ស្មាតហ្វូនស៊េរីថ្មី Huawei Mate 80 series កំពុងតែក្លាយជាម៉ូដែលថ្មីមួយទៀតដែលជូយបង្កើនទៅលើប្រាក់ចំណូលឆ្នាំ 2026 របស់ក្រុមហ៊ុន Huawei តាមរយៈការលក់បានចំនួនច្រើនជាង 2 លានគ្រឿងនៅពេលនេះ។ ខណៈដែលក្រុមហ៊ុននេះ បាននឹងកំពុងតែស្វែងរកនូវបច្ចេកវិទ្យានៃការថតរូបភាពកាន់តែអស្ចារ្យនោះ សម្រាប់ស្មាតហ្វូន Pura 90 Series នោះ ស្មាតហ្វូន Mate Series ម៉ូដែលចុងក្រោយបំផុតរបស់ខ្លួនមួយនេះ ក៏បានឈានទៅកាន់កម្រិតខ្ពស់នៃការលក់នៅលើទីផ្សារផងដែរ។
តាមអ្នកវិភាគ @RBObservation ដែលទម្លាយនៅលើ Weibo នេះបានអោយដឹងថា សម្រាប់ការលក់ស្មាតហ្វូន Huawei Mate 80 series ទទួលបានការនាំចេញច្រើនជាង 2 លានគ្រឿងសម្រាប់ 2 សប្តាហ៍ក្នុងឆ្នាំ 2026 នេះ។ នេះគឺជាសមិទ្ធិផលធំបំផុតសម្រាប់ស្មាតហ្វូនត្រកូល 2025 Mate flagship នេះ។ តាមការបញ្ជាក់ចេញពីអ្នកទមា្លយរូបនេះ បន្តថា ស្មាតហ្វូន Mate 80 series នេះ គឺលក់បានដល់ទៅ 2.0573 លានគ្រឿង ហើយការនាំចេញស្មាតហ្វូននេះ នៅក្នុងពេលប៉ុន្មានខែខាងមុខនេះ ត្រូវគេរំពឹងថា អាចនឹងឈានដល់ទៅ 16 ទៅ 20 លានគ្រឿងឯណោះ។
ស្មាតហ្វូនជំនាន់ថ្មី Mate 80 Series នេះ បំពាក់នូវបន្ទះឈីប Kirin 5G ជាមួយនឹងការបង្កើននូវល្បឿនលឿនជាងមុន 42% ។ បន្ថែមពីនេះវាក៏មានមុខងារ AI Outdoor Mode ដែលជម្រុញការប្រើប្រាស់ស្មាតហ្វូននេះបានលើសពី 14 ថ្ងៃ និងពន្លឺអេក្រង់ដល់ទៅ 8000 nits screen brightness។យើងអាចនឹងបន្តមើលឃើញនូវការកើនឡើងទៅលើការលើស្មាតហ្វូន Huawei Mate 80 series បន្តទៅមុខច្រើនលានគ្រឿងទៀតរហូតដល់ចុងខែនេះ៕
