Caviar ដែលជាក្រុមហ៊ុនផលិតឧបករណ៌ដែលមានការឌីស្សាញបែបប្រណិតៗដ៏ល្បីល្បាញនៅលើពិភពលោក នៅថ្ងៃនេះ បានប្រកាសចេញនូវម៉ូដែលពិសេសថ្មីមួយទៀតសម្រាប់ស្មាតហ្វូនអេក្រង់បត់បាន Samsung Galaxy Z Fold 6។ សម្រាប់ការបង្ហាញវត្តមានរបស់ស្មាតហ្វូននេះត្រូវបានគេនិយាយថា គឺមានឌីស្សាញចេញពីសមាសភាគដែលមានតម្លៃ និងមានគុណភាពខ្ពស់ ដែលបានបានជុំរុញអោយស្មាតហ្វូនអេក្រង់បត់បាននេះកាន់តែមានប្រណិត និងមានតម្លៃខ្ពស់ជាងមុន។

ម៉ូដែល Corona collection គឺមានចំនួន 3 ម៉ូដែល រួមមានដូចជា Nautilus, Master Link និង Golden Edge។ សម្រាប់ម៉ូដែលនិមួយៗ គឺសុទ្ធតែមានការផលិតចេញពីសមាសភាគប្រណិតៗដូចគ្នា ដោយមានការឌីស្សាញចេញពី 18 ការ៉ាត់ ហើយនិងមានស៊ុមជុំវិញ Aerospace-grade titanium រួមជាមួយនិងខ្នងក្រោយស្រោបដោយស្បែកក្រពើដែលមានគុណភាពខ្ពស់ថែមទៀតផង។ ដូច្នេះជាមួយនិងសមាសភាគទាំងនេះ គឺបានធ្វើអោយស្មាតហ្វូនថ្មីនេះ កាន់តែមានអស្ចារ្យ។

ជាមួយនិងការប្រកាសចេញនូវម៉ូដែល Nautilus និង Master Link គឺមានតម្លៃចាប់ពី $10,200 និង $10,490 ហើយនិងមានចំនួនត្រឹមតែ 99 គ្រឿងប៉ុណ្ណោះ។ ចំពោះម៉ូដែលប្រណិតជាងគេ Golden Edge គឺមានតម្លៃចាប់ពី $72,360 នឹងមានការផលិតចេញចំនួនត្រឹម 17 គ្រឿងប៉ុណ្ណោះ នៅទូទាំងពិភពលោក។ ម៉ូដែល Golden Edge គឺមានតួខ្លួនផលិតចេញពីមាស 18-ការ៉ាត់់ និងស្រោបដោយស្បែកក្រពើពណ៌ខ្មៅស្រស់ស្អាតបំផុត។

បន្ទាប់ពីការប្រកាសចេញនូវម៉ូដែលពិសេសរបស់ស្មាតហ្វូនអេក្រង់ Samsung Z Fold 6 នេះ ក្រុមហ៊ុន Caviar ក៏នឹងមានការបន្តឌីស្សាញចេញនូវម៉ូដែល Corona Collection ទៅលើស្មាតហ្វូនជំនាន់ថ្មី iPhone 16 series ផងដែរ។ ស្មាតហ្វូនម៉ូដែលពិសេសរបស់ iPhones នេះ គឺមាន 3 ម៉ូដែលដូចគ្នា ក្នុងនោះមាន Lunar Crown, Obsidian, និង Contour ហើយនិងមានតម្លៃចាប់ពី $9,410 សម្រាប់ Lunar Crown និងតម្លៃ $9,630 សម្រាប់ Contour។