OPPO Find X7 Pro ក្លាយជាស្មាតហ្វូនដំបូងបំផុតនៅលើពិភពលោក ដែលប្រើប្រាស់ឡែន Periscope Telephoto ចំនួន 2 គ្រាប់!

នៅថ្ងៃទី 23 ខែវិច្ឆិកាខាងមុខនេះ ក្រុមហ៊ុន OPPO នឹងមានរៀបចំនូវព្រឹត្តការណ៌សម្ពោធនូវស្មាតហ្វូនជំនាន់ថ្មី Reno 11 series និងថេប្លេត Pad Air 2 នៅលើទៅផ្សារប្រទេសចិនហើយ។ បន្ទាប់ពីព្រឹត្តិការណ៌នេះ ក្រុមហ៊ុននេះ ក៏នឹងមានការបង្ហាញវត្តមានរបស់កំពូលស្មាតហ្វូនជំនាន់ថ្មី ដែលស្ថិតនៅលើក្នុងត្រកូលស្មាតហ្វូនថ្នាក់ប្រណិតរបស់ខ្លូនម៉ូដែល Find X7 Series បន្តទៀតហើយ ដែលកាលបរិច្ឆេតនៃការប្រកាសអាចនឹងធ្វើឡើងនៅត្រីមាសទី 1 ឆ្នាំ 2024 ខាងមុខ។ នៅថ្ងៃនេះ អ្នកទម្លាយ Digital Chat Station ក៏មានការបង្ហោះនូវព័៍ត៌មានកាមេរ៉ាដែលនឹងប្រើប្រាស់នៅលើ Find X7 Pro ផងដែរ។

បើតាមការបង្ហាញរបស់ទម្លាយ Digital Chat Station បានអោយដឹងថា OPPO Find X7 Pro គឺនឹងក្លាយជាស្មាតហ្វូនថ្នាក់ប្រណិត ដំបូងគេលើពិភពលោក ដែលប្រើប្រាស់ឡែន Periscope Telephoto ពីរគ្រាប់ ហើយនៅក្នុងការបែកធ្លាយនេះ ក៏មានការបញ្ជាក់ទៀតថា X7 Pro នឹងមានកាមេរ៉ាក្រោយ 4 គ្រាប់ ដែលខុសពីជំនាន់មុនដែលប្រើប្រាស់ត្រឹមតែ 3 គ្រាប់ប៉ុណ្ណោះ។ 

យោងតាមការបែកធ្លាយខាងលើនេះ ក៏មានការបង្ហាញទៀតថា កាមេរ៉ាក្រោយរបស់ស្មាតហ្វូនជំនាន់ថ្មី Find X7 Pro នឹងមានការប្រើប្រាស់នូវកាមេរ៉ាគោលទំហំ 50-Megapixel ដែលជាសិនស័រ 1-អ៊ីង ដោយនឹងមានសមត្ថភាពខ្ពស់ អាចផ្តល់នូវការចាប់រូបភាពបានល្អ និងមានគុណភាពច្បាស់ជាងមុន។ បន្ថែមពីនេះ នៅលើស្មាតហ្វូននេះ ក៏នូវមានកាមេរ៉ាគ្រាប់ទីពីរដែលមានទំហំ 50-Megapixel IMX890 ប្រើប្រាស់សិនស័រ 1/1.56-អ៊ីងហ៊្សូមបាន  2.7x optical zoom ក៏ដូចជា 50-Megapixel IMX858 ដែលជា sensor កម្រិត 1/2.4-អ៊ីង ហ៊្សូមបាន 6x optical zoom។ ផឋអែកតាមរបាយការណ៌នេះ នៅលើ OPPO Find X7 Pro ក៏មានការប្រើប្រាស់ កាមេរ៉ាទំហំ 50-megapixel ultra-wide ផងដែរ។

អ្នកទម្លាយរូបនេះបន្តថា កាមេរ៉ារបស់ Find X7 Pro នឹងមានការប្រើប្រាស់នូវកញ្ចក់ XCD solution ដែលផ្តល់នូវការច្របាច់បញ្ចូលពណ៌ទៅលើរូបភាពបានយ៉ាងល្អតាមរយៈនៃការប្រើប្រាស់នូវ Hasselblad។ បច្ចេកវិទ្យាថ្មីកាមេរ៉ាដែលបំពាក់នៅលើ Find X7 Pro នឹងផ្តល់អោយអ្នកប្រើប្រាស់ទទួលបាននូវបទពិសោធន៌ថ្មី អាចចាប់រូបភាព និងវីដេអូ បានជាមួយនិងគុណភាពខ្ពស់បំផុត។

Find X7 Pro នឹងមានការប្រើប្រាស់នូវបន្ទះឈីប Snapdragon 8 Gen 3 ខណៈដែល Find X7 នឹងប្រើឈីប Dimensity 9300 SoC។ យោងតាមពាក្យចចាមអារ៉ាមកន្លងមក បាននិយាយថា Find X7 series នឹងបង្ហាញវត្តមាននៅមុនរដូវកាលឈប់ប្រចាំឆ្នាំរបស់ចិន  Chinese Spring Festival 2024 ដែលនឹងប្រារព្ធឡើងនៅចន្លោះចុចខែមករា ឬខែដើមខែកុម្ភៈ។ សម្រាប់ការបង្ហាញខ្លូនលើទីផ្សារសកលនៅមិនទាន់ច្បាស់នោះទេ។