ក្រុមហ៊ុន Meizu ត្រូវបានគេរាយការថា បានត្រៀមខ្លួននៅក្នុងការប្រកាសចេញនូវស្មាតហ្វូនជំនាន់ថ្មីរបស់ខ្លួនម៉ូដែល Meizu 21 Series នៅក្នុងប្រទេសចិននាពេលឆាប់ៗនេះហើយ។ ស្របពេលជាមួយនិងដំណឹងនេះដែរ កាលពីប៉ុន្មានថ្ងៃមុននេះ ក្រុមហ៊ុនផលិតស្មាតហ្វូនដ៏ធំរបស់ចិនមួយនេះ ក៏បានទម្លាយព័ត៌មានរបស់ស្មាតហ្វូន Meizu 21 នេះ ដូចគ្នា ប៉ុន្តែគេនៅមិនទាន់ច្បាស់នោះទេថា ក្រុមហ៊ុននេះ នឹងបង្ហាញនូវស្មាតហ្វូន Meizu 21 Pro ជាមួយគ្នាឬយ៉ាងណានោះ។
យោងតាមការបង្ហោះនៅលើបណ្តាញ Weibo គឺបានបង្ហាញថា ក្រុមហ៊ុន Meizu នឹងមានការបញ្ចេញនូវកាលបរិច្ឆេទនៃការប្រកាសចេញនូវស្មាតហ្វូន Meizu 21 នៅក្នុងពេលឆាប់ៗនេះដូចគ្នា។ បន្ថែមពីនេះទៀតនោះ អ្នកទម្លាយ Digital Chat Station ក៏បញ្ជាក់អំពីតម្លៃរបស់ស្មាតហ្វូននេះផងដែរ។ បន្ថែមពីបើមើលទៅលើការបង្ហោះនៅលើ Weibo ដែលចេញពីលោក Shen Ziu អគ្គនាយក និងនាយកប្រតិបត្តិរបស់ក្រុមហ៊ុន Meizu Group ក៏បានបង្ហាញដែរថា ក្រុមហ៊ុននេះ គឺបានត្រៀមខ្លួនក្នុងការទម្លាយនូវកាលបរិច្ឆេទនៃការប្រកាសបង្ហាញនូវស្មាតហ្វូន Meizu 21 ក្នុងពេលឆាប់ៗនេះដូចគ្នា។
ខណៈពេលដែលតម្លៃផ្លូវការរបស់ស្មាតហ្វូននេះ នៅមិនទាន់បញ្ជាក់នៅឡើយនោះ ក្រឡេកទៅមើលលើ ការ pre-orders ទៅលើស្មាតហ្វូននេះ គឺប្រកាសទទួលកក់ទុកមុនបាន តាំងពីថ្ងៃទី 15 ខែវិច្ឆិកាមកម្លេះ។ យោងតាមរបាយការណ៌របស់ក្រុមហ៊ុន Meizu គឺបានទម្លាយថា ការ pre-orders ទៅលើស្មាតហ្វូន Meizu 21 មកដល់ពេលនេះ គឺមានចំនួនច្រើនជាង 100,000 គ្រឿង។
បើនិយាយអំពីតម្លៃស្មាតហ្វូននេះវិញ កន្លងមក អ្នកទម្លាយ Digital Chat Station ក៏ធ្លាប់បានបញ្ជាក់រួចមកហើយថា ស្មាតហ្វូន Meizu 21 នេះមានតម្លៃច្រើនជាង 4,000 យ៉ន់ (~$555)។ តម្លៃនេះ ត្រូវបានគេរំពឹងថា អាចប្រកួតប្រជែងបានជាមួយនឹងស្មាតហ្វូនជាច្រើនទៀត រួមមានដូចជា ស្មាតហ្វូន Xiaomi 14 series, iQOO 12 series និង Vivo X100 ដែលមានតម្លៃចាប់ពី 3,999 យ៉ន់ ។
ស្មាតហ្វូន Meizu 21 នេះ ដំណើរការនៅលើបន្ទះឈីប Snapdragon 8 Gen 3 និងមានអេក្រង់ 6.55-អ៊ីង Samsung AMOLED display ដែលមានកម្រិតភាពច្បាស់ទំហំ FHD+ resolution ហើយនិងរត់បានល្បឿន 120Hz refresh rate។ ស្មាតហ្វូននេះ មានគែម ultra-thin 1.74mm bezels។ នៅលើស្មាតហ្វូននេះ មានថាមពលថ្មទំហំ 4,800mAh ដែលទ្រទ្រង់នូវបច្ចេកវិទ្យា 80W charging។ បើតាមរបាយការណ៍ជាច្រើន កាមេរ៉ាខាងក្រោយរបស់ស្មាតហ្វុននេះមានទំហំ OIS- 50-Megapixel primary និងមានឡែន ultra-wide lens ហើយនិង telephoto។ ផ្នែកខាងក្រោយរបស់ស្មាតហ្វូននេះ ក៏មាន RGB-LED flash ផងដែរ៕
