Redmi K70 Ultra នឹងប្រើប្រាស់នូវបន្ទះអេក្រង់ជំនាន់ថ្មី C8+ ដែលមានការអភិវឌ្ឍរួមគ្នារវាង Xiaomi និង TCL

ក្រុមហ៊ុន Redmi ត្រូវបានគេរាយការណ៌ថា នឹងមានការប្រកាសចេញនូវស្មាតហ្វូនជំនាន់ថ្មីរបស់ខ្លួន Redmi K70 Ultra នៅលើទីផ្សារប្រទេសចិននាពេលដ៏ខ្លីខាងមុខនេះហើយ ដោយម៉ូដែលនេះ គឺមានការផ្តោតខ្លាំងទៅលើស្មាតកម្លាំងម៉ាស៊ីនខ្លាំង ដូចម៉ូដែលប្រណិតអញ្ចឹង។ នៅថ្ងៃនេះ លោក Wang Teng Thomas ដែលជាអគ្គនាយករងរបស់ផ្នែកទីផ្សាររបស់ក្រុមហ៊ុន Xiaomi ប្រចាំប្រទេសចិន និងជាអគ្គនាយកក្រុមហ៊ុន Redmi បានបង្ហោះសារនៅលើបណ្តាញ Weibo ដោយមានការបញ្ជាក់ពីអេក្រង់ស្មាតហ្វូននេះហើយ K70 Ultra។

នៅក្នុងការផុសរបស់លោក Wang Teng Thomas គឺមានការបញ្ជាក់ពីការចូលរួមសម្ពោធអេក្រង់ C8+ luminous display នៅទីក្រង Wuhan ប្រទេសចិន ដែលសមិទ្ធិផលនេះគឺមានការអភិវឌ្ឍរួមគ្នារវាង Xiaomi និង TCL Huaxing។ លោកបានបន្ថែមថា ដៃគូទាំងពីនេះ បានធ្វើការពង្រឹងយ៉ាងខ្លាំងទៅលើសមាសភាគនៃការផលិត C8+ ក្នុងនោះមានដូចជា pixel life បទពិសោធន៍ថ្មីនៃការទស្សនាដែលមានកើនឡើងលើសពី 100% និងមានផ្តល់នូវភាពរលូនក្នុងការប្រើប្រាស់ ក៏ដូចជាបន្លឺខ្ពស់ជាងនៅក្នុងឧស្សហកម្មនេះ។ 

Redmi K70 Ultra នឹងមានការប្រកាសចេញជាមួយនិងអេក្រង់ថ្មី C8+ នេះ ដែលមានកម្រិតបង្ហាញចេញបានជាមួយកម្រិត 1.5K resolution។ របាយការណ៌ខាងលើនេះបញ្ជាក់ថា អេក្រង់នេះ គឺអេក្រង់រាបស្មើរ នឹងមានល្បឿន 144Hz refresh rate។ អេក្រង់នេះដំណើរការនៅលើបន្ទះឈីប PixelWorks X7 display ដែលផ្តល់នូវបទពិសោធន៌ដ៏អស្ចារ្យបំផុត។ នៅលើអេក្រង់នេះ ក៏មានការទ្រទ្រង់ជាមួយប្រព័ន្ធស្កែនម្រាមដៃផងដែរ។ 

Redmi K70 Ultra នឹងដំណើរការនៅលើបន្ទះឈីប Dimensity 9300 Plus អមដំណើរដោយរ៉េម LPDDR5x RAM និងអង្គចងចាំ UFS 4.0 storage ដែលមានទំហំ 12GB+256GB, 12GB+512GB, 16GB+512GB និង 16GB+1TB។ ស្មាតហ្វូននេះ នឹងមានថ្មទំហំ 5,500mAh ហើយនិងកម្លាំងសាក 120W fast charging។ K70 Ultra នឹងមានកាមេរ៉ាមុខទំហំ 20-Megapixel ហើយនិងកាមេរ៉ាទំហំ 50-megapixel (OIS) + 8-Megapixel (ultrawide) + 2-megapixel (macro)។ នៅលើស្មាតហ្វូននេះ ក៏មានការតម្លើងមកជាមួយនូវស៊ុមលោហៈ និងបន្ទះទប់ការឡើងកំដៅ VC heat dissipation រួមជាមួយបច្ចេកវិទ្យាការពារទឹក និងធូលី IP68។