កាលពីថ្ងៃសៅរ៍កន្លងទៅនេះ មានឧប្បតិវហេតុអគ្គីភ័យមួយ បានឆាបឆេះរោងចក្រ Tata Electronics ដែលជាកន្លែងផលិត iPhone នៅក្នុងទីក្រុង Hosur នៃរដ្ឋ Tamil Nadu ក្នុងប្រទេសឥណ្ឌា។ ឧប្បតិវហេតុអគ្គីភ័យនេះ បានធ្វើអោយរោងចក្រនេះត្រូវបញ្ឈប់ដំណើរការទាំងស្រុង។ យោងតាមអ្នកនាំពាក្យរោងចក្រផលិត iPhone នេនេះ បានបញ្ជាក់ថា គឺពិតមានឧប្បតិវហេតុអគ្គីភ័យមួយ បានឆាបឆេះរោងចក្រ Tata Electronics ពិតមែន ហើយពេលនេះ គឺបានដោះស្រាយហើយ ជាសំណាងកម្មករគឺមិនមានរងរបួសនោះទេ។

នៅពេលនេះសង្វាក់ផលិតកម្មនៅក្នុងរោងចក្រនេះត្រូវបានបញ្ឈប់ទាំងស្រុងហើយ ខណៈដែលបុគ្គលិក ហើយនឹងកម្មករដែលបំរើការនៅរោងចក្រនេះក៏ត្រូវបានក្រុមហ៊ុនប្រកាសអោយសម្រាកជាបណ្តោះអាសន្នផងដែរ។បើតាមការបញ្ជាក់ពីសារព័ត៌មាន ETTimes បាននិយាយថា មានអាគារមួយបានរំលំ និងមានការខូចខាតផ្នែកជាច្រើនផងដែរ។ ជាមួយគ្នានេះបើតាមចេកផ្សាយពីសារព័ត៌មាន Reuters ដែលដកស្រង់ចេញពីប្រភពនៅក្នុងរោងចក្រនេះ បាននិយាយថា ការឆេះនេះ គឺបណ្តាកអោយខូចសមាសភាគជាច្រើនសម្រាប់ផលិត iPhone ផងដែរ។

បើតាមការបញ្ជាក់ផ្លូវការណ៌ចេញពីលោក J. Saravanan ដែលជាមន្រ្តីនៅក្នុងតំបន់នោះ បាននិយាយថា ការគ្រប់គ្រងស្ថានភាពខាងលើនេះ គឺត្រូវការរយៈពេលយូរបន្តិច ដោយសារតែរោងចក្រនេះ គឺមានការរងនូវការខូចខាតច្រើន និងនៅតែមានកំដៅ ដូច្នេះរង់ចាំអោយត្រជាក់បន្តិចសិន។ មកដល់ពេលនេះ នៅមិនទាន់មានការបញ្ជាក់ពីតម្លៃការខូចខាតរបស់ក្រុមហ៊ុននេះនៅឡើយទេ។ ក្រុមហ៊ុន Tata Electronics ក៏នៅមិនទាន់បានបញ្ជាក់ព័ត៌មានច្បាស់ដូចគ្នា។

សូមជំរាបថា Tata Electronics គឺជាដៃគូរដ៏សំខាន់មួយរបស់iក្រុមហ៊ុន Apple ដែលទទួលបានសិទ្ធិនៅក្នុងការផលិត iPhone នៅក្នុងប្រទេសឥណ្ឌា ដូចគ្នាទៅនឹងក្រុមហ៊ុន Foxconn អញ្ចឹងដែរ។ សម្រាប់រោងចក្រនៅ Hosur plant នេះ គឺរោងចក្រទី 4 របស់ Apple ដែលផលិត iPhone នៅឥណ្ឌា ហើយរោងចក្រនេះ ក៏ត្រៀមនឹងផ្តើមសង្ចាក់ផលិតកម្មទៅលើ iPhone នៅខែវិច្ឆិកាខាងមុខនេះផងដែរ។ រោងចក្រនេះ 250 acres នេះបើតាមការបញ្ជាក់ពី Bloomberg។ រោងចក្រនេះអាចនឹងមាន 20 សង្វាក់ផលិតកម្ម និងមានតម្រូវការកម្មករប្រមាណជាង 50,000 សម្រាប់ 2 ឆ្នាំខាងមុខ។