ស្មាតហ្វូនជំនាន់ថ្មី Galaxy S25 Edge ត្រូវបានក្រុមហ៊ុនបញ្ជាក់ច្បាស់ហើយថា នឹងមានការប្រកាសចេញជាផ្លូវការណ៌នៅសប្តាហ៌ក្រោយនេះហើយ។ នៅថ្ងៃនេះ ក្រុមហ៊ុន Samsung ប្រចាំនៅប្រទេសអ៊ីតាលីបានធ្វើការបញ្ចេញនូវវីដេអូថ្មីមួយ ដែលមានការបង្ហាញពីគំនិតច្នៃប្រឌិតទៅលើ Galaxy S25 Edge ដោយបញ្ជាក់ពីរូបរាងកាន់តែស្តើងរបស់ស្មាតហ្វូនថ្មីនេះ។ តាមរយៈវីដេអនេះ គឺមានការរយៈពេល 10 វីនាទី ដោយមានការបង្ហាញពីការបង្រួមទៅលើវត្ថុនានា ក៏ដូចជាអគារ ពីទំហំក្រាស់មកស្តើង មើលទៅអាចបញ្ជាក់ច្បាស់ថា ស្មាតហ្វូននេះ គឺពិតជាស្តើងខ្លាំងមែនហើយ។
បើតាមការបញ្ជាក់នៅក្នុងព័ត៌មានបែកធ្លាយចុងក្រោយនេះបាននិយាយថា ស្មាតហ្វូនជំនាន់ថ្មី S25 Edge គឺនឹងមានកម្រ៉ាស់ស្តើងត្រឹមតែ 5.85mm ប៉ុណ្ណោះ ដែលធ្វើអោយស្មាតហ្វូននេះ ក្លាយជាម៉ូដែលថ្មី ដែលមានកម្រ៉ាស់ស្តើងជាងគេបំផុតក្នុងចំណោមស្មាតហ្វូននាពេលកន្លងមក។ ស្មាតហ្វូននេះ ត្រូវបានគេជឿជាក់ថា នឹងមានអេក្រង់ទំហំ 6.7-អ៊ីង AMOLED ដំណើរការនៅលើបន្ទះឈីប Qualcomm Snapdragon 8 Gen Elite for Galaxy ហើយនឹងមានកាមេរ៉ាគោលទំហំ 200MP រួមនឹងថាមពលថ្មទំហំ 3,900mAh។
