កាលពីសប្តាហ៍មុននេះក្រុមហ៊ុនផលិតស្មាតហ្វូន realme បានធ្វើការបង្ហាញចេញរូបភាព teaser ស្មាតហ្វូនម៉ូដែលពិសេសថ្មីរបស់ខ្លួន គឺ realme Narzo 70 Turbo ហើយនៅពេលនេះ ក្រុមហ៊ុនក៏បានធ្វើការបញ្ជាក់កាលវេលាដែលស្មាតហ្វូនម៉ូដែលពិសេសថ្មីរបស់ខ្លួនត្រូវបានបង្ហាញវត្តមានផ្លូវការណ៍ គឺនៅថ្ងៃទី 09 ខែកញ្ញា ដើមសប្តាហ៍ក្រោយនេះ។ ពាក្យថា “Turbo” ត្រូវបានគេដឹងថា realme ចង់បង្ហាញពីអនុភាពនៃបន្ទះឈីបដែលមានដំណើរការលឿន “Fastest Chipset” ដែលត្រូវប្រើនៅលើស្មាតហ្វូនរបស់ខ្លួន។
realme Narzo 70 Turbo ត្រូវបានគេដឹងថានឹងបំពាក់បន្ទះឈីប MediaTek Dimensity 7300 Energy 5G។ សម្រាប់ការរចនារបស់ Narzo 70 Turbo ត្រូវបានបំផុសគំនិតចេញពីរចនាបថរថយន្តប្រណាំង “Motor-sport” ដែលបង្ហាញពីអនុភាពកំលាំងសម្រាប់ការប្រើប្រាស់ដ៏អស្ចារ្យ។
នៅផ្នែកខាងក្រោយរបស់ Narzo 70 Turbo ត្រូវបានរចនាឡើងជាមួយកញ្ចប់លែនកាមេរ៉ារៀងជាការ៉េ “squircle-shaped” ដែលខិតទៅជិតគែមខាងលើបន្តិច។ ស្មាតហ្វូនស៊េរីថ្មីនេះ ក៏នៅរក្សារន្ធដោតកាសខ្នាត 3.5mm ផងដែរ។ Narzo 70 Turbo គឺនឹងមានកម្រាស់ប្រមាណ 7.6mm និងទំងន់ស្រាលត្រឹម 185ក្រាម។
បើតាមការព័ត៌មានបែកធ្លាយបានបញ្ជាក់ថា realme Narzo 70 Turbo នឹងមានជម្រើសម៉ូដែលបំពាក់រ៉េមទំហំ 6GB/8GB/12GB និងជម្រើសម៉េមូរីផ្ទុកទិន្នន័យទំហំចាប់ពី 128GB ដល់ 256GB។ ស្មាតហ្វូនម៉ូដែលពិសេសថ្មីនេះ ក៏នឹងមានកាមេរ៉ាក្រោយដែលជាសែនស័រមេទំហំធំដល់ 50MP ជាមួយកាមេរ៉ាសែលហ្វីទំហំ 8MP។ Narzo 70 Turbo អាចនឹងមានជម្រើសពណ៌ដូចជា ពណ៌ស្វាយ លឿង និងបៃតង ខណៈតម្លៃនៅមិនទាន់ដឹងនៅឡើយទេក្នុងពេលនេះ៕
