នៅពេលនេះ មានការទម្លាយចេញនូវព័ត៌មានអេក្រង់សម្រាប់ស្មាតហ្វូនជំនាន់ថ្មីរបស់ Apple ដែលគ្រោងនឹងបង្ហាញវត្តមាននៅឆ្នាំ 2025 ខាងមុខហើយ។ បើយើងក្រឡេកមើលទៅលើពេលវេលានៃការប្រកាសនូវ iPhone 16 គឺនៅសល់រយៈពេលយូរខ្លាំងណាស់ទំរាំតែដល់ ប៉ុន្តែសម្រាប់ព័ត៌មានដែលគេបញ្ចេញនៅថ្ងៃនេះ គឺទទួលបានពីប្រភពនៃអ្នកដែលផ្គត់ផ្គង់អេក្រង់របស់ Apple ផ្ទាល់តែម្តង។
បើតាមការបែកធ្លាយខាងលើនេះ គឺបានបញ្ជាក់ថា iPhone 16 Pro និង iPhone 16 Pro Max នឹងមានការបំពាក់នូវអេក្រង់ ដែលមានទំហំ 6.27-អ៊ីង និងទំហំ 6.86-អ៊ីង ដោយអេក្រង់របស់ស្មាតហ្វូនជំនាន់ថ្មីទាំងពីរនេះ គឺមានការប្រើប្រាស់នូវល្បឿន 120Hz LTPO panels ដូចគ្នា។ បើយើងមើលទៅលើអេក្រង់របស់ iPhone 16 Pro Max អាចនឹងមិនមែនជាការពិតនោះទេ ប៉ុន្តែអ្វីៗក៏អាចកើតឡើងបានដែរ ដូច្នេះចង់ជ្រាបច្បាស់មានតែរង់ចាំតាមដានជាមួយគ្នានៅពេលខាងមុខ។
អ្វីដែលយើងគ្រប់គ្នាយល់ថាប្លែកនោះគឺទៅលើអេក្រង់របស់ iPhone 16 និង iPhone 16 Plus ដោយអេក្រង់ស្មាតហ្វូនជំនាន់ថ្មីទាំងពីរនេះ គឺមានទំហំ 6.12-អ៊ីង និងទំហំ 6.69-អ៊ីង ប៉ុន្តែបើមើលទៅលើកម្រិតល្បឿនអេក្រង់របស់ម៉ូដែលថ្មីទាំងពីរនេះ គឺពិតជានៅមានកម្រិតទាបមែនទែន គឺត្រឹមតែ 60Hz refresh rate ប៉ុណ្ណោះ។ ព័ត៌មាននេះ គឺអាចជាការពិត ដោយាសារតែនេះ គឺដំណឹងមួយដែលមានការបញ្ជាក់ច្បាស់ពីលោក Ross Young ដែលជាអ្នកវិភាគរបស់ industry insider។ លោកបានបញ្ជាក់ថា សម្រាប់ម៉ូដែលស្តង់ដារ iPhone ដែលចេញនៅឆ្នាំ 2025 គឺនឹងប្រើប្រាស់នូវបច្ចេកវិទ្យា Pro Motion។
ជាមួយនឹងដំណឹងបែកធ្លាយនេះ ក៏មានការព្យាករណ៌ថា iPhone 16 models ក៏នឹងបន្តប្រើប្រាស់អេក្រង់ Dynamic Island គ្រប់ម៉ូដែលផងដែរ។ មួយវិញទៀតប្រសិនបើនេះគឺជាការពិតមែននោះ អ្នកប្រើប្រាស់ iPhone ប្រាកដជាមិនសប្បាយចិត្តនោះទេ ចំពោះ iPhone 16 នៅតែប្រើអេក្រង់ល្បឿន 60Hz បែបនេះ ពីព្រោះថា iPhone គឺមានតម្លៃខ្ពស់។
