Huawei Mate 70 ត្រូវបានគេរាយការណ៍ថា មានអ្នកប្រើប្រាស់ច្រើនជាង 2 លានគ្រឿងនៅក្នុងខែនេះ

ស្មាតហ្វូនស៊េរីថ្មី Huawei Mate 70 series ត្រូវបានគេរាយការណ៍ថា មានអ្នកបើកដំណើរការ (Activation) ប្រហែលជា 2 លានគ្រឿងនៅក្នុងខែនេះ។ បើមើលទៅលើស្មាតហ្វូន Flagship នេះគឺទទួលបាននូវការចាប់អារម្មណ៍ខ្លាំងមែនទែននៅក្នុងទីផ្សារស្មាតហ្វូនរបស់ចិន នេះគឺដោយសារតែផ្នែក hardware ដ៏ខ្លាំងក្លា និងបច្ចេកវិទ្យា AI ជាច្រើនសម្រាប់ប្រើប្រាស់។ យោងតាមអ្នកទម្លាយម្នាក់បង្ហោះនៅលើ Weibo បានអោយដឹងថា ស្មាតហ្វូនជំនាន់ថ្មី Huawei Mate 70 series នេះ ត្រូវបានបើកដំណើរការ (activation) ច្រើនជាង 2 លានគ្រឿងនៅក្នុងខែមករា ឆ្នាំ 2025 នេះ។ 

តាមរយៈតួរលេខនេះ ស្មាតហ្វូនប្រណិតនេះ អាចនឹងយកឈ្នះទៅលើស្មាតហ្វូន Xiaomi 15 series ទៅលើការបើកដំណើរការប្រើប្រាស់ (activation) នៅក្នុងទីផ្សាររបស់ប្រទេសចិន។ សម្រាប់ចំនួន  “activation volume” សំដៅទៅលើចំនួនសរុបនៃស្មាតហ្វូនថ្មីដែលបើកប្រើប្រាស់ ឬបើកដំណើរការជាលើកដំបូងបំផុត។ ចំនួន “activation volume” នេះបង្ហាញអំពីចំនួនអ្នកប្រើប្រាស់ថ្មីដែលប្រើប្រាស់នូវស្មាតហ្វូនចុងក្រោយបំផុតរបស់ក្រុមហ៊ុននេះ។វ

ស្មាតហ្វូននេះ បានបង្ហាញនូវភាពពេញនិយមរបស់ស្មាតហ្វូននេះនៅក្នុងទីផ្សាររបស់ប្រទេសចិន។ ក្រុមហ៊ុន Huawei ធ្វើបានល្អមែនទែនទៅលើស្មាតហ្វូន Mate 70 នេះ។ ស្មាតហ្វូន Mate 70 បង្ហាញខ្លួននៅក្នុងខែវិច្ឆិកា ឆ្នាំមុននេះ ហើយវាលក់នៅក្នុងខែធ្នូ ឆ្នាំ 2024 ។  វត្តមានរបស់ស្មាតហ្វូន Huawei Mate 70 នេះ អាចនឹងមានចំនួនច្រើនជាងការនាំចេញទៅលើស្មាតហ្វូនជំនាន់មុននេះ។

អ្នកទម្លាយនេះ បន្តថា បើមើលទៅលើស្មាតហ្វូន Xiaomi 15 series ទើបតែមានការដំណើការប្រើប្រាស់បានចំនួន 2 លានគ្រឿង ខណៈពេលដែលស្មាតហ្វូន Vivo X200 series គឺមានចំនួន 1.2 លានគ្រឿង។ ស្មាតហ្វូន OPPO Find X8 series នេះមានចំនួនអ្នកបើកដំណើរការច្រើនជាង 1 លានគ្រឿង។ ស្មាតហ្វូន Huawei Mate 70 series នេះមាន 4 ម៉ូឌែលនោះគឺ  Standard, Pro, Pro+ និង RS Ultimate Design ។ ស្មាតហ្វូននេះ មានការឌីស្សាញរូបរាងថ្មី បច្ចេកវិទ្យា Huawei កម្រិតខ្ពស់ និងកម្មវិធី software ដ៏សម្បូរបែបជាច្រើនទៀត៕