លោក Han Boxiao ដែលជាប្រធានផ្នែកផលិតផលរបស់ក្រុមហ៊ុន vivo ថ្មីៗនេះ បានចែកចាយរូបភាពផ្នែកខាងមុខរបស់ស្មាតហ្វូន X200 ថែមទៀតហើយ។ បើមើលទៅលើរូបភាពថ្មី ដែលបង្ហោះនៅលើ Weibo របស់លោក គឺបង្ហាញកាន់តែច្បាស់ពីអេក្រង់ខាងមុខរបស់ X200។ រូបភាពនេះក៏ត្រូវបានដាក់អោយប្រៀបធៀបជាមួយនិង Vivo X100 ផងដែរ ដែលមើលទៅពិតជាខុសគ្នាខ្លាំងមែនទែន។
តាមរយៈរូបភាពនេះមានការបង្ហាញថា vivo X200 មានការឌីស្សាញថ្មីអេក្រង់រាបស្មើរ និងមានគែមកោងគ្រប់ជ្រុង Micro-Quad-Curved។ ការឌីស្សាញថ្មីនេះ គឺនឹងផ្តល់នូវបទពិសោធន៌ថ្មីបានជាមួយនិងអេក្រង់រាបស្មើរ និងគែមកោង។ លោក Han Boxiao បាននិយាយថា ការឌីស្សាញថ្មីនេះ នឹងផ្តល់អោយអ្នកប្រើប្រាស់កាន់តែមានភាពងាយស្រួលនៅក្នុងការកាន់នៅក្នុងដៃម្ខាង។ ជាមួយគ្នានេះ ក៏មានពាក្យចចាមអារ៉ាមនិយាយថា ស្មាតហ្វូន X200 នឹងមានជម្រើសពណ៌ជាច្រើន ក្នុងនោះមានដូចជា Sapphire Blue, Moonlight White, Titanium និង Midnight Black។
ចំពោះការឌីស្សាញផ្នែកខាងក្រោយវិញ ស្មាតហ្វូន X200 គឺមានការរចនាជាមួយការប្រែពណ៌នៅពេលដែលត្រូវពន្លឺថ្ងៃ។ Vivo X200 ត្រូវបានគេបញ្ជាក់ថា គឺមានការផ្តោតខ្លាំងទៅលើការថតរូប និងវីដេអូ។ ថ្មីៗនេះ យោងតាមការបញ្ជាក់ពី Boxiao ក៏មានការចែករំលែករូពភាពដោតនៅក្នុងកម្រិត low-light photography ដែលបានផ្តិតដោយកាមេរ៉ារបស់ X200 ផងដែរ។
ផ្អែកតាមរបាយការណ៌កន្លងមកបាននិយាយថា X200 នឹងមានការបំពាក់នូវកាមេរ៉ាគោលទំហំ 50-Megapixel Sony IMX921 គាំទ្រមុខងារ OIS និងគ្រាប់ទីពីរមានទំហំ 50-Megapixel Samsung JN1 ultra-wide lens xខណៈដែលគ្រាប់ទីបីមានទំហំ 50-megapixel periscope telephoto ហ៊្សូមបាន 3x optical zoom។ ស្មាតហ្វូននេះ ដំណើរការលើបន្ទះឈីប Dimensity 9400 រ៉េម 16GB និងអង្គចងចាំទំហំ 1TB ហើយនិងមានថ្មទំហំ 5,700mAh គាំទ្រកម្លាំងសាក 90W fast charging។
ស្មាតហ្វូននេះរត់នៅលើស្បែកមុខកម្មវិធី OriginOS 15 ផ្អែកលើ Android 14។ ស្មាតហ្វូន Vivo X200 ត្រូបានគេព្យាករណ៌ថា នឹងបង្ហាញវត្តមាននៅថ្ងៃទី 14 ខែតុលាខាងមុខនេះហើយ។ ស្មាតហ្វូននេះមានដូចជា Vivo X200 Pro និង Vivo X200 Pro Mini ហើយនិង Vivo X200 Pro Satellite Communication Version.
