no-alternative title
no-alternative title
no-alternative title

iPhone SE 4 ត្រូវទម្លាយចេញនូវរូបភាពថ្មី មានការឌីស្សាញជាមួយគំនិតថ្មីយ៉ាងទាក់ទាញ!

ពាក្យចចាមអារ៉ាមថ្មីមួយ ដែលទម្លាយយថា ក្រុមហ៊ុន Apple នៅពេលនេះ បាននឹងកំពុងតែធ្វើការនៅលើស្មាតហ្វូនម៉ូដែលថ្មីនៃត្រកូល iPhone SE ថែមទៀតហើយ។ ប៉ុន្តែមកដល់ពេលនេះ ក្រុមហ៊ុនបច្ចេកវិទ្យាអាមេរិកាំងមួយនេះ នៅមិនទាន់ទម្លាយអំពីព័ត៌មានលម្អិតផ្លូវការពាក់ព័ន្ធទៅនឹងស្មាតហ្វូន iPhone SE 4 នោះទេ។ នៅថ្ងៃនេះ មានការទម្លាយចេញនូវរូបភាពគំនូសព្រាងថ្មីរបស់ស្មាតហ្វូនថ្មីនេះហើយតាមរយៈរូបភាព Render ថ្មី។ 

 

រូបភាពពាណិជ្ជកម្ម
no-alternative title

គំរូរូបភាព Render របស់ iPhone SE 4  ថ្មីនេះ ត្រូវបានចែករំលែកដោយអ្នកទម្លាយដែលមានឈ្មោះថា AppleTrack តាមរយៈ @concept_central។ នៅក្នុងរបាយការណ៍ថ្មីនេះថែមទាំងមានការទម្លាយថា iPhone SE 4 នេះ មានការឌីស្សាញរូបរាងស្រដៀងគ្នាទៅនឹងស្មាតហ្វូន iPhone 14 អញ្ចឹង។ នៅលើអេក្រង់របស់ស្មាតហ្វូនថ្មីនេះ គឺមានរន្ធ notch ធំ ដែលមានការញាត់បញ្ចូលជាមួយនឹងមុខងារ Face ID និងមានការប្រើប្រាស់នូវរន្ធ USB Type-C port ថែមទៀតផង។ នៅពេលនេះ រូបរាងរបស់ស្មាតហ្វូន iPhone SE 4 ចុងក្រោយបំផុត ក៏ត្រូវបានទម្លាយផងដែរ។ 

បើមើលទៅលើរូបភាពផ្នែកខាងមុខរបស់ iPhone SE 4 នេះ គឺមានភាពស្រដៀងគ្នាទៅនឹងស្មាតហ្វូន iPhone 14 ដោយមានការឌីស្សាញជាមួយគែមជុំវិញមានរាងទាលស្មើរជ្រុង ហើយនិងមានអេក្រង់ទំហំ 6.1-អ៊ីង OLED Display ដែលមានការទ្រ ទ្រង់ទៅលើបច្ចេកវិទ្យាអេក្រង់ល្បឿន 120Hz ProMotion ថែមទៀតផង។ សម្រាប់ផ្នែកខាងក្រោយរបស់ស្មាតហ្វូនថ្មីនេះ គឺមានកាមេរ៉ាសេនស័រមួយគ្រាប់។ ស្មាតហ្វូន  iPhone SE 4 នេះ មានកាមេរ៉ាទំហំ 48-Megapixel នៅខាងក្រោយ។ ការឌីស្សាញខាងក្រោមរបស់ស្មាតហ្វូននេះ មាន USB Type-C port ដែលមាននៅលើ iPhone 15 អញ្ចឹង។ ស្មាតហ្វូន iPhone SE 4 នេះអាចនឹងបង្ហាញខ្លួននៅចុងឆ្នាំ 2024 និងដើមឆ្នាំ 2025 នេះ៕

 

ព័ត៌មានពាណិជ្ជកម្ម