ក្រុមហ៊ុន Volvo បានបញ្ចេញតម្លៃផ្លូវការណ៍សម្រាប់រថយន្តអគ្គិសនីពេញខ្នាត Full-size SUV ស៊េរីថ្មីឆ្នាំ 2025 ម៉ូដែល EX90 ហើយម៉ូដែលថ្មីនេះ គឺជាម៉ូដែលសម្រាប់ផ្តោតសំខាន់ទៅលើការប្រគូតប្រជែងជាមួយរថយន្ត SUV របស់អាល្លឺម៉ង់។ Volvo EX90 មានពីរជម្រើសម៉ូដែល គឺ EX90 Plus Twin Motor និង EX90 Ultra Twin Motor Performance។
.jpg)
ម៉ូដែល Volvo EX90 Plus Twin Motor មានតម្លៃខ្ទង់ $124,990 និង EX90 Ultra Twin Motor Performance មានតម្លៃខ្ទង់ $138,990 តម្លៃចេញពីរោងចក្រ។ Volvo EX90 Series គឺជារថយន្តអគ្គិសនី SUV ដែលមានភាពប្រគូតប្រជែងទីផ្សារខ្ពស់ជាមួយនឹង Mercedes-Benz EQE SUV ដែលមានតម្លៃចាប់ពី $134,900, Audi Q8 e-tron ដែលមានតម្លៃចាប់ពី $153,984 និង BMW iX មានតម្លៃខ្ទង់ $136,900។ ទោះជាយ៉ាងណា Volvo EX90 Series គឺមានតម្លៃថ្លៃជាងម៉ូដែល Cadillac Lyriq ដែលមានតម្លៃ $117,000 និង Polestar 3 ដែលមានតម្លៃ $118,420។
រថយន្តអគ្គិសនីកៅអី 3 ជួយស៊េរីឆ្នាំ 2025 របស់ Volvo នេះ គឺមានបំពាក់នូវកញ្ចប់ថ្មទំហំធំដល់ 111kWh ដែលការសាកភ្លើងមួយពេញម្តងអាចបើកបរបានចម្ងាយផ្លូវ 570kW។ នៅលើម៉ូដែល EX90 Plus Twin Motor បានបំពាក់នូវម៉ូទ័រអគ្គិសនីកំលាំងសរុប 300kW និងមានកំលាំងរមូល 770Nm ជាន់ស្ទុះពីកុងទ័រ 0-100km/h ប្រើពេលប្រមាណ 5.9 វិនាទី។
ចំនែកម៉ូដែល EX90 Ultra Twin Motor Performance បំពាក់ម៉ូទ័រអគ្គិសនីកំលាំង 380kW និងមានកំលាំងរមូល 910Nm ជាន់ស្ទុះពីកុងទ័រ 0-100km/h ប្រើពេលប្រមាណ 4.9 វិនាទី។ Volvo EX90 Series គាំទ្រនូវបច្ចេកវិទ្យាសាកភ្លើង DC Fast Charging កំលាំង 250kW ដែលសាកភ្លើងពី 10 ទៅ 80% ប្រើពេលប្រមាណជា 30 នាទីប៉ុណ្ណោះ។
រថយន្តអគ្គិសនី SUV ពេញខ្នាត EX90 មានទំងន់សរុបប្រមាណ 2,200kg។ ក្រុមហ៊ុនក៏បានធានាសម្រាប់អតិថិជនដែលបានជាវ EX90 Series រយះពេល 5 ឆ្នាំ ឬ 75,000km ផងដែរ។ Volvo ក៏បានបញ្ជាក់ថា EX90 Series ក៏បានភ្ជាប់មកជាមួយប្រព័ន្ធមុខងារសុវត្ថិភាពកម្រិតខ្ពស់ដូចជាបំពាក់នូវប្រព័ន្ធកាមេរ៉ា ប្រព័ន្ធសែនស័រ LiDAR និង Radar ដែលដំណើរការជាមួយឈីប Nvidia។
នៅខាងក្នុង Volvo EX90 Series មានបំពាក់នូវអេក្រង់បញ្ឈរទំហំ 14.5-inch ដំណើរការដោយប្រតិបត្តិការ Google រួមនឹងប្រព័ន្ធសំឡេងម៉ាក Bowers & Wilkins sound system ចំនួន 25 គ្រាប់។ សម្រាប់គុណសម្បត្តិលម្អិតផ្សេងៗទៀតរបស់ Volvo EX90 Series 2025 នឹងបង្ហាញឆាប់ៗនេះ នៅពេលដែលក្រុមហ៊ុនបង្ហាញចេញលក់ផ្លូវការណ៍នៅទីផ្សារប្រទេសអូស្រ្តាលី៕
