ក្រុមហ៊ុន vivo ត្រូវបានគេរំពឹងថា នឹងបង្ហាញចេញនូវស្មាតហ្វូនជំនាន់ថ្មី vivo X200 Series នេះ នៅក្នុងសប្តាហ៍ទី 3 នាខែតុលាខាងមុខនេះហើយ។ យោងតាមរបាយការណ៍ជាច្រើន បានអះអាងថា ស្មាតហ្វូនជំនាន់ថ្មីនេះ មាន 3 ម៉ូដែលនោះគឺ vivo X200, vivo X200+ និង vivo X200 Pro។ យោងតាមអ្នកទម្លាយ Digital Chat Station ដែលបានបង្ហោះនៅលើ Weibo នៅថ្ងៃនេះ គឺមានការចែករំលែកនូវលក្ខណៈសម្បត្តិរបស់ស្មាតហ្វូន Flagship នេះ នៅក្នុងទីផ្សាររបស់ចិនផងដែរ។
នៅក្នុងការបង្ហោះនៅលើ Weibo បានបញ្ជាក់ថា ស្មាតហ្វូនជំនាន់ថ្មី vivo X200 Pro នេះ នឹងមានអេក្រង់គែមកោងបង្ហាញចេញបានកម្រិត 1.5K គាំទ្រដោយអេក្រង់ 8T LTPO iso-depth micro quad-curved មានគែម bezels ស្តើង រួមជាមួយនិងប្រព័ន្ធស្កេនក្រយ៉ៅដៃក្រោមអេក្រង់ ultrasonic in-screen fingerprint sensor ថែមទៀតផង។ បើតាមរបាយការណ៍ជាច្រើនមុននេះ បាននិយាយថា ស្មាតហ្វូននេះ អាចនឹងមានអេក្រង់ OLED ទំហំ 6.7-អ៊ីង។
ប្រភពខាងលើនេះ បន្តថា កាមេរ៉ាខាងក្រោយរបស់ស្មាតហ្វូនជំនាន់ថ្មី vivo X200 Pro នេះ គឺមានទំហំ 50-Megapixel 22nm Sony primary និងមានការទ្រទ្រង់ជាមួយនឹងកម្រិត Aperture ធំក្នុងការប្រើប្រាស់។ បន្ថែមពីនេះ នៅលើស្មាតហ្វូននេះ ក៏មានកាមេរ៉ា 50-Megapixel ultra-wide lens ហើយនិងមួយគ្រាប់ទៀតមានទំហំ 200-Megapixel Periscope Telephoto សម្រាប់ការ Zoom និង Telephoto macro ផងដែរ។
ស្មាតហ្វូន vivo X200 Pro នេះ នឹងមានបន្ទះឈីប Dimensity 94000 ហើយនឹងមានភ្ជាប់នូវជាមួយថាមពលថ្មសីលីខូនទំហំ 6,000mAh។ បន្ថែមពីនេះ ស្មាតហ្វូននេះ ក៏មានបំពាក់នូវ IP68/69 សម្រាប់ការពារការជ្រាបទឹក និងធូលី និង X-axis motor សម្រាប់ជំនួយក្នុងការលេងហ្គេមថែមទៀតផង។ បើតាមការន័យនៅក្នុងអក្សរបែកធ្លាយ “GYDDY” ជាភាសាចិនថា “该有的都有” បានបកប្រែថា អ្វីគ្រប់យ៉ាងគឺមាននៅទីនេះ! ដូចនេះ ស្មាតហ្វូន vivo X200 Pro នឹងក្លាយជាស្មាតហ្វូន flagship ដែលមានទាំងសមត្ថភាពខ្លាំងក្លា និងមុខងារពិសេសៗជាច្រើនបន្ថែមទៀតផង៕
