Samsung បានចេញមកបញ្ជាក់ច្បាស់ហើយថា Galaxy S24 គឺជា “AI Phone”

ស្មាតហ្វូនជំនាន់ថ្មី Galaxy S24 Series របស់ក្រុមហ៊ុន Samsung ដែលមានដូចជា Galaxy S24, Galaxy S24+ និង Galaxy S24 Ultra ត្រួវបានបញ្ជាក់ច្បាស់រួចមកហើយថា នឹងមានវត្តមាននៅលើទីផ្សារសកលនៅថ្ងៃទី 17 ខែមករាឆ្នាំ  2024 ខាងមុខនេះហើយនេះបើយោងតាមការរាយការណ៌ចេញពី The Elec។ សូមជំរាបថា ថ្មីៗនេះ ក្រុមហ៊ុននេះ បានចុះបញ្ជីម៉ាកយីហោរបស់ខ្លួនសម្រាប់រយៈពេល 2 ឆ្នាំថែមទៀតហើយ សម្រាប់ស្មាតហ្វូន Galaxy Z Fold 7 និង Galaxy S25។ 

បើតាមសេចក្តីរាយការណ៌របស់ SamMobile នាពេលកន្លងមក បានបញ្ជាក់អោយដឹងថា ក្រុមហ៊ុន Samsung មានការផ្តោតខ្លាំងទៅលើបច្ចេកវិទ្យា AI ជាមួយស្មាតហ្វូនលំដាប់ Flagship របស់ខ្លួន។ ហើយថ្មីៗនេះក្រុមហ៊ុននេះក៏បានចេញមកបញ្ជាក់រួចមកហើយថា បច្ចេកវិទ្យាថ្មីៗទាំងនេះ នឹងមានការប្រើប្រាស់នៅលើ Galaxy S24 series ផងដែរ។ ជាមួយគ្នានេះ នៅលើ Galaxy Club ដែលជាវិបសាយរបស់អាល្លឺម៉ង់ ក៏បានរកឃើញនូវកម្មវិធីនៅបណ្តាប្រទេសជាច្រើន ដោយកម្មវិធីមួយក្នុងចំណោមនោះ គឺមានការការបញ្ជាក់ថា Galaxy S24 នឹងបង្ហាញវត្តមានជាមួយនិង AI phone។ គួរបញ្ជាក់ថា ក្រុមហ៊ុននេះ បានធ្វើការចុះបញ្ជីទៅលើ AI Phone និង AI Smartphone រួចហើយ។

បន្ថែមពីនេះ ក្រុមហ៊ុននេះក៏ត្រូវបានមើលឃើញថា បានធ្វើការស្នើរការចុះបញ្ជីទៅលើអាជីវកម្មជាច្រើនទៀតផង ដែលក្នុងនោះរួមមានដូចជា ពាណិជ្ជសញ្ញាសម្រាប់ទូរទស្សន៌ អេក្រង់ស្មាតហ្វូន និងឈ្មោះផលិតផលជាច្រើនទៀតដូចជា Magic Pixel, Flex Magic និង Flex Magic Pixel ជាដើម។