នៅក្នុងសេចក្តីប្រកាសនាពេលថ្មីៗនេះក្រុមហ៊ុន Xiaomi បានធ្វើការផ្លាស់ប្តូរនាយកប្រតិបត្តិសំខាន់ៗ រួមទាំងការកែតម្រូវមុខតំណែងថ្នាក់ខ្ពស់ផងដែរ។ ក្នុងនោះ លោក Huang Zhenyu ដែលពីមុនជាអនុប្រធាននាយកដ្ឋានឧស្សាហកម្មរថយន្ត បានចូលកាន់តួនាទីបន្ថែមជា អ្នកគ្រប់គ្រងទូទៅនៃនាយកដ្ឋានខ្សែសង្វាក់ផ្គត់ផ្គង់នៅក្នុងផ្នែកដូចគ្នា។ លោក Zhenyu មានតួនាទីសំខាន់ក្នុងាការរាយការណ៍ដោយផ្ទាល់ទៅកាន់លោក Lei Jun ដែលជានាយកប្រតិបត្តិជាន់ខ្ពស់របស់ក្រុមហ៊ុន ហើយក៏ជានាយកប្រតិបត្តិជាន់ខ្ពស់នៃនាយកដ្ឋានឧស្សហកម្មរថយន្តរបស់Xiaomi ផងដែរ។

ក្រុមហ៊ុន Xiaomi បានធ្វើការផ្លាស់ប្តូរនៅក្នុងនាយកដ្ឋានបុគ្គលិករបស់ខ្លួនគួរឲ្យកត់សំគាល់ ដោយបានតំឡើងនាយកប្រតិបត្តិជាន់ខ្ពស់លោក Huang Zhenyu ពីឧស្សាហកម្មគ្រឿងបន្លាស់រថយន្តឱ្យចូលរួមក្នុងខ្សែសង្វាក់ផលិតកម្មរថយន្ត។ លោក Zhenyu ដែលពីមុនកាន់តំណែងជាអនុប្រធាននៅក្នុងតំបន់ Magna ក្នុងប្រទេសចិន និងជាអ្នកផ្គត់ផ្គង់នៅក្នុងពិភពលោកដ៏លេចធ្លោ និងមានបទពិសោធន៍ និងជំនាញជាច្រើននៅក្នុងវិស័យរថយន្ត។

ជាលទ្ធផលនៃការអភិវឌ្ឍន៍នេះ Zhenyu បានទទួលខុសត្រូវលើអាជីវកម្មខ្សែសង្វាក់ផ្គត់ផ្គង់នៅក្រុមហ៊ុន Xiaomi ខណៈពេលដែល Li Xiaoshuang អនុប្រធានផ្នែករថយន្ត Xiaomi បានផ្លាស់ប្តូរទៅផ្តោតលើកិច្ចប្រតិបត្តិការទីផ្សារវិញ។ លើសពីនេះ លោក Xiaoshuang បានកាន់តួនាទីជាអ្នកគ្រប់គ្រងទូទៅនៅក្នុងនាយកដ្ឋានទីផ្សាររថយន្ត និងជាអ្នករាយការណ៍ដោយផ្ទាល់ទៅលោក Lei Jun ដែលជានាយកប្រតិបត្តិនៃផ្នែករថយន្តរបស់ Xiaomi។

ជាមួយការផ្លាស់ប្តូរតួនាទីសំខាន់នេះ លោក Li Xiaoshuang ដែលពីមុនជាអ្នកគ្រប់គ្រងទូទៅនៃផ្នែកឧបករណ៍ប្រើប្រាស់ក្នុងផ្ទះរបស់ក្រុមហ៊ុន Xiaomi Group បានដើរតួយ៉ាងសំខាន់នៅក្នុងផ្នែកផលិតរថយន្តរបស់ Xiaomi។ ជាមួយនឹងបទពិសោធន៍យ៉ាងទូលំទូលាយនៅក្នុងក្រុមហ៊ុន លោក Xiaoshuang ត្រូវបានចាត់ទុកថា ជាបុគ្គលិកជើងចាស់នៃក្រុមហ៊ុន Xiaomi ថែមទៀតផង។

គួរកត់សម្គាល់ថា យោងទៅលើរបាយការណ៍ថ្មីៗនេះ បានបង្ហាញថា លោក Wen Fei ដែលជានាយកប្រតិបត្តិមកពីក្រុមហ៊ុន Great Wall Motors ត្រូវបានជ្រើសរើសដោយ CEO Lei Jun ដើម្បីដឹកនាំផ្នែកទីផ្សារ។ បច្ចុប្បន្ននេះ ការខិតខំប្រឹងប្រែងនៅក្នុងផ្នែកឧស្សាហកម្មផលិតរថយន្តរបស់ក្រុមហ៊ុន Xiaomi កំពុងដំណើរការយ៉ាងរលូន ហើយក្រុមហ៊ុន ក៏កំពុងស្ថិតនៅលើផ្លូវបិទបញ្ចប់ក្នុងការប្រកាសចេញលក់រថយន្តដំបូងរបស់ខ្លួននៅឆ្នាំក្រោយ (2024) ផងដែរ៕