាប់បាននិយាយថា ស្មាតហ្វូនជំនាន់ថ្មី Xiaomi 15 នឹងមានអេក្រង់ដូចគ្នាជាមួយនិង Xiaomi 14 ដែលទំហំត្រឹមតែ 6.36-អ៊ីង។
និយាយពីកាមេរ៉ាថតរូបវិញ នៅលើស្មាតហ្វូននេះមានកាមេរ៉ាគោលទំហំ 50-Megapixel OmniVision និងគ្រាប់ទីពីរមានទំហំ 50-Megapixel ultrawide lens ហើយនិងគ្រាប់ទីបី 50-Megapixel ហ៊្សូម 3.x telephoto macro lens។ ស្មាតហ្វូនជំនាន់ថ្មីត្រូវបានគេនិយាយថា គឺមានការផ្តោតខ្លាំងទៅលើការផលិតរូបភាពកាន់តែសំបូរបែប និងមានគុណភាពខ្ពស់ជាងមុនថែមទៀតផង។ បន្ថែមពីនេះ ស្មាតហ្វូននេះ ក៏នឹងមានរ៉េមទំហំ 16GB ហើយនិងមានអង្គចងចាំទំហំ 1TB ព្រមទាំងមានការទ្រទ្រង់នូវប្រព័ន្ធស្កែនម្រាមដៃនៅលើអេក្រង់ ultrasonic ហើយនិង Dual Speakers រួមជាមួយនិងម៉ូទ័រសម្រាប់រំញ័រថែមទៀតផង។
សូមជំរាបថា ការបែកធ្លាយខាងលើនេះ គឺមិនមានការបញ្ជាក់ពីទំហំថ្មនៅលើស្មាតហ្វូន Xiaomi 15 ហើយនិងឆ្នាំងសាកនៅឡើយទេ។ ស្មាតហ្វូននេះ នឹងមានការឌីស្សាញជាមួយនិងកម្រ៉ាស់ស្តើង និងមានទម្ងន់ស្រាលថែមទៀតផង។
