មានការរំពឹងថា Huawei Mate 70 Series នឹងបង្ហាញខ្លួននៅថ្ងៃទី 10 ខែកញ្ញាខាងមុខនេះហើយ!

នៅថ្ងៃទី 10 ខែកញ្ញាខាងមុខនេះ ក្រុមហ៊ុន Huawei ត្រូវបានគេដឹងថា បានត្រៀមប្រកាសចេញជាផ្លូវការនូវផលិតផលថ្មីប្រណិតៗជាច្រើន ហើយទន្ទឹមគ្នានេះ អ្នកប្រើប្រាស់ជាច្រើន ក៏បានទន្ទឹងរង់ចាំការបង្ហាញវត្តមានរបស់ស្មាតហ្វូន Mate 70 Series នៅថ្ងៃនោះដូចគ្នា។ យោងតាមការទម្លាយព័ត៌មានថ្មីៗនេះ ក៏មានការរំពឹងថា ក្រុមហ៊ុនបច្ចេកវិទ្យាយក្សចិនមួយនេះ ក៏អាចនឹងប្រកាសចេញនូវស្មាតហ្វូនលំដាប់ថ្នាក់ Flagship នេះ នៅក្នុងព្រឹត្តិការណ៍មួយផ្សេងទៀតផងដែរ។

ប្រភពដដែលនេះបន្តថា ក្រុមហ៊ុនផលិតស្មាតហ្វូនរបស់ចិននេះ នឹងបង្ហាញនូវស្មាតហ្វូនបត់បាន 3 បត់ នៅក្នុងព្រឹត្តិការណ៍ Autumn New Product ដែលនឹងធ្វើឡើងនៅថ្ងៃទី 10 ខែកញ្ញានេះហើយ។ អ្នកប្រើប្រាស់ជាច្រើន ក៏រង់ចាំការបង្ហាញនូវរថយន្តឆ្លាតវៃ AITO M9 five-seater smart car ហើយក៏នឹងឧបករណ៌ថែរក្សាសុខភាព ដែលមានភ្ជាប់នូវបច្ចេកវិទ្យាទំនើបៗយ៉ាងសម្បូរបែបថែមទៀតផង។ 

ជាមួយនិងព័ត៌មាននេះ មានអ្នកលេងនៅលើអ៊ីនធឹណិតជាច្រើន បានសួរថា តើក្រុមហ៊ុននេះ អាចនឹងសង្ហាញនូវស្មាតហ្វូន Huawei Mate 70 series នៅថ្ងៃទី 10 ខែកញ្ញានេះទេ?សម្រាប់ការឆ្លើយតប គឺមិនមានទេ។ ក្រុមហ៊ុននេះ អាចនឹងត្រៀមបង្ហាញនូវស្មាតហ្វូន Flagship នៅក្នុងព្រឹត្តិការណ៍មួយទៀត។ សូមជំរាបថា ក្រុមហ៊ុន Huawei ក៏ធ្លាប់បានរៀបចំនូវព្រឹត្តិការណ៍ដាច់ដោយឡែកមួយក្នុងការប្រកាសចេញនូវស្មាតហ្វូន Mate 60 Pro ផងដែរ។ ក្រុមហ៊ុននេះ បានចាប់ផ្តើមលក់ស្មាតហ្វូននេះ នៅលើហាងផ្លូវការរបស់ខ្លួន និងទទួលបាននូវការចាប់អារម្មណ៍ជាច្រើន។ បន្ទាប់ពីស្មាតហ្វូន Mate 60 Pro ទទួលបានភាពជោគជ័យនៅក្នុងការលក់នេះ ក្រុមហ៊ុន Huawei ក៏បន្តក្នុងការបង្ហាញនូវស្មាតហ្វូន Pura 70 Series នៅក្នុងខែមេសាឆ្នាំនេះ។ 

ជាធម្មតា ក្រុមហ៊ុន Huawei មិនរៀបចំនូវព្រឹត្តិការណ៍សម្ពោធនៅក្នុងការបង្ហាញនូវស្មាតហ្វូនថ្នាក់កណ្តាលនោះទេ។ ក្រុមហ៊ុន Huawei អាចនឹងបង្ហាញនូវស្មាតហ្វូន Mate 70 flagship របស់ខ្លួននៅក្នុងត្រីមាសទី 4 ឆ្នាំនេះ។ ខណៈពេលដែលមានការទម្លាយស្មាតហ្វូននេះអាចនឹងបង្ហាញខ្លួននៅក្នុងខែតុលានេះ ក្រុមហ៊ុននេះ ក៏អាចនឹងពន្យារពេលក្នុងការប្រកាសបង្ហាញស្មាតហ្វូននេះ នៅក្នុងខែវិច្ឆិកាឆ្នាំ 2024 ដោយសារតែការសម្របសម្រួលទៅលើផ្នែក Software និងបញ្ហានៃការផលិតទៅលើបន្ទះឈីប Kirin៕