Huawei Pura 80 Ultra ឈ្នះពានរង្វាន់ Breakthrough Technology ពីស្ថាប័ន AnTuTu

យោងតាមការចេញផ្សាយថ្មីៗនេះ បង្ហាញថា ស្ថាប័ន AnTuTu ទើបតែប្រកាសផ្តល់នូវពានរង្វាន់បច្ចេកវិទ្យាថ្មីប្រចាំឆ្នាំ 2025 (“Breakthrough Technology of the Year) សម្រាប់ស្មាតហ្វូនថ្នាក់ប្រណិត Huawei Pura 80 Ultra ដែលមានការបំពាក់នូវបច្ចេកវិទ្យាថ្មីៗជាច្រើន ប្រកបដោយភាពច្នៃប្រឌិតខ្ពស់បំផុតសម្រាប់ឆ្នាំ 2025 នេះ។ ការផ្តល់ជូននេះ គឺបានរាប់ចាប់ពីការឌីស្សាញរូបរាងរហូតដល់ការបំពាក់នូវបច្ចេកវិទ្យាកាមេរ៉ានោះ ហើយនឹងសមត្ថភាពដ៏អស្ចារ្យជាច្រើនទៀតដែលមាននៅលើស្មាតហ្វូននេះ។ 

សូមជំរាបថា ស្មាតហ្វូនជំនាន់ថ្មី Pura 80 Ultra នេះ គឺជាស្មាតហ្វូនដំបូងបំផុតនៅក្នុងឧស្សាហកម្មនេះដែលបំពាក់នូវបច្ចេកវិទ្យាកាមេរ៉ា Switchable Dual Telephoto ដែលបានធ្វើអោយស្មាតហ្វូនថ្មីនេះ ទទួលបាននូវពានរង្វាន់ “Breakthrough Technology of the Year” 2025។ ក្រុមហ៊ុន Huawei បានបញ្ជាក់ថា ការឌីស្សាញដ៏ស្រស់ស្អាត និងបច្ចេកវិទ្យាកាមេរ៉ាដ៏ល្អឥតខ្ចោះនៅលើស្មាតហ្វូនថ្នាក់ប្រណិត Pura 80 Ultra គឺបានបង្ហាញអំពីការ upgrade ជាច្រើនដែលមិនធ្លាប់មានពីមុនមកពីក្រុមហ៊ុនជាច្រើនទៀតនៅលើទីផ្សារ។ 

បច្ចុប្បន្ននេះ បច្ចេកវិទ្យាកាមេរ៉ា Dual-Telephoto នេះ គឺបានអនុញ្ញាតអោយស្មាតហ្វូនថ្មីនេះ អាចធ្វើការផ្លាស់ប្តូររវាង Optical Zoom Focal Lengths – 3.7x និង 9.4x បានយ៉ាងរលូន។ តាមដំណឹងចុងក្រោយដែលទើបទទូលបានពេលនេះ បានបញ្ជាក់ថា ក្រុមហ៊ុន Huawei គឺបាននឹងបន្តនៅក្នុងការអភិវឌ្ឍទៅលើបច្ចេកវិទ្យាថ្មីៗទៅលើកាមេរ៉ា និងមុខងារ AI ជាច្រើនទៀតនៅលើស្មាតហ្វូន Pura ជំនាន់ថ្មីរបស់ខ្លួនផងដែរ៕