ស្ងាត់ៗ ក្រុមហ៊ុន Redmi បានប្រកាសចេញនូវស្មាតហ្វូនម៉ូដែលចុងក្រោយបំផុតរបស់ខ្លួនម៉ូដែលថ្មីមួយទៀតគឺ Redmi Note 13R Pro នៅក្នុងទីផ្សារប្រទេសចិន ដែលនេះគឺជាសមាជិករបស់ Redmi Note 13 Series។ គួរបញ្ជាក់ថា កាលពីខែខែតុលាកន្លងទៅនេះ ក្រុមហ៊ុននេះ ទើបតែបង្ហាញនូវស្មាតហ្វូន Redmi Note 13, Note 13 Pro និង Note 13 Pro+។ ខាងក្រោមនេះ គឺជាលក្ខណៈសម្បត្តិ មុខងារ និងតម្លៃដែលមានបំពាក់នៅលើស្មាតហ្វូនថ្មីនេះ។
Redmi Note 13R Pro ត្រូវបានក្រុមហ៊ុនបំពាក់នូវអេក្រង់ទំហំ 6.67-អ៊ីង OLED display គាំទ្រជាមួយនឹងការឌីស្សាញរន្ធpunch-hole មួយគ្រាប់នៅលើអេក្រង់។ ហើយបន្ទះអេក្រង់នេះ អាចបង្ហាញចេញបានជាមួយកម្រិតភាពច្បាស់ Full HD+ ទំហំ 2400x1080pixels ល្បឿន 120Hz refresh rate និងមានកម្រិត 1,000 nits brightness ហើយនិងមាន contrast ratio 5,000,000:1, touch sampling rate 2160Hz និង 1920Hz PWM dimming។
សម្រាប់កកម្លាំងម៉ាស៊ីននៅលើស្មាតហ្វូន Note 13R Pro នេះ គឺមានដាក់អោយដំណើរការនៅលើបន្ទះឈីប Dimensity 6080 និងមានទំហំ 12GB LPDDR4x RAM ហើយនិងអង្គចងចាំទំហំ 256GB UFS 2.2 storage។ ស្មាតហ្វូននេះ មានថាមពលថ្មទំហំ 5,000mAh ជាមួយនឹងបច្ចេកវិទ្យា 33W charging និងដំណើរការនូវ MIUI 14- Android 13។
ស្មាតហ្វូន Note 13R Pro មានកាមេរ៉ាខាងមុខទំហំ 16-Megapixel ហើយនិងកាមេរ៉ាខាងក្រោយទំហំ 108-Megapixel គាំទ្រជាមួយនឹងការហ៊្សូមបាន 3x in-sensor zoom និងមានគ្រប់ទីពីរទំហំ 2-megapixel depth sensor។ ស្មាតហ្វូននេះ ក៏មានប្រព័ន្ធស្កេនក្រយ៉ៅដៃនៅចំហៀង IR blaster, USB-C port, 3.5mm audio jack, dual SIM ជាមួយនឹង 5G support, GPS, Wi-Fi 5 និង Bluetooth 5.3 ផងដែរ។ ស្មាតហ្វូននេះ មានវិមាត្រ 161.11x74.95x7.73mm និងទម្ងន់ 175g។
តម្លៃរបស់ស្មាតហ្វូន Redmi Note 13R Pro នេះគឺ 1,999 Yuan (~$280)។ ស្មាតហ្វូននេះ មានពណ៌ Midnight Black, Time Blue និង Morning Light Gold។ ស្មាតហ្វូននេះ អាចរកទិញបាននៅក្នុងប្រទេសចិន។ ស្មាតហ្វូននេះ អាចនឹងក្លាយជា rebranded របស់ស្មាតហ្វូន POCO X6 Neo ជាមួយនឹង 64-Megapixel main នៅក្នុងទីផ្សារនៃប្រទេសឥណ្ឌា។ ព័ត៌មានថ្មីមួយទៀតទម្លាយថា ស្មាតហ្វូន Poco X6 series នឹងបង្ហាញខ្លួននៅក្នុងទីផ្សារសកលជាស្មាតហ្វូន Poco X6 5G និង Poco X6 Pro 5G ៕
