នៅថ្ងៃនេះ មានដំណឹងថ្មីមួយដែលចេញពីប្រទេសកូរ៉េត្បួង រួមជាមួយនិងប្រភពពីឧស្សាហកម្មបច្ចេកវិទ្យា បានបង្ហើបថា Samsung មានគម្រោងនឹងធ្វើការប្រើប្រាស់នូវបន្ទះឈីបថ្មី Exynos 2600 នៅលើស្មាតហ្វូនជំនាន់ថ្មី Galaxy S26 Series។ តាមដំណឹងនេះ ក្រុមហ៊ុននេះ គឺបានចាប់ផ្តើមផលិតទ្រង់ទ្រាយធំទៅលើបន្ទះឈីប 2nm Gate-All-Around (GAA) នេះហើយ ដោយក្នុងនោះមានការបញ្ជាក់ថា ក្រុមហ៊ុនមិនត្រឹមតែប្រើប្រាស់នៅលើស្មាតហ្វូនម៉ីដែលស្តង់ដារ និងម៉ូដែល Plus នោះទេ សូម្បីតែម៉ូដែល Galaxy S26 Ultra ក៏នឹងមានការប្រើប្រាស់ឈីប Exynos 2600 ដូចគ្នា។

យោងតាមរបាយការណ៌កន្លងមក បាននិយាយថា បន្ទះឈីប Exynos 2600 នេះ គឺមានសមត្ថភាពធ្វើការទៅលើបច្ចេកវិទ្យា AI performance លឿនជាង 6 ដង ប្រៀបធៀបជាមួយនិងបន្ទះឈីប A19 Pro ដែលប្រើប្រាស់នៅលើ iPhone 17 Pro ហើយក៏មានការបង្កើនអនុភាព 75% ទៅលើ GPU និង 14% ទៅ 15% ទៅលើ multi-core CPU performance បើប្រៀបធៀបជាមួយនិងបន្ទះឈីប Apple និង Snapdragon 8 Gen 5 Elite។ Exynos 2600 ត្រូវបានគេរាយការណ៌បន្ថែមថា បានល្បឿនលឿនជាងមុន 30% ទៅលើ AI និង 29% ទៅលើ GPU performance។

សូមជំរាបថា Samsung បានធ្វើការនៅលើឈីបនេះ ដោយមានចំនួន 10-Core CPU cluster ដែលមានល្បឿន 3.80GHz high-performance core ហើយថែមទាំងមានតម្លើងនូវម៉ូឌឹមនៅក្នុងនេះរួចជាស្រេច ដែលអនុញាតអោយស្មាតហ្វូមានល្បឿនកាន់តែលឿន និងមានភាពរលូនជាងមុន។ ជាមួយគ្នានេះក្រុមហ៊ុននេះក៏បាននាំមកនូវ Heat Pass Block (HPB) និង Fan-Out Wafer Level Packaging (FOWLP) ដើម្បីការពារការឡើងកំដៅ នៅលើស្មាតហ្វូនថែមទៀតផង។

គួរបញ្ជាក់ថា Samsung ជាធម្មតា តែងតែប្រកាចេញស្មាតហ្វូនជាមួយនិងបន្ទះឈីប Exynos នៅលើស្មាតហ្វូន Galaxy ដែលមានលក់នៅលើទីផ្សារកូរ៉េខាងត្បូង និងទីផ្សារអឺរ៉ុប ខណៈដែលទីផ្សារអាមេរិ ជប៉ុន និងចិន គឺប្រើប្រាស់នូវឈីប Snapdragon។ ទាក់ទងនិងយុទ្ធសាស្រ្តពេលនេះ ក្រមហ៊ុនអាចនឹងបន្តប្រើឈីបនេះដូចមុនដែរ ប៉ុន្តែអ្វីដែលប្លែកនោះ គឺឈីបនេះក៏អាចនឹងមានវត្តមាននៅលើស្មាតហ្វូន Ultra ផងដែរ។