កាលពីដើមខែនេះ ក្រុមហ៊ុន Vivo បានជូនដំណឹងពីការប្រកាសចេញស្មាតហ្វូនជំនាន់ថ្មីរបស់ខ្លួនម៉ូដែល X200 Series នៅលើទីផ្សារប្រទេសឥណ្ឌា។ ស្មាតហ្វូនថ្មីនេះមាន 2 ម៉ូដែល Vivo X200 និង X200 Pro ហើយនឹងមានការប្រកាសចេញជាផ្លូវការណ៌នៅថ្ងៃទី 12th ខែធ្នូរ ឆ្នាំ 2024 នេះហើយ ប៉ុន្តែមិនទាន់មានការបញ្ជាក់ច្បាស់ពីតម្លៃជាក់លាក់របស់ស្មាតហ្វូននេះនៅឡើយទេ។ យោងតាមតាមការទម្លាយចេញពី Abhishek Yadav ដែលជាប្រភពជឿជាក់បាននៅឥណ្ឌានោះ គឺបានបង្ហោះសារនៅបណ្តាញ X ហើយដោយថែមទាំងមានការបញ្ចេញនូវតម្លៃស្មាតហ្វូនថ្មីនេះថែមទៀតផង។
សូមជំរាបថា ស្មាតហ្វូនថ្នាក់ប្រណិតនេះ គឺមានការបំពាក់នូវបន្ទះឈីប MediaTek Dimensity 9400 នឹងបានប្រកាសចេញនៅលើទីផ្សារប្រទេសចិនកាលពីខែតុលាកន្លងទៅនេះ។ ស្មាតហ្វូន X200 Series នេះ ត្រូវបានក្រុមហ៊ុនធ្វើការប្រកាដាក់លក់ជាមួយតម្លៃចាប់ពី 4,300 យ៉ន់ ប្រហែលជា 591 ដុល្លារ។
ប៉ុន្តែសម្រាប់ការប្រកាសចេញរបស់ vivo X200 នៅលើទីផ្សារប្រទេសឥណ្ឌាអាចនឹងមានតម្លៃខ្ពស់ដល់ទៅ 65,999 INR ដែលប្រហែលជា 777 ដុល្លារ។ ដូច្នេះប្រៀបធៀបគ្នាជាមួយនិងតម្លៃនៅប្រទេសចិន តម្លៃនៅឥណ្ឌាគឺខ្ពស់ជាង។ ប្រភពខាងលើនេះបន្តថា សម្រាប់ 12GB+256GB គឺមានតម្លៃ 65,999 INR ខណៈដែលទំហំ 16GB+512GB មានតម្លៃ 71,999 INR ប្រហាក់ប្រហែល 848 ដុល្លារ។
ក្រឡេកមកមើលម៉ូដែល Vivo X200 Pro ដែលនឹងលក់នៅលើទីផ្សារឥណ្ឌាវិញ គឺនឹងមានតម្លៃ 94,999 INR ប្រហែល 1,199 ដុល្លារ ទៅលើទំហំ 16GB+512GB។ សូមជំរាបថា នៅលើទីផ្សារចិន ទំហំដូចគ្នានេះ គឺមាតម្លៃ 5,299 យ៉ន់ ប្រហែល 825 ដុល្លារប៉ុណ្ណោះ។
គួរបញ្ជាក់ថា Vivo X200 Pro ត្រូវបានក្រុមហ៊ុននេះបញ្ជាក់ថា នឹងមានការប្រើប្រាស់នូវ Zeiss lenses សម្រាប់កាមេរ៉ាក្រោយ ដោយមានការដាក់បញ្ចូលនូវសិនស័រទំហំ 200MP Zeiss APO telephoto shooter និងមានការទ្រទ្រង់នូវបន្ទះឈីប V3+ imaging ទៀតផង។ ស្មាតហ្វូននេះដំណើរការលើឈីប MediaTek Dimensity 9400 និងមានថ្មទំហំ 6,000mAh មានមុខងារ AIO features ហើយនិង Android 15 OS ផ្អែកលើ FuntouchOS 15 ចេញពីប្រអប់តែម្តង។
