ក្រុមហ៊ុន Honor បានត្រៀមខ្លួនរួចជាស្រេចហើយនៅក្នុងការប្រកាសចេញនូវស្មាតហ្វូនជំនាន់ថ្មីម៉ូដែល Honor X50 នៅក្នុងប្រទេសចិននាថ្ងៃទី 5 ខែកក្កដាខាងមុខនេះហើយ គឺវេលាម៉ោង 7:30pm (ម៉ោងនៅក្នុងស្រុក)។  មុនការសម្ពោធនេះ ក្រុមហ៊ុន Honor ក៏បានទម្លាយនួវព័ត៌មានជាច្រើនរបស់ស្មាតហ្វូននេះរួចហើយ ស្មាតហ្វូននេះ ក៏ត្រូវបានគេបញ្ជាក់ថា បានឆ្លងកាត់ការចុះបញ្ជីធ្វើតេស្តសមត្ថភាពនៅលើបញ្ជី Geekbench benchmarking database។

ទាក់ទងនឹងស្មាតហ្វូនថ្មីនេះ ក្រុមហ៊ុន Honor ក៏បានបង្ហាញស្មាតហ្វូន X50 ថ្មីនេះនៅលើបណ្តាញសង្គម Weibo រួចហើយផងដែរ ដោយនៅលើ Poster នេះ គឺបានបញ្ជាក់ច្បាស់ថា ស្មាតហ្វូនថ្មីនេះ គឺនឹងមានការប្រើប្រាស់នូវបន្ទះ ឈីប Snapdragon 6 Gen 1 ខណដែលនៅលើ Poster មួយទៀត គឺបានបង្ហាញថា ស្មាតហ្វូនថ្មីនេះ គឺនឹងមាន ការទម្លាយនូវព័ត៌មានអេក្រងរបស់ស្មាតហ្វូននេះដែរ។ បើមើលទៅលើរូបភាពនេះ បង្ហាញថា អេក្រង់ស្មាតហ្វូននេះ នឹងមានគែមកោង ហើយនិងមានរន្ធនៅចំកណ្តាលអេក្រង់ ហើយអេក្រង់នេះ គឺមានកម្រិតបង្ហាញចេញបាន 1.5K។ បន្ថែមពីនេះ ក៏មានការបញ្ជាក់ថា អេក្រង់ស្មាតហ្វូននេះ គឺប្រើប្រាស់នូវកញ្ចក់ AMOLED ដែលទ្រទ្រង់ជាមួយនិង ការស្កែនម្រាមដៃនៅលើអេក្រង់ថែមទៀតផង។

ងាកមកផ្ទៃខាងក្រោយវិញ ស្មាតហ្វូន Honor X50 គឺមានការឌីស្សាញម៉ូឌុលកាមេរ៉ាជាមួយនិងរាងជារង្វង់ ហើយនិងមាន ការបំពាក់នូវកាមេរ៉ា 2 គ្រាប់ និងមាន LED flash មួយគ្រាប់ ហើយសម្រាប់កាមេរ៉ាគោល ដែលប្រើប្រាស់នៅលើស្មាតហ្វូននេះ គឺមានទំហំ 108MP main sensor។ ស្មាតហ្វូននេះ នឹងមានជម្រើសពណ៌ Silver និង Gradient White ដែលាយជាមួយនិងពណ៌ Orange hue ដែលឌីស្សាញចេកពីស្បែកផងដែរ។

នៅលើបញ្ជី Geekbench បានបង្ហាញថា ស្មាតហ្វូន Honor X50 មានលេខម៉ូដែល ALI-AN00 ហើយក៏មានបញ្ជាក់ពីបន្ទះឈីបផងដែរ។ បន្ថែមពីនេះ នៅលើបញ្ជីនេះក៏មានការបង្ហាញថា ស្មាតហ្វូននេះ មានថ្មទំហំ 12GB រត់ជាមួយនិងប្រព័ន្ធ Android 13 OS ចេញពីប្រអប់តែម្តង។ មានការទម្លាយថា ស្មាតហ្វូននេះ ក៏នឹងមានម៉ូដែលទំហំ 16GB និងអង្គងចាំទំហំ 512GB ផងដែរ។ បើតាមការតេស្តនៅបញ្ជី Geekbench បានបង្ហាញថា ការតេស្ត Single-core និង multi-core tests គឺទទួលបានពិន្ទុ 606 និង 2,484។ មួយវិញទៀត បើតាមបញ្ជី 3C certification មានការបញ្ជាក់ថា X50 នឹងមានការគាំទ្រនូវកម្លាំងសាក 35W fast charging។