Xiaomi 15 Series ស្មាតហ្វូនប្រើប្រាស់ឈីប Snapdragon 8 Elite មុនគេចេញលក់ថ្ងៃនេះហើយ

បន្ទាប់ពីការប្រកាសចេញជាផ្លូវការណ៌នូវស្មាតហ្វូនជំនាន់ថ្មី Xiaomi 15 និង 15 Pro ដែលជាម៉ូដែលប្រណិតរបស់ខួន កាលពីសប្តាហ៌មុននេះរួចមក នៅថ្ងៃនេះ មានការបញ្ជាក់ថា ស្មាតហ្វូនដែលប្រើប្រាស់នូវបន្ទះឈីបដំបូងគេនៅលើពិភពលោក Snapdragon 8 Elite ត្រូវបានក្រុមហ៊ុន Xiaomi ប្រកាសចេញលក់នៅលើទីផ្សារប្រទេសចិនហើយ។

បើតាមការបញ្ជាក់ពីក្រុមហ៊ុន Xiaomi បានអោយដឹងថា Xiaomi 15 នេះ គឺមានការបង្ហាញវត្តមានជាមួយនិងជម្រើសពណ៌ច្រើនជាង Xiaomi 15 Pro។ សម្រាប់ម៉ូដែលស្តង់ដារ គឺមានពណ៌ជាច្រើនរួមមានដូចជា Lilac Purple, Light Grass Green, Black ហើយនិង White រួមជាមួយនិងម៉ូដែលមួយទៀតហៅថា premium Bright Silver Edition។ ស្មាតហ្វូននេះមានតម្លៃចាប់ពី 4,499 យ៉ន់ ($630) ទៅលើម៉ូដែល 12GB-256GB និងតម្លៃ 5,499 យ៉ន់ ($770) ទៅលើតម្លៃ 16GB-1TB។ ចំពោះពណ៌ Bright Silver Edition គឺមានតម្លៃខ្ពស់ជាង 200 យ៉ន់ ($28) ប្រៀបធៀបនឹងម៉ូដែលស្តង់ដារ។

ចំពោះម៉ូដែលនេះ ក្រុមហ៊ុន Xiaomi ក៏មានបញ្ចេញនូវម៉ូដែលពិសេសមួយដែកមានរ៉េមទំហំ 16GB និងអង្គចងចាំ 512GB ដែលមានជម្រើសពណ៌ខុសៗគ្នាចំនួន 20 ពណ៌ផ្សេងៗគ្នាផងដែរ។ ម៉ូដែលនេះ នឹងមានតម្លៃ 4,999 យ៉ន់ ($700) និងមានលក់តែនៅលើហាង Xiaomi Mall online store តែប៉ុណ្ណោះ។ បន្ថែមពីនេះ លោកអ្នកក៏នឹងទទួលជម្រើសពិសេស Diamond Limited Edition Xiaomi 15 ជាមួយនិងការឌីស្សាញខ្នងក្រោយបែបLuxurious Diamond-Encrusted ដែលមានតម្ល 5,999 យ៉ន់ផងដែរ ($840)។

ចំពោះស្មាតហ្វូនជំនាន់ថ្មី Xiaomi 15 Pro វិញ គឺមានការបង្ហាញវត្តមានជាមួយនិងពណ៌ Spruce Green, Rock Grey និង White។ សម្រាប់ម៉ូដែល Bright Silver Edition ក៏មានការប្រកាសចេញដូចគ្នា ប៉ុន្តែតម្លៃខ្ពស់ជាងគ្នាបន្តិច។ ចំពោះតម្លៃនៃការដាក់លក់នៅលើទីផ្សារវិញ ស្មាតហ្វូន Pro គឺមានតម្លៃ 5,299 យ៉ន ($742) ទៅលើទំហំ 12GB-256GB ខណៈដែលទំហំ 16GB-512GB មានតម្លៃ 5,799 យ៉ន់ ($812)។ ចំពោះស្មាតហ្វូនដែលមានទំហំ 16GB-1TB វិញ មានតម្លៃ 6,499 យ៉ន់ ($910)។ ដូចគ្នានឹងម៉ូដែលមុននេះដែរ ស្មាតហ្វូននេះ ក៏មានមានពណ៌ Bright Silver Edition ដែលមានតម្លៃ ខ្ពស់ជាងម៉ូដែលស្តង់ដារចំនួន 200 យ៉ន់ ($28)។