Mix Flip ដែលជាស្មាតហ្វូនអេក្រង់បត់បានជំនាន់ថ្មី និងដំបូងគេរបស់ Xiaomi បានប្រកាសដាក់លក់នៅលើទីផ្សាសកលហើយនេះបើតាមការបញ្ជាក់ពី Gizmochina។ ស្មាតហ្វូនអេក្រង់បត់បាន Mix Flip ថ្មីនេះ នឹងក្លាយជាស្មាតហ្វូនអេក្រង់បត់បបានដំបូងគេរបស់ក្រុមហ៊ុននេះ ដែលនឹងដាក់លក់នៅលើទីផ្សារអឺរ៉ុប។ ជាមួយនឹងដំណឹងថ្មីនេះ គឺត្រូវបានប្រកាសដោយលោក Nikolai Nankov ដែលជាប្រធានក្រុមហ៊ុន Xiaomi ប្រចាំនៅប្រទេសប៊ុលការី តាមរយៈបទសម្ភាសន៌ជាមួយនិងMobile Bulgaria magazine។
Nankov បានប្រកាសថា ស្មាតហ្វូនអេក្រង់បត់បានជំនាន់ថ្មី Mix Flip នឹងមានការបង្ហាញវត្តមានជាផ្លូវការនៅលើទីផ្សារអឺរ៉ុបខាងកើត នៅប៉ុន្មានសប្តាហ៌ខាងមុខនេះ ហើយនឹងប្រកាសដាក់់លក់នៅថ្ងៃទី 15 ខែសីហាឆ្នាំ 2024។ លោកបានបន្តថា ស្មាតហ្វូនអេក្រង់បត់បានដែលដែលមានទម្រង់ដូចជាគ្រុំនេះ គឺនឹងមានម្លៃប្រហែល 2,600 Bulgarian Lev ដែលស្មើរនឹង €1,300 យូរ៉ូ។ ជាមួយនិងតម្លៃ €1,300 យូរ៉ូនេះត្រូវបានគេមើលឃើកថា ខ្ពស់ជាងស្មាតហ្វូនអេក្រង់បត់បានរបស់ដៃគូរ ដែលមានដូចជា Samsung និង Motorola ជាដើម ដែលរឿងនេះ អាចនឹងធ្វើអោយក្រុមហ៊ុន Xiaomi មានការប្រកួតប្រជែងខ្លាំងជាក់ជាមិនខាននៅលើទីផ្សារសកល។
និយាយពីលក្ខណៈសម្បត្តិទូទៅរបស់ ស្មាតហ្វូន Xiaomi Mix Flip មានអេក្រង់ខាងក្នុងទំហំ 6.86-អ៊ីង foldable OLED TCL C8+ ជាមួយនឹងកម្រិតភាពច្បាស់ Full HD+ ដែលមានទំហំ 2912x1224 pixels និងរត់នៅលើល្បឿន 120Hz refresh rate, LTPO technology និងពន្លឺអេក្រង់ដល់់ទៅ 3000 nits ជាមួយនឹង 2160Hz PWM dimming ។ អេក្រង់ខាងក្រៅរបស់ស្មាតហ្វូននេះ មានទំហំ 4.01-អ៊ីង OLED TCL C8+ ជាមួយនឹងកម្រិតភាពច្បាស់បានទំហំ 1392x1208 pixels ល្បឿន 120Hz refresh rate និងមានពន្លឺ 2500 nits ហើយថែមទាំងមានការគាំទ្រដោយ 2160Hz PWM dimming និងការពារដោយកញ្ចក់រឹងមាំ Dragon Crystal Glass របស់ Xiaomi ទៀតផង។ នៅពេលដែលបិទស្មាតហ្វូននេះមានវិមាត្រ 74x74x16mm ហើយនៅពេលដែលបើកវាមានទំហំ 167.5x74x7.6mm ។ ស្មាតហ្វូននេះមានទម្ងន់ប្រហែលជា 192g។
ស្មាតហ្វូននេះ ដំណើរការនៅលើបន្ទះឈីប Snapdragon 8 Gen 3, LPDDR5x RAM និង UFS 4.0។ ស្មាតហ្វូននេះ មានថាមពលថ្មទំហំ 4,780mAh ទ្រទ្រង់ជាមួយនឹងកម្លាំងសាក 67W charging។ បន្ថែមពីនេះ ស្មាតហ្វូននេះ ក៏ដំណើរការនូវប្រព័ន្ធប្រតិបត្តិការ Android 14 ដែលមានការផ្អែកជាមួយនឹង HyperOS 1.0 ទៀតផង។ ស្មាតហ្វូននេះ មានកាមេរ៉ាខាងមុខទំហំ 32-Megapixel និងកាមេរ៉ាខាងក្រោយ ដែលមានទំហំ 50-megapixel មានមុខងារ OIS និង 50-Megapixel OV60A4 telephoto lens ទ្រទ្រង់ជាមួយនឹងការហ៊្សូម 2x zoom ហើយក៏មាន OIS ដូចគ្នា។ បន្ថែមពីនេះ វាក៏មានមុខងារ side-facing fingerprint scanner, 3500mm² 3D VC liquid cooling system, dual speakers និង advanced battery management និង signal enhancement chips ថែមទៀតផង។
