ការពីខែតុលាកន្លងទៅនេះ ក្រុមហ៊ុន Samsung បានបង្ហាញចេញនូវស្មាតហ្វូនម៉ូដែល Galaxy S23 FE ដែលនេះគឺជាសមាជិកថ្មីមួយរបស់ Galaxy S23 Series។ នៅពេលនេះ បន្ទាប់ពីការដាក់លក់ស្មាតហ្វូន Galaxy S24 series រួចមក នៅពេលនេះមានព័ត៌មានថ្មីនិយាយពីស្មាតហ្វូន Galaxy S24 FE។ ម៉ូដែលពិសេសនេះ ត្រូវបានគេរំពឹងថា នឹងបង្ហាញវត្តមាននៅចុងឆ្នាំនេះហើយ។ បើតាមរបាយការណ៌មុននេះ មានការបញ្ជាក់ថា ក្រុមហ៊ុនSamsung មានលេខកូដ R12។
សូមជំរាបថា ស្មាតហ្វូន Galaxy S20 FE, S21 FE និង S23 FE ត្រូវបានគេនិយាយថា គឺមានការប្រើប្រាស់ R8, R9 និង R11 ដូច្នេះផ្អែកលើលេខម៉ូដែល R12 មានការសន្និដ្ឋានថា គឺជាស្មាតហ្វូន Galaxy S24 FE។ ជាមួយគ្នានេះ បើតាមរបាយការណ៌ចុងក្រោយនេះ ដែលចែកចាយដោយ Galaxy Club គឺបានបញ្ជាក់ពីស្មាតហ្វូនជំនាន់ថ្មីរបស់ FE ថែមទៀតហើយ។ ប្រភពខាងលើនេះបានបង្ហាញថា Galaxy S24 FE នឹងមានការបំពាក់មកជាមួយនូវ 50MP ISOCELL GN3 នៅលើកាមេរ៉ាគោល។ សិនស័រ ISOCELL GN3 ដំណើរការលើកម្រិត 1/1.57 អ៊ីងសិនស័រ និងមានការគាំទ្រដោយកម្រិតភិកសែល 1.0µm pixels។
សូមជំរាបថា សិនស័រខាងលើនេះ គឺត្រូវបានក្រុមហ៊ុន Samsung ធ្លាប់បានប្រើប្រាស់នៅលើស្មាតហ្វូន Galaxy S22, Galaxy S23, Galaxy S23 FE និង Galaxy S24 រួចហើយ។ ប៉ុន្តែបើតាមការទម្លាយមុននេះ គឺមានការបញ្ជាក់ថា សិនស័រនេះ អាចនឹងមានការពង្រឹងបន្ថែមខ្លាំងជាងមុនបន្តិចផងដែរ។ ស្មាតហ្វូននេះ នឹងមានការលេចធ្លាយព័ត៌មានថ្មីជាច្រើនទៀតនៅពេលខាងមុខនេះ។ គួរបញ្ជាក់ថា នៅលើស្មាតហ្វូនជំនាន់មុនៗ គឺមានការប្រើប្រាស់នូវកាមេរ៉ាទំហំ 8MP ហ៊្សូម 3x telephoto និងមួយមួយគ្រាប់ទៀតមានទំហំ 12MP ultrawide និងមួយគ្រាប់ទៀតដែលជាកាមេរ៉ាគោល គឺប្រើប្រាស់សិនស័រ ISOCELL GN3។
