រថយន្តអគ្គិសនី Lexus RZ F-Sport ឆ្នាំ 2025 ប្រើប្រាស់ប្រអប់លេខ Gearshift និងមានប្រព័ន្ធសំឡេងដូចឡានប្រើម៉ាស៊ីនអញ្ចឹង

ក្រុមហ៊ុន Lexus បានដាក់បង្ហាញរថយន្តរថយន្តអគ្គិសនី Lexus RZ ស៊េរីថ្មីដែលប្រើថាមពលអគ្គិសនីអគ្គិសនីសុទ្ធនៅទីក្រុង Brussels ប្រទេសបែលហ្ស៊ិក ហើយរថយន្តអគ្គិសនីស៊េរីទំនើបមួយនេះ ក៏ត្រៀមបង្ហាញខ្លួននៅក្នុងទីផ្សារតំបន់ផ្សេងៗចាប់ពីរដូវស្លឹកឈើជ្រុះឆ្នាំ 2025 នេះទៅផងដែរ។ គួរបញ្ជាក់ផងដែលថា Lexus បានធ្វើការកែប្រែថ្មីនូវប្រព័ន្ធថ្មរថយន្តអគ្គិសនី (BEV) សម្រាប់រថយន្ត RZ F-Sport ស៊េរីឆ្នាំ 2025 របស់ខ្លួន និងបានធ្វើការអះអាងថា ប្រព័ន្ធថ្មថ្មីនេះ គឺមានលទ្ធភាពអាចជួយបង្កើនទិន្នផលម៉ូទ័រអគ្គិសនី ពង្រីកចម្ងាយនៃការបើកបរ និងការបញ្ចូលថាមពលថ្មបានលឿនជាងមុន។

ជាមួយនឹងប្រព័ន្ធថ្មថ្មីនេះ គឺផ្តល់នូវទិន្នផលកំលាំងឲ្យ Lexus RZ F-Sport ស៊េរីថ្មីឆ្នាំ 2025 តាមជម្រើសផ្សេងៗ គឺជម្រើសកំលាំងម៉ូទ័រ 224 សេះ សម្រាប់ម៉ូដែលប្រើម៉ូទ័រអគ្គិសនីមួយ ឬប៉ុងមួយ និងកំលាំង 313 សេះ, 340 សេះ, 380 សេះ, និង 408 សេះ សម្រាប់ម៉ូដែលប្រើម៉ូទ័រអគ្គិសនីពីរ ឬប្រើប៉ុងពីរ។ Lexus RZ 2025 មានជម្រើស 3 ស៊េរីផ្សេងគ្នាគឺ RZ350e ប្រើកញ្ចប់អាគុយទំហំ 76.96kWh និងប្រើម៉ូទ័រអគ្គិសនីមួយ ដំណើរការដោយប្រព័ន្ធ FWD រីម៉ូដែល RZ500e, និង RZ550e F Sport បំពាក់ម៉ូទ័រអគ្គិសនីពីរ ឬប៉ុងពីរដំណើរការដោយប្រព័ន្ធ AWD។

ម៉ូដែល RZ350e ដែលប្រើម៉ូទ័រអគ្គិសនីមួយមានកំលាំង 227 សេះ និងកំលាំងរមូល 269Nm ដែលផ្តល់នូវសន្ទុះល្បឿនជាន់ពីកុងទ័រ 0 ទៅ 100km/h ចាយពេលប្រមាណ 7.5 វិនាទី និងសាកភ្លើងមួយពេញម្តងអាចជិះបានចម្ងាយ 575km តាមស្តង់ដារវ៉ាស់វែងដោយស្ថាប័ន WLTP។ ចំនែកម៉ូដែល Lexus RZ500e បានបំពាក់បន្ថែមនៅម៉ូទ័រអគ្គិសនីមួយទៀតនៅខាងក្រោយ ដែលផ្តល់នូវកំលាំងសរុបដល់ 380 សេះ អាចជាន់ល្បឿនពី 0 ទៅ 100km/h ប្រើពេលប្រមាណ 4.6 វិនាទី ហើយការសាកភ្លើងពេញម្តងអាចជិះបានចម្ងាយផ្លូវ 500km។

រីម៉ូដែល Lexus RZ550e F-Sport វិញ ក៏បានបន្ថែមនៅម៉ូទ័រអគ្គិសនីខាងក្រោយមួយទៀតផងដែរ ដែលធ្វើឲ្យកំលាំងកើនដល់ 408 សេះ មានសមត្ថភាពអាជាន់ល្បឿនពី 0-100km/h ចាយពេលប្រមាណ 4.4 វិនាទី និងការសាកភ្លើងមួយពេញម្តងអាចជិះបានចម្ងាយផ្លូវ 450km។ ទៅលើការរចនារូបរាងខាងក្រៅ Lexus RZ Series គឺនៅតែរក្សាភាពប្រណិតទំនើបទាន់សមួយជាមួយទម្រង់នៃការរចនាបែប Aerodynamic ជ្រុងៗ ជាមួយចង្កៀងបំភ្លឺពេលថ្ងៃ Daytime running light រចនារាងសញ្ញាគ្រីស ជាមួយចង្កោមចង្កៀងបំភ្លឺជាចង្កៀងគុជដ៏ប្រណិត។

Lexus RZ 2025 Series គាំទ្របច្ចេកវិទ្យាសាកភ្លើងល្បឿនលឿនកំលាំង 150kW DC Fast Charging ដែលសាកភ្លើងពី 0-80% ប្រើពេលប្រមាណតែ 30 នាទីប៉ុណ្ណោះ ហើយរថយន្តអគ្គិសនីប្រណិតនេះ ក៏មានមុខងារសាកភ្លើងតាមរយះរន្ធ AC កំលាំង 11kW ផងដែរ។ RZ 2025 Series បំពាក់យ៉ាន់កង់ទំហំ 20-inch ជាប្រភេទ aero wheels។ បច្ចុប្បន្នរថយន្តអគ្គិសនី Lexus RZ 2025 គឺមានចេញលក់សម្រាប់ម៉ូដែល RZ500e FWD នៅទីផ្សារប្រទេសម៉ាឡេស៊ីដែលមានតម្លៃខ្ទង់ $96,853.77៕