Galaxy Z Fold Special Edition គឺស្មាតហ្វូនអេក្រង់បត់បានជំនាន់ថ្មីរបស់ Samsung ដែលត្រូវបានក្រុមហ៊ុននេះធ្វើការប្រកាសដាក់លក់នៅលើទីផ្សារប្រទេសកូរ៉េខាងត្បូងកាលពីថ្ងៃសុក្រមុននេះ។ យោងតាមការបញ្ជាក់នៅចុងសប្តាហ៌នេះ បានអោយដឹងថា ស្មាតហ្វូនម៉ូដែលពិសេសនេះ គឺលក់អស់ស្តុកហើយ។ ជាមួយនិងការចែករំលែកព័ត៌មានខាងលើនេះ គេនៅមិនទាន់ដឹងនូវចំនួនស្តុករបស់ស្មាតហ្វូនអេក្រង់បត់បាន Galaxy Z Fold Special Edition ដែលក្រុមហ៊ុន Samsung បានដាក់លក់នៅក្នុងហាងរបស់ខ្លួន មុនថ្ងៃទី 25 ខែតុលានេះនៅឡើយទេ ដោយគ្រាន់តែដឹងថា ស្តុករបស់ស្មាតហ្វូនថ្មីនេះ គឺមិនគ្រប់គ្រាន់សម្រាប់តម្រូវការនោះទេ។
.jpg)
បើតាមការបញ្ជាក់នៅលើផេកផ្លូវការណ៌របស់ Samsung បានសសេរថា ស្តុកដែលបានរៀបចំទុកនោះ គឺលក់អស់ហើយ។ ជាមួញគ្នានេះ ក្រុមហ៊ុននេះក៏មានសារបន្ថែមថា ក្រុមហ៊ុនកំពុងតែរៀបចំស្តុក ផងដែរ។ នៅពេលនេះ ក្រុមហ៊ុន Samsung បានចាប់ផ្តើមអនុញាតអោយអតិថិជនៅប្រទេសកូរ៉េខាងត្បូងធ្វើការចុះឈ្មោះទិញស្មាតហ្វូនអេក្រង់បត់បានម៉ូដែលពិសេសនេះ តាមរយៈ email ថែមទៀតហើយ។
ជាមួយនិងវត្តមានរបស់ Galaxy Z Fold Special Edition នៅលើទីផ្សារប្រទេសកូរ៉េខាងត្បូងនេះ ក្រុមហ៊ុនបានដាក់មកជាមួយនូវឧបករណ៌ជាច្រើននៅក្នុងប្រអប់ នៅក្នុងនោះក្រៅតែពីស្មាតហ្វូនអេក្រង់បត់បាន Galaxy Z Fold Special Edition ក៏មានស្រោមការពារ leather case ខ្សែរ USB-C cable និងឆ្នាំងសាក 25W មកជាមួយផងដែរ។ ជាធម្មតាមសម្រាប់ស្មាតហ្វូនថ្នាក់ប្រណិតៗដែលលក់នៅលើទីផ្សារជាច្រើន គឺពុំមានការដាក់មកជាមួយនូវរបស់ទាំងនេះនោះទេ។ ជាក់ស្តែងស្មាតហ្វូន Galaxy Z Fold 6 ក៏មិនមានឆ្នាំងសាកមកជាមួយនោះទេ។ ប៉ុន្តែសម្រាប់ពេលនេះ ដោយសារតែស្មាតហ្វូននេះ គឺជាម៉ូដែលពិសេស Special Edition នោះទើបក្រុមហ៊ុនសម្រេចបន្ថែមនូវឆ្នាំងសាកមកជាមួយបែបនេះ។
Galaxy Z Fold Special Edition បង្ហាញវត្តមានជាមួយនិងជម្រើសពណ៌ Black Shadow និងមានរ៉េមទំហំ 16GB ហើយនិងអង្គចងចាំទំហំ 512GB។ ស្មាតហ្វូននេះមានតម្លៃខ្ពស់ជាងម៉ូដែលស្តង់ដារ Galaxy Z Fold 6 ដែលមានទំហំ 512GB ចំនួន $300 ដុល្លារ។ សម្រាប់ការដាក់លក់នៅលើទីផ្សារកូរ៉េខាងត្បូងកាលពីពេលថ្មីនេះ ស្មាតហ្វូនអេក្រង់បត់បាន Galaxy Z Fold Special Edition គឺមានតម្លៃ 2,789,600 វ៉ុន ដែលប្រហែល $2,016 ដុល្លារ។
និយាយពីការឌីស្សាញរូបរាងទៅលើម៉ូដែល special edition គឺទទួលបាននូវការអាប់ដែតកាមេរ៉ាខ្លាំងជាងម៉ូដែលស្តង់ដារ ស្មាតហ្វូនអេក្រង់បត់បាន Galaxy Z Fold 6 និងមានអេក្រង់ទំហំធំជាង ហើយក៏មានកម្រ៉ាស់ស្តើងជាងផងដែរ។ ស្មាតហ្វូនអេក្រង់បត់បាន Galaxy Z Fold 6 Special Edition គឺមានការទ្រទ្រង់ជាមួយនិង S Pen នោះទេ។
