ក្រុមហ៊ុន Chevrolet ប្រចាំប្រទេសអូស្ត្រាលី ត្រៀមចេញលក់រថយន្ត Pick up ស៊េរីថ្មីឆ្នាំ 2025 ម៉ូដែល Silverado 2500 HD។ រថយន្ត Pick Up ជំនាន់ថ្មីរបស់អាមេរិកមួយនេះ មានការកែប្រែថ្មីមួយចំនួនទៅលើរូបរាងខាងក្រៅខុសពីជំនាន់មុន ដោយក្នុងនោះមានដូចជា ការបំពាក់នូវផ្ទាំង bumper ខាងមុខ និងការក្រោយជាមួយពណ៌ខ្មៅ ក៏ដូចជាការបំពាក់នូវយ៉ាន់កង់ដែលមានទំហំ 20-inch ជាប្រភេទ gloss-black alloy ជាដើម។ ហើយតម្លៃក៏ខ្ពស់ជាងមុនប្រមាណដល់ទៅជាង $3,500 ផងដែរ ដោយធ្វើឲ្យតម្លៃស៊េរីឆ្នាំ 2025 កើនដល់ $166,500 ជាតម្លៃចេញពីរោងចក្រ។
.jpg)
Chevrolet Silverado 2500 HD ជំនាន់ឆ្នាំ 2025 ដំណើរការដោយម៉ាស៊ីនម៉ាស៊ូត V8 ចំណុះ 6.6-Liter turbocharged ដែលអាចផលិតកំលាំងបាន 350kW និងកំលាំងរមូល 1,322Nm ដែលសមត្ថភាពម៉ាស៊ីនរបស់រថយន្តភីកអាប់ក្រុមហ៊ុនអាមេរិកមួយនេះ ស្ថិតនៅពីក្រោយរថយន្តម៉ូដែល Mercedes-AMG GT S E PHEV និង Porsche Taycan Turbo GT។ ចំពោះសមត្ថភាពអូសសណ្តោងទំងន់វិញ Chevrolet Silverado 2500 HD ឆ្នាំ 2025 អាចធ្វើបានដល់ 4,500kg ជាមួយប្រព័ន្ធជំនួយក្នុងការអូសសណ្តោងដូចជា trailer-specific drive models និងមានកញ្ចក់ចំហៀងមើលក្រោយធំជាដើម។ Silverado 2500 HD ឆ្នាំ 2025 មានជម្រើស 6 ពណ៌ដូចជា ប្រផេះ Cypress Grey, ក្រហម Radiant Red, ប្រផេះបែប Sterling Grey Metallic, ស Summit White, ខៀវ Lakeshore Blue, និងខ្មៅ Black។
ចូលមកផ្នែកខាងក្នុង Chevrolet Silverado 2500 HD ឆ្នាំ 2025 មានបំពាក់កៅអីស្បែក ដោយកៅអីខាងមុខអាចកំណត់ការប្រើប្រាស់ដោយប្រើប្រព័ន្ធអេឡិចត្រូនិច មានមុខងារកំដៅចង្កូត និងដំបូលបើក powered sunroof ជាដើម។ បន្ថែមពីនេះ Silverado 2500 HD ឆ្នាំ 2025 ភ្ជាប់ដំណើរការដោយប្រអប់លេខស្វ័យប្រវត្តិ 10 វគ្គ, មានអេក្រង់កម្សាន្តទំហំ 13.4-អ៊ីង infotainment touchscreen អាចភ្ជាប់មុខងារ Apple CarPlay និង Android Auto, អេក្រង់បង្ហាញព័ត៌មានក្រោយចង្កូតទំហំ 12.3-អ៊ីង Digital Instrument cluster, កន្លែងសាកភ្លើងស្មាតហ្វូនឥតខ្សែ wireless smartphone charging, ប្រព័ន្ធ Speaker ម៉ាក Boss ចំនួន 7 គ្រាប់, ពោងសុវត្ថិភាព 6 កន្លែង, ប្រព័ន្ធកាមេរ៉ា 360 ដឺក្រេ, និងមុខងារ Head up display។
ទៅលើប្រព័ន្ធសុវត្ថិភាពជំនួយការបើកបរដែលមាននៅលើ Chevrolet Silverado 2500 HD ឆ្នាំ 2025 វិញ រួមមានមុខងារ រក្សារថយន្តក្នុងគន្លងផ្លូវ Lane departure warning, មុខងារ Automatic high beams, មុខងារជំនួយការចូលចំណោតផ្នែកខាងក្រោង Rear cross-traffic alert, Forward collision warning, Front and rear parking sensor, Adaptive cruise control, ប្រព័ន្ធចាប់ហ្វ្រាំងបន្ទាន់ពេលមានឧបសគ្គ Autonomous emergency braking (AEB) និង Exhaust brake…ជាដើម៕
